Re: [eibar] Balaklava

[Mikel Elorza]

Barkatu aspaldiko kontu batekin etortzeagatik. Oierrek Balaklavako batallaz eta Krimeako gerran parte hartu zuen Murgarena kontatu zuenean kuriosidadeak kosk egin zidan. Interesgarria zen Krimeako gerran ibilitako markinar baten berri izatea... Harritu nintzen, ordea, arrantzale ondarrutarren anekdotarekin eta inork bere harridura ez azaltzearekin (edo Luistxok bere horretan hartu eta erabiltzearekin). Arrantzale ondarrutarrek runboa galtzea posible izango da (marinel trebe askoak izanagatik ere), baina Krimeako hondartza batean azaltzea! Mediterranioraino joan, hura alde batetik bestera pasatu inongo irlarik jo gabe, gutxienez hiru itsasarte igaro, Istanbul aurretik pasatu (gauez eta begiak itxita pasatu behar ez ikusteko) eta Bosforo osoa zeharkatu eta gero Itsaso Beltza ere korritu Krimearaino. Ulises berriak! Gehitxo iruditu zitzaidan. Eta nola pertsonaiarekiko kuriosidadea ere baneukan, jo nuen "iturrietara". Anekdota ez nuen bere memoria liburuan topatu ("Recuerdos del moro vizcaino"), hor Marokoko pasadizoak kontatzen baititu. Anekdota hori, hori izango da, Javier Ybarrak kontatu zuen "El Moro vizcaino"z egindako liburuan. Frantzia-Turklia-Ingalaterrrako Armadakoekin zelarik Krimean, soldadu aurkari batzuk harrapatu zituztela --errusiarrak alegia--, eta haien artean bazela bat inork ezagutzen ez zuen hizkuntza batean hitz egiten zuena. Euskalduna zen eta Murga jauna konturatu zen. Baina deus ez arrantzale ondarrutarrez. "Su vida bohemia"k haraino eramandako euskaldun bat zela dio liburuak. Anekdotak balio izan dit, ikusten duzuenez, Murga jaunari buruz pixka bat ilustratzeko. Aberasgarria. beraz. Eta arrantzale ondarrutarrenganaino nola iritsi den ez dakit, ez zait batere inporta, baita aurrerantzean hola zabaltzea ere anekdota, baina ni ere fikzionatzen hasita, esango nuke Murga jaunaren inguruko norbaitek asmatuko zuela buloa, anekdota baliatuz, Ondarroako arrantzaleei arraina debalde kentzeko. Tontotik batere ez Murgatar jauntxo hauek.   Mikel     ----- Original Message ----- From: Luistxo Fernandez To: Eibartarrak zerrenda Sent: Monday, October 16, 2006 10:54 PM Subject: Re: [eibar] Balaklava On 10/15/06, Luistxo Fernandez <[EMAIL PROTECTED]> wrote: Oierrek: Jose Maria Murga markiñarra Balaklavako batalla horretan egon zan, frantsesekin burrukatzen uste dot. Anekdota bat kontatzen dau bere liburuan ("El Moro Vizcaino"): Crimeako hondartza batetik zihar zaldixan zebixala, soldadu batzu topatu zittuan, katigu batzu afusillatzera zeroiela. "¿Zer?", eta... "Espia rusuak izango zirala, berbeta ulertueziñezkuan zebizela", eta... Halako baten, ¿ez dittu ba euskeraz berbetan aitzen? ¡Arrantzale ondarrutarrak ziran!   Irutxuloko Hitza egunkarirako nire zutabetxoa idazteko balio izan dit Doner Kebab eta Balaklavako kontu honek. Oierren anekdota hau ere sartu dut, eta bertsio apur bat modifikatua jarri neure blogean: http://www.eibar.org/blogak/luistxo/balaklava Bestalde, Balaklava Doner-kebabetik gertu, Donostian, beste nobedade bat: jatetxe eusko-japoniarra, Txubillo, Istingorra kalean. Bi erreferentzia entzun ditut hanhgo janaren inguruan: ez onegia. Baina probatzerakoan esango dizuet. Balaklava, Eusko-japoniarra, eta Shanghai bera, mapa honetan: http://www.tagzania.com/user/luistxo/jatetxea+antigua Luistxo _______________________________________________ Adi gero, mezuak bidaltzeko: eibartarrak@postaria.com http://www.eibar.org/zerrenda harpidetza eteteko: [EMAIL PROTECTED]

_______________________________________________
Adi gero, mezuak bidaltzeko: eibartarrak@postaria.com

http://www.eibar.org/zerrenda

harpidetza eteteko: [EMAIL PROTECTED]