Kaixo Serafin, Zerrendan apenas idazten duen horietakoa izanik, beti neure burua aurkeztu beharrean sentitzen naiz.
Joseba Etxarri naiz eta gustatuko litzaidake bertsook www.euskalkultura.com -en argitaratzea, arazorik ikusten ez baduzu. Testuinguruari buruz zerbait gehiago jakin nahiko nuke, daturik badaukazu behintzat. Ondo ulertu badut, Aitzolen paperen artean agertutako bertsoak dira. Ba dakizu nondik lortu zituen berak? Zuzenean norbaitek amerikanoren bati entzun eta transkribituak? Ala inon argitaratu izan dira? Ba al dakizu ezer horri buruz edota delako Araluzeari buruz? (Interneten bertan ikusi dut bere beste bertso-sorta pare bat, Euzkadi-n 1931ean argitara emana, hemen: http://urkiza.armiarma.com/cgi-bin/urkiza/EBMODEGI.pl?Egile=612 ) Hilabete pasexe barru Elkon bertan egongo naiz hamabost egunez udaleku batean eta galdetuko dut bertsooi edota Mariano de Araluzeari buruz, emaitzik eskuratzea erraza izango ez dela jakin badakit ere. Ea bestelako argitasunik ekartzen didazun. Dena den, mila esker bertsoak konpartitzeagatik. Joseba
_______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
