Eibar.org-eko azken afarixan Eibarko hiztegi berrituaz jardun
genduan, nik topatu neban (eta ez ei neban topatu bihar), Asierri horren
gaineko berbalditxo bat eskatu netsan, eta berak 10 minutu jardun horretaz.
Berak itxura bai baina edukia ez zala hain aldatua, nik baietz, konparaziño bat
egin nebala eta aldaketa serixua zegoela, berak ez zebala uste, Serafín
zebilela horretan eta bera ez hainbeste, baina bere ustez ez zegoela aldaketa
handirik.
a) Nik erdarazko "a" letran aurreneko orrixa nakan konparatuta
hiztegi zaharrian eta barrixan. Zaharrak 64 sarrera zittuen, barrixak bazittun
horrez gain 45 gehixago eta 4 kenduta.
b) Asierri entzunta, pentsau neban "ba, tira, biharbada
bakarrik hor izango da, kasualitate hutsa, eta zoriz beste bi orri aukeratu
nittun konparaziñua egiteko. "Chismoso" berbarekin hasten dana hartu eta
konparatu: Zaharrak 67 sarrera, berrixak beste 22 gehixago eta 17 inguru
kenduta.
c) Eta hirugarrena "probar" berbarekin hasten dana. Hor
zaharrak 79 sarrera, eta barrixak beste 30 berri eta lehengo 13 zahar kendu.
Guztien artean, muestrarako aproposak izan leikezen hiru orri hórretatatik
atararatako datuetatik, eta beti erdara-euskara atalera dagokionez: zaharreko
210 sarreretatik 97 barri gehitu ziran, (+- %45), eta 34 kendu (+-%15).
Zera, aldaketa haundixa deritzat.
Sarrera barri hórrek nondik urten daben be begittu dot (larregi
sakondu barik halanda be) eta bastante zaharran zatiketak dira. Esate baterako,
eta adibide honetan holaxe izan dan zehatz-mehatz begittu barik, izango
litzateke:
Zaharrian: "a gusto, placenteramente: Gustora"
Barrixan: "a gusto: Gustora"
"Placenteramente: Gustora"
(eta gero, jakina, beste sarrerak)
Hiztegia erdaratik abiatuta eta sekuentzialki, ordenian, begittu
ezkero, aldia dago. Gero euskaratik abiatzen dan zati nagusi horretan ez dakit
zenbateraino aldatu dan.
Horretan zabizienei, zarata gutxi(egi) atarata, eskerrik asko.
Trebi.
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
