Biodiesela aittatu dau Leirek eta nere izena be bai. Zeozer esan bihar.
AHT, autopista, garraioak eta ekologia saltsan izan dittuan hikamikia
jarraitu dot. Matrallako irratixan ez ditxut programa asko ein, baina
Martxelino ta bixok honi buruz luze berba ein genduan bat gogoratzen
dot, seguru Leirek entzun zebala, gure entzule fiñena zan eta (nahiz eta
batzutan lokartu omen). Eta bardiña errepikauko dot:
- AHT aberrazio erraldoi bat da edozein ikuspuntu serio eukitta.
- Ekologixia: egixa da berez trena, errepidiak eta kotxiak baño
ekologikuagoa dala. Baina ez AHTa. Bageneukan gure orografiara
egokitutako trenbide sare bat. Oin dala gitxi XX. mende hasierako euskal
herriko plano bat ikustia tokau jata eta harrittuta geldittu naiz. Jakin
banekixan trenbide asko eguazela, baina danak batera ikustian hiriburu
haundi bateko metro sarea burura danba etorri jata. Trenbide sare hori
poliki poliki garatu izan balitz (abiadura handiagoak, industria
guneetara sarrerak, bide paraleloak, ordutegi oparoak) munduko herririk
ekologiko eta erosoenetakoa izango giñake garraiobideen ikuspuntutik.
Baina gauzak bestela izan dira, garatu zirenak errepideak dira.
Petrolioa masiboki kontsumitzeko moduak bultzatu ziren (argi dago nundik).
AHTak ez dau A8ko trafikua askorik murriztuko, zerbait murrizten baldin
badau. Eta bide honetatik kanpora ezer, klaro.
Gure orografian horrelako munstro bat sartziak eragiten daben kaltia
kalkula ezina da, nahiz eta guztia justifikatuko daben /Estudio de
Impacto Ambiental /bat euki. Okupatzen daben azalera izugarrixa da.
Lursail pila bat desjabetu behar dira, lur mugimendu izugarriak egin
(azken hogei urtietan eindako guztien erdixa, 33 milloi m3), tunelak
(106 km), biaduktoak...barren barreneko mina sartzen da pentsatze
hutsarekin.
- AHTa, hortan diru asko irabaziko dutenei, interes politikoak izan
ditzaketenei (baleude) eta ezjakin batzuri bakarrik interesatzen jakue.
- Informazio falta ezin sinistekua izan da eta da.
- Informazioa nahi izan ezkero, irakorri doten testurik serioenetako bat
Roberto Bermejok idatzia da: * A
<http://www.bakeaz.org/CB63.pdf>**nálisis de rentabilidad del proyecto
de la ‘Y’ vasca y bases para una estrategia ferroviaria alternativa.
<http://www.bakeaz.org/CB63.pdf> *eta http://www.bakeaz.org/CB63.pdf
helbidian dago (http://www.sindominio.net/ahtez/agiriak/agiriak.htm
helbidian beste testu on eta aldarrikapen batzu pe badagoz). Alternatiba
trena da baina ez AHT.
- Beste ikuspuntu bat, ekonomiko gordina, garestia da. Ez errentagarria,
ez amortizagarria eta garraio sistema osoki hartuta bizi osorako
hipoteka bat. Defizitarioa da. Koste erreala 6.0000 milloi euro
ingurutan ibili leike, CAVeko biztanle bakoitzari zenbat tokatzen jako?
- Ekologiara bueltatuz, hor erabiltzia proiektatzen dan indarra, zentral
termiko eta zentral nuklearretatik asko eukiko dau.
Argi dago giza bizitzaren garapen on bakarra energi iturri eta lehengai
berriztagarrixak erabiltzetik etorriko dala, baldin badator. Baina hori
beste baterako lagatzen dot, biodieselarekin batera.
Agur eta ohore,
besarkada bat danori, ezjakinei be bai.
Asier Arregi.
_______________________________________________
Adi gero, mezuak bidaltzeko: [email protected]
http://www.eibar.org/zerrenda
harpidetza eteteko: [EMAIL PROTECTED]
