Berriz diot, nere aldetik amaitzeko (bestela erantzunek artikulua bera baino denbora gehiago eskatzen didate): nik folio bat idatzi nuen, dezente objektiboki dokumentatua. Ez dut inondik ere uste behintzat kontrako iritziek nereak baino dokumentazio, froga eta objektibotasun gehiago aportatu dutenik.
Gainera bat nator Mikelek beherago dioen honekin: "Areago, inor ez hiltzeko atentatuek ere izan dezakete ondorio gisa inor hil izana. ETAk bere estrategia armatuarekin jarraitzen du, kontrakoa esaten eta egiten ez duen bitartean, eta hori ezin da ahaztu". Ez gero ahaztu aurreko otsailean ETAk Madrilgo erakustazokan jarritako bonba-autoak 42 zauritu eragin zituela, "nahiezean" jakina, joan zen asteazkenean atzerako-parezido gertatu zela Madrilen bertan eta orain dela pare bat aste gipuzkoar batek paketea lurrean ikusi eta ostikoa eman ziola. Hanka barik geratu izan balitz... Bere errua ote? "Gatazka"ren ondorio? Inork uste al du aurreko asteetan erasotuak izan diran enpresa gipuzkoarrak 'anonimoak' direla, batere kriteriorik gabe aukeratuak? Inork uste al du enpresa horien atzekaldean ez daudela pertsona eta familia jakinekoak? Laburbilduz, nik uste dut arrazoi objetiboak daudela esateko: 1. Ez da egia ETAren "inor hil nahieza"-estrategiak bi urte dituenik. 2. "Inor hil nahian" ari zela harrapatutako azken komandoa polizia espainiarrak atxilotu zuen martxoaren 25ean. 3. Segurutik ETAk ez du inor espreski hil nahi izan geroztik egindako erasoetan, baina ustekabean inor hiltzen baldin badu ez da hildakoaren errua izango, ezta "gatazka"rena ere. Ah, eta badaezpadan, nik ere bakea nahi dut. Amati�o -----Mensaje original----- De: [EMAIL PROTECTED] [mailto:[EMAIL PROTECTED] En nombre de Mikel Elorza Enviado el: martes, 31 de mayo de 2005 9:51 Para: Eibartarrak zerrenda Asunto: Re: [eibar] Urte bi hildako barik Amati�ok: Gainera, noizdanik jendaurrean jazoten diren gertakariak datutzat hartzea --edo gogoan hartzea-- zuhurtasunaren kontrakoa da? Mikel: Ez da zuhurtasunaren aurkakoa, jakina. Baina "datu objektiboak" deitu diezu eta barruan intentzioaren juzkua egin duzu. Eta hori ez da datu objektiboa. Egia da 2003ko irailean Herreran gertatutakoa ertzainak hiltzeko saioa izan zela, eta hala izango zen lehenagokoa ere. Eta litekeena da ondorengoren bat ere hala izatea (Aintzoaingoa ez dakit). Horregatik nioen nik 2 urte ote diren ez dakidala. Baina pentsatzen dut, oraindik ere, azken hilabeteteetan (Martxoaren 11ren ondoren batik bat, orain 15 hilabete) badaudela nahita hartutako erabaki bat dela pentsatzeko motiboak. Ene ustez erabaki hori ez dela hartu pentsatzeko baino gehiago. Zuk 2003ko "frogak" aurkezten dituzu eta baita 2003ko Gabonetako gero trenetako kontu hura. Eta gero iltzeen kontua. Nire ustez horri "froga" esatea gehiegizkoa da. Nik inpresioa daukat erabaki hori hartu zuela --berriro esaten dizut orain 15 hilabete izan zitekeela, edo 12--, eta horren arabera gertatu direla gertatu diren atentatuak. Eta ez direla gertatu gertatu ez diren bezala. Iltzeenari erantzun dakioke, Mitxelek esan duenaz gain, neurri bereko beste Fernandoren egia batekin, bonba jarrita dagoela abisatzearen kontu horrekin (Blanco teniente koronelari ez zioten abisatu...) (Gabonetako trenetako kontu horretaz, zure azken "frogaz": Baltasar Garzonek dio, Aznarri eta M-11ko batzordean PPkoek esandakoari kontra eginez, ekintza hura ez daitekeela M-11ko sarraskiarekin konpara. Leherkari haiek trena hutsik zegoela lehertzeko asmoa zutela, aparteko burdin-bideetan zegoenean, eta beraz ez erabiltzeko argudio bezala ETA izan zitekeeneko usteaz ... edo holako zerbait. Garzonek esatea ere ez da egiaren bermea, noski, baina zuk "froga" bezala aurkeztea bezainbeste behintzat balio du.) Esan nahi dudana da, azken batean, niri iruditzen zaidala azken hilabeteetako jardueran badagoela asmo bat, edo "asmo-eza" zehatzago. Jakina hori kolpetik aldatzen badute ez dutela abisua joko (portzierto, Blanco teniente koronelarena nik ez nuen gogoan, zein zen alegia, hemerotekan begiratu behar izan dut), eta ulertzen dut, alde horretatik, lo ez hartzeaz egiten duzun aldarria. Areago, inor ez hiltzeko atentatuek ere izan dezakete ondorio gisa inor hil izana. ETAk bere estrategia armatuarekin jarraitzen du, kontrakoa esaten eta egiten ez duen bitartean, eta hori ezin da ahaztu. Kontua da inpresioa hartu nuela, zurea irakurrita, zure artikuluaren xedea zela erne egoteko baino gehiago intentzio hori ikusten dugunoi faltsu deitzekoa, kontzienteki faltsu, demostratua balego bezala hori ez dela horrela. Eta nire ustez ez dago demostratuta, eta zantzu gehiago dauzka besteak. Mikel ---------------------------------------------------------------------------- ---- _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
_______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
