Ni ez naiz La 2-eko dokumentalak ikusten dituela esan eta kotilleoko programak ikusten ibiltzen den horietakoa (nahiz eta biak egiten ditudan), baina azkenaldian oso sarritan ikusten dut Euskalteleko kabletik datorren Natura telebista katea. Izen euskaldunak dioen bezala, naturaren inguruko erreportaiak ematen dituzte bat bestearen atzetik, eta oso egokia izaten da umeak afaldu ondoren animaliekin txunditu eta oheratzeko.
Atzo Kenia, DDT eta malaria azaldu ziren erreportai batean. DDT-a debekatuta dago mundu guztian, eta oso egoera zehatz eta kontrolatuetan bakarrik erabili daiteke. Ba, hara non, Kenian DDT erabiltzeko baimena eskatzen ari dira hango osasun ministeritza, ONG eta beste erakunde asko. Zergatik? - DDT da malariaren aurkako botika efektiboena. Grafika bat erakutsi zuten, DDTaren debekua eta malariaren intzidentzia alderatuz. Kanpoko beste eragilerik ez bada egon behintzat, grafika argia da. - Balantzan jarrita jasangarriagoak iruditzen zaizkie DDT-aren kalte posibleak, malariak urtero sortzen dituen hildakoak baino. - DDTa ez omen dago patenteen menpe, eta produzitzea oso merkea omen da. Aldiz, DDTaren alternatiba diren insektizidak oso garestiak dira eta gainera enpresa kimiko asko dago beraien atzetik, patente ugarirekin. Enpresa hauen interesa azpimarratzen dute DDTaren debekuaren atzean dauden arrazoien artean. - Etxe barruan bakarrik erabiliko dutela, eta ez kalean edo landa eremuetan. Apur bat pentsatuz: guk, 10.000 kilometrora bizi garenok, zein eskubide dugu haiei zer erabili eta zer ez erabili esaten ibiltzeko. Azken finean, guk egun batean seguru haiek urtebetean baino gehiago kutsatzen dugula, ez? Gari _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
