Hêjeyan,
Kerem bikin ez bi nivîseke nû dîsa bi we re me.
Slav û rêz.
Bûbê Eser
Helwest biryar û îstîqrar
Bûbê Eser
Berî her tiştekî divê mirov ango însan xwedî helwest bin. Di çi warî de û di çi
halî de dibin bila bibin, dema xwestin biryarekê bidin, tiştekî pêk bînin an jî
li hember tiştan bê deng nemîne divê bibe xwedî helwestekê. Loma jî helwest
girtin di jiyana mirovantiyêde cihekî girîng digire. Ji ber vê yekê ye ku mirov
bi rehetî dikare kesên xwedî helwest û yên bê helwest bibîne û wan li gor vê
li mêzînê xe.
Biryar girtin di qedera gelan û mirovantiyê de cihê wê girîng û barê wê giran
e. Loma jî mirov nikare hema bi lez û bez li hember her tiştekî bibe xwedî
biryar. Ji ber ku berî biryar girtinê divê mirov, lêbikole, lê baş bifikire, li
hember bûyer û kiryaran bihnfireh be da ku mirov bikaribe bibe xwedî biryarên
rast. Biryardayinên çewt û şaş birîneke kûr di civatê de vedike û dilê gelek
mirovan jî diêşîne. Ji ber vê yekê ye ku berî ku mirov li ser tiştekî an jî li
hember tiştan divê nebe xwedî biryarên bi lez û bez da ku şaşiyan neke.
Li gor min ya herî girîng jî ew e ku mirov ango însan bikaribin bibin xwedî
îstîqrar (xwediyê gotin, biryar û peyvên xwe bin) da ku jiyana wî/ê helwest û
biryar girtinên wan cihê xwe bigire. Ji ber ku kesên bê îstîqrar mirov tu caran
nikare bi wan baweriyê bîne. Loma jî di jiyanê de mirov bi îstîqrarbûna xwe
dikare rola xwe bilîze. Ew jî baş an xerab dikare bibe. Ji ber vê yekê ye ku
bawerî tim bi kesên ku bi îstîrar in tê û kesên weha bêtir dibin cihên rûmetê.
Kesên ku bi helwestên xwe baş in, di biryardayîninê xwe de xwedî îstîqrar in,
dikarin civatê jî îdare bikin. Dikarin rêveberiya gelê xwe bikin û ji bona
azadî û rehetiya neteweya xwe tevbigerin. Bi ya min divê mirov û mirovantî li
ser van baş rawestin. Tahlîl, nerîn û dîtinên xwe li gor van pêk bînin.
Îcar ka em vegerin ser rewşa ku îro em weke kurd têdene. Em li dora xwe, li
partiyên xwe, li rêxistinên xwe, li mirovên xwe û li însanên xwe binêrin. Em
binêrin û bibînin ka gelo ew tiştên min li jor behsa kirî ye bi kes û
kesayetiyan re, bi partî û rêxistinan re, bi siyasedmedaran re maye an na. Hûn
ya rastî bixwazin ez dibêjim ku nemaye. Ma tenê ew? Na, bawer bikin, şexsiyet,
bawerî, pîvan û gelek tiştên din jî îro bi piraniya kes û kesayetiyên ku bi
siyasetê ve mijûl in û tenê berjewendiyên xwe difikirin re nemaye. Ji ber vê ye
ku di rêxistinan, di partiyan û bi mirovan re hema hema îrade nemaye. Yên
xwedî îrade kêm in. Lê rast in. Roj bê ewên bi serkevin. Loma jî divê ew kes û
kasayetî, ew partî û rêxistinên weha divê her karên xwe bidomînin. Ji ber ku
taliya talî rastî wê bi ser bikeve.
Dema mirov behsa vê dike û rastiyê dibêje, dibe kelemê çavên gelek an. Loma jî
îro, rewşenbîr û nivîskarên me jî nikarin an jî naxwazin rastiyê bêjin. Ji bona
ku cihê xwe, heval û dostên xwe wenda nekin, rastiyê nabêjin. Li gor min
rewşenbîrên vê dikin jî divê mirov wan weke rewşenbîrekî/ê bi nav neke. Lê
mixabin îro kesên weha li pêş in û di şert û mercên îro de rewşenbîrên herî baş
ew bi xwe ne(!)
Çareserî çi ye? Ma kî vê nizane. Zanin lê nakin. Dibînin lê nabêjin. Loma jî bi
kiryar û bûyerên xwe hin ji siyasedmedarên me, rewşenbîrên me yên ji bona
berjewendiyên xwe ê şexsî tevdigerin li gor vê jî berê civatê berbi şaşiyan
vedikin. Ew şaşiyên têne kirin, dê serrastkirina wan gelekî zehmet û zor be. Lê
mirov ji ku derê şaşiyê vegere ew kar e.
Bi vê munasebetê ez helwesta HAK-PARê û bi taybetî ya serokê wê brêz Bayram
Bozyel ya ku nebû namzetê (berendam) partiya bê îrade, pîroz dikim. Ev
helwesteke dîrokî bû ku wê gelek ji vê fêdê bîbînin, wê gelek ji ber vê ji xwe
şerm bikin. Ya girîng ev e ku ev ê bibe rêlibervekirina fikra azad ku êdî wê bê
gotinê…09.04.2011
--
- Diwanxane, platformek azad e, ideolojik nine, demokrasi serdest e; hemu Kurd
dikarin bi rengeki azad ramanen xwe binin zimen, kovar, malper u rojnameyen xwe
bidine nasin, helbest an nivisen xwe parve bikin. Heqaret qedexe ye. Rojda
Xanim, Serger Barî, Mihemed Rojbin ji bo niha moderator in.
Navnisan: http://groups.google.com.tr/group/diwanxane
- Diwanxane; Kurtceye kucuk bir adim icin kurulmus en buyuk Kurd mail grubu.
Hukuki sorumluluk yazara aittir. Kurd kultur milliyetciligi esas alinir.
Duzeysiz mailler onaylanmaz. Kurd dillerindeki mesajlara oncelik taninir.
