Zergatik ordea izenburuko "Londres"? Zergatik hain zuzen kartoizkoa?
Baliteke izenburuko "kartoizko" horrek Vredaman-eko pasarte honekin zerikusia izatea (47 or.): "Mateok, liburuak lapurtzera joaten zen bakoitzean, kartoi bat eramaten zuen poltsikoan. Kartoi deigarria eramaten zuen; kartoi gorria, berde fosforeszentea, horia. Eta lapurtutako liburuaren apalean uzten zuen Mateok kartoia, eta idazten zuen: 'Hemen zegoen liburua lapurtu dut.' Ondoren, liburuaren egilea idazten zuen kartoian, izenburua, argitaletxea, urtea eta, astia bazuen, identifikazio zenbakia ere bai." "Londres kartoizkoa da"n, "Eskualde" zehaztugabe batean kokatzen dira gertaerak: Ikazkinen Liburu Brodatuaren diktadura ankerra, beronen aurrekariak eta ondorioak. Londres Eskualde itogarri honetatik ihes egiteko moduko hiriburu zabal bat da. Ikazkinen atzaparrak ez dira bertara iristen. Londresen ez dute Liburu Brodatuko lege zapaltzailerik: ez dago debekatuta teilatuetan ibiltzea, grabazioak egitea; telefonoz ere, nahi adina mintza liteke Londresen. Eskualdean, lau medikuk "Errun" izeneko txostenak idazten dituzte: ohi ez bezalako zerbait sumatzen dutenean, txosten ofiziala idazteaz gain, benetan pentsatzen dutena Errun txostenetan jasotzen dute. Liburu Brodatuaren kontrafigura osatzen dute Errun txostenok. Eta Eskualdean arriskua larritzen delarik, Londresera joko dute mediku txostengileok. Londres kartoizkoa, hortaz, Vredaman-eko kartoia bezala, lapurtutako liburu baten ordez dago, Errun txostenek osa lezaketen liburuaren ordez zehazki. Errun txostenek egia adierazten dute. Diktaduretan zein gurea bezalako garaietan ere, adostasun beroegietako garaietan, egia lapurtu egin behar baitzaio uste nagusiari. Arriskatuz lapurtu behar zaio noski; eta batzuetan ez dago egia aldarrikatzerik ez bada mozorrotuta, edo gordean. Londres beharrezkoa da iritzi nagusia eta egia bat ez datozen heinean. Egiak Londresen aurkituko du babesa. Errun txostenetako egia erauzi eta ebatsi egin behar zaio, dela diktaduretako ikuspuntu ofizial bakarrari, dela demokrazietako kontsentsu zarratu histerikoari. Lapurtu behar ez balitz, agintarien eta hauen bozeramaileen borondaterik ez balego gezurra -edo beren uste hutsa besterik ez dena- egia bakar bilakarazteko, ez genuke Londresik behar. ----- Original Message ----- From: leire narbaiza arizmendi To: Eibartarrak zerrenda Sent: Friday, September 11, 2009 2:06 PM Subject: Re: [eibar] Londres kartoizkoa da Sorpresa ona emon destatzue! Ze nekixan nobela barrixa zekanin! Nik SP, Van hoff, Vredaman dittut irakorritta. Eta asko gustau jatazen 3rak. SP puntazo bat irudittu jatan, diferentia, freskua. eta bestiak gustora Apuntauta Londres... Negu honetarako? Ia astixa hartzen dodan! leire Elena Laka<[email protected]> igorleak hau idatzi zuen (2009eko iraren 11a 09:57): Ez da txarra "Londres kartoizkoa da" irakurtzea egia balira bezala Elorriagak Berria-n Ainara Gorostizuri bota zizkion argibide aizunak eta aztarna faltsuak, zeren horrela intrigak eta ezustekoak irabazi egiten baitu. http://paperekoa.berria.info/plaza/2009-06-06/046/002/%C3%87Nire_literatura_aldatu_dut%C3%88._Uda_ondoren_plazaratuko_du_laugarren_nobela_%C3%94Londres_kartoizkoa_da%C3%95_Elkarrekin._Aurrekoetan_egindakoa_desegin_berrasmatu_eta_aldatu_du._Diktadura_gogor_bateko_minaren_kontakizuna_teilatu_gainean_kokatu_du._Unai_Elorriaga._Idazlea.htm Hau da nik Elorriagari irakurri diodan lehen nobela, eta aurrez ezer jakin gabe, uste dut horrela irakurri dudala, aztarna faltsu horiei segika. Intrigak harrapatu ninduen eta ezin nion irakurtzeari laga. Orain bukatutakoan, berriro irakurri beharko nukela iruditzen zait, bukaera jakinda. Baina hori aurrerago, ez orain bukatu berritan. Gomendagarria. Elena _______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko. ------------------------------------------------------------------------------ _______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
