Pixkanaka-pixkanaka, baina ia lortu dot (azken kapitulua falta jata)
Toribioren "Viaje por el país de los recuerdos" bukatzia.
Nik uste dot eibartar edo Eibarren bizi garen danok irakurri beharrekoa
dala, eskolan ere zatiak irakurri eta lantzeko modukoa. Nik behintzat,
gauza asko ikasi eta ulertu ditut, gaur egungo eta azken urtiotako Eibar
ulertzeko balio dabenak. Askotan kanpotik ez da ulertzen eibartarron
izaera eta dudarik gabe zerikusi haundia dauka urte haietan gertatutakoekin.
Dudarik gabe Toribioren garaia (1900-1936) izan zan Eibarren garai
aberatsena, ez hainbeste ekonomia aldetik (hortik ere bai igual, alboko
herriekin alderatuta behintzat) baizik eta mugimendu ekonomiko, sozial,
hezkuntza eta kultural aldetik. Garai horri esker altxatu zen berriz
herria gerra ostean hain azkar eta 60-70. hamarkadetan ekonomia martxan
hasi zenean Eibar ongi prestatuta zegoen aukera aprobetxatzeko (noski,
Toribioren garaietan baino esfortzu askoz txikiagoarekin, lana aurretik
eginda zegoen eta).
Baina gauzak zikloka doaz eta 60-70. hamarkadetako egoera ekonomiko
onean jaiotakook nahiko light atera gara, eta horrek gainbehera dakar.
Gaizki-gaizki ez gaude, baina...
Dudarik gabe hurrengo urteotan Eibar berrasmatu beharko dugu hemen bizi
garenok bide berriak asmatuz, herriak zentzua izaten jarraitu behar badu
behintzat.
Gari
(Elgoibartarra sasihistorialari-soziologoarenak egiten)
_______________________________________________
Adi gero, mezuak bidaltzeko: [email protected]
http://www.eibar.org/zerrenda
harpidetza eteteko: [EMAIL PROTECTED]
