|
Pedro Miguel Etxenike,
Administrazioa Euskaraz aldizkariko Solasaldiak sail bereiziko 2. aleko 18.
orrialdean:
"Begira, nazionalismoa kanpoan
zu ikusteko grina da, bisibilitate grina nolabait esateko, inguru uniformitzaile
batean ez desagertzeka, nortasun erro batzuei eusteko grina. Ez da, espabilatu
askok esaten duten bezala, bidaiak eginez sendatzen den zerbait. Alderantziz,
zenbat eta gehiago bidaiatu, orduan eta nazionalistagoa, munduan zehar dagoen
abertzaletasuna gero eta argiago ikusten duzulako."
Ez dakit erabat ados nagoen, ez
dakit horrelaxe esango neukean... baina egi zati bat edo bada, edo izan
leikeela...
Azken astian Landetan,
Frantzian, izan naiz. Bertako turisten artean baziren frantzesak, ingelesak,
alemanak eta... eta... espainolak? Bertatik ibilitta ikusten da "espainol"
horrek %95an justu giputxak direla (El Diario Vasco asko saltzen zan, horren
aldean El Correo, El Pais eta horrelakoak huskeria hutsa) eta
ondorioz-edo asko eta asko euskaldunak, ez dakit ba, baina seguruenean
gehixago entzun dot euskaraz espainolez baino.
Kanpinean,
megakanpinean, zure datuak emon behar, inprimaki batean, besteak beste
zeure herritartasuna, "nazionalitatea", adierazi behar, aukeren artean, besterik
ez eta "espainola" aukeratu behar. Eta euren estatistiketan, dena
informatizatuta, agertuko da turisten artean % xx espainolak dirala, eta denak
gustora sentitzeko kanpineko sarrerean bandera frantsesak, ingelesak... eta
espainola, eta bertako beharginak hainbat hizkuntza dakixe: frantsesa, ingelesa,
alemana eta espainola. Eta horrelaxe dana.
Hortik dabixen "espainolak"
besterik esango leukeela? Bai, seguru, baina hori ez da inon jasotzen. Nik,
beste askoren artean, ideia bat garbi izan dot: herri batek estatu bat ez
badauka jai dauka, erabat ikustezina da munduan. Esistituko ez balitz lez.
|
_______________________________________________ Adi gero, mezuak bidaltzeko: [email protected]
http://www.eibar.org/zerrenda harpidetza eteteko: [EMAIL PROTECTED]
