|
Nik Marko horrekin
negarra ren ordez barre egiten nuen.
Gainera gogoratzen naz noiz
eta non nengoen Markok bere amaitxo maitea (Ana izenez
???) aurkitu zuenean, aya en la Argentina,
Kili-Kiliak edo antzeko
zerbait banatzen, propaganda banatzen, baserri baten.
Jakina baserria, horko lobak, edo orduko
telebista onenean ematen zuten programa ari ziren ikusten. Behintzat
portaletik primeran entzuten zan. Prime-time. Zapatu arrastia.
Hango negarrak. Niretzako "pos
fale".
Nik nirearekin jarraitu nuen, biziliketan,
lasai-lasai banatzen 1977 edo 1978ko urriaren lehen
asteburua.
Ez ninduen engatxatu.
Tximinoaz bai gogoratzen naz, " Amelio"
edo ·Amedio".
Beste Marko, bakarra da
----- Original Message -----
Sent: Tuesday, November 15, 2005 12:51
PM
Subject: Re: [eibar] negartixak
Leirek:
---Ez dakitt, posta-zerrendan ez daguan
bat ezagutzen dot Heidi eta
Marcokin negar egitten dabena.
"Heidi" izeneko ipuin bat idatzi nuen (Bihotz Gosetien
Kluba liburuan), horrela hasten dena:
X.
Jabi
Langarikari beti gustatu izan zitzaion Heidi. Txikitatik, telebistaren aurrean
eseri eta aho zabalik ikusten zituen abentura goxo bezain hunkigarri haiek,
marrazki huts izan arren guztiz hurbil eta ia ukigarri zitzaizkion pertsonaia
haiek: Heidi, Pedro, aitona, Niebla, Klara, Rottenmeier andereñoa... Horretan
ez zen horren berezia, milaka baitziren, aitorturik nahiz aitortu gabe,
Alpeetako neskatxaren gazi-gozoekin irri eta negar egiten
zutenak.
Berezitasuna, horrela esan baliteke, gero hasi zen, handik
urteetara, Heidi telesaila Euskal Telebistan deskubritu zuenean. Garaitsu
hartan banatu berria zen Jabi, eta bakarrik bizi zen birentzat ere txikia ez
zen pisuan. Olgak hutsik utzitako pareta txuri eta apalategi txurien artean
nabarmenagoa zen plasmazko pantailadun telebista handia, eta haren aurrean
esertzen zen arratsaldero Jabi, larru beltzezko sofa zabalean, Heidiren atal
zahar hizkuntzaz berrituak ikustera. Osterantzean arrotza egiten zitzaion
telebistako euskara, filmetakoa bereziki, giputza iruditzen zitzaiolako, edo
artifizialegia, edo dena dela. Baina Heidiren kapitulu haiek txikitako lilura
bera eragin zioten barrenean, txikitako magia sorgingarri bera piztu bere
zentzumenetan, eta, batez ere, txikitako hunkidura bera bere bihotzean eta
begi-txokoko guruinetan. Inoren aurrean egingo ez zukeen arren, pertsianak
jaitsita sala hustuan sortzen zen erdi ilunpe bakartian, kuxin bat magalean
edo haren ertza hortz artean hartuta, negar egiten zuen Jabi Langarikak, malko
lasai eta gozotan negar, sentimendu puru, garbi eta ederren erakusaldi haien
aurrean.
Pertsonaiak lehengo berak ziren, jakina, eta izenetan ere ez
zuten alde handirik: Heidi Heidi zen noski, Pedro Pello, aitonak aitona izaten
segitzen zuen, Klarak lehengo izenari eusten zion, baita Rottenmeier
andereñoak ere, eta txakurra zen aldaketa handixeagoa izan zuena. Lehengo
Nieblak Lanbro zuen orain izena, baina Jabi berehala ohitu zen eta kasik
politagoa eta guzti iruditzen zitzaion orain, izen euskaldunekin. Izan ere, ez
al ziren guztiz egoki ezkontzekoak, Heidiren lañotasuna eta haren zintzotasun
tolesgabe eta erabatekoa, batetik, eta euskaldunei oro har eta
zibilizazioarekin lotura gutxi izandako euskaldunei bereziki egotzi izan
zaizkien dohain eta ezaugarriak, bestetik? Bai, dudarik gabe jatorragoa eta
zinezkoagoa zen Heidi euskaraz, eta aitonaren txabola, Austrian edo Suitzan
barik, Gorbeiako maldetan imajinatu ohi zuen Jabik.
Olgak barre egingo
zien burutazio haiei. Olgak oso erraz egiten zien barre besteen ideia eta
sentimenduei. Batez ere Jabirenei. Horregatik ezkutatu izango zizkion sentipen
haiek guztiak, baina orain ez zen beharrezkoa izango, urruti baitzegoen Olga,
Indotxina aldean edo munduari buelta ematen, hor nonbait entzun zuenez,
“barakurkuilu batekin bizitzen aspertuta”, Olgak berak esan zionez. Orain
barakurkuilua bere oskolean bilduta zegoen, eta inguruan zauritu zezakeen ezer
ez inor ez zebilela ziurtatutakoan bakarrik ateratzen zuen kanpora bere
gorputz bigun eta babesgabea, Heidi telesailaren aurrean malko gazi eta epelak
botatzeko.
_______________________________________________
Adi gero, mezuak
bidaltzeko:
[email protected]
http://www.eibar.org/zerrenda
harpidetza
eteteko: [EMAIL PROTECTED]
|
