Andrian aitta Larrabetzuarra da. Bertan "hori" kolorea esateko "beilegia"
diñue. Bueno, gutxi gora behera.
Lehenguan Euskal Telebistan Patziku Perurenari koloreen gaineko
elkarrizketa egin zetsen. Gaur, kasualitatez, koloreen gainean Martinez
Lizarduikoak eta Txema Preziadok egin zeben liburuaren gaineko Berriako
artikulu bat topatu dot gordeta apal batean. Azken batean zer aipatzen dabe
iturri horrek aho batez? ba gaur egun erabiltzen dogun gama kromatikoa ez dala
euskaldunok historikoki erabili izan doguna, ezberdintasun nahikotxo dagoela.
Zer kontatu gura dot sarrera horrekin? Juan Antoniorekin (andriaren aitta)
nebilela, halako batean aipatu zeban hor zeuan txano bat beilegia zala
(zeharka, jakina, ez gehiarduen horretaz-eta). Niretako garbi zeuan txano hori
laranja zala, ez beilegia-horia. Nolabait tema horretara bueltatu nintzan
disimuluan -Juan Antonio konfunditu ote zan- eta garbi esan zeban ha beilegia
zala.
Guretako Euskalteleko txanoak (horixe zan-eta txano beilegi hori) laranjak
dira, baina Juan Antoniorentzako, "beilegia" kolorearen barruan (eta ez dabe
sekulan "horia" erabiltzen) bertan sartzen da horia eta laranja.
Koloreen gaineko teoria horren demostraziñoa bertan nakan, edadeko
"indigena" batek garbi azalduta.
Imanol Trebiño._______________________________________________
Adi gero, mezuak bidaltzeko: [email protected]
http://www.eibar.org/zerrenda
harpidetza eteteko: [EMAIL PROTECTED]
