Eibar.org webgune/blog nagusixan eta pribauan mezu truke bat izan dot,
Maialen Araolaza eibartarrak telebisiño saio baten partehartzian
kontura, eta interesgarrixa eresten detsat posta zerrendara ekartzeko.
Izan be, bapatian egindako komentarixo fribolo xamar batekin hasi da
dana (nun halako programak "tontokerixatzat" hartu dittudazen), eta
batzuk antza txarrera hartu dabe.
Araolazatarren mendeku kolektibo bat bildurgarrixa izango litzake
(Oierrek ezpatadantzia nere arpegixan egiñ; Juanjok metatarsianuak
alikatiekin ebagi; eta Garik nere tresna informatiko guztiak hackeau,
dana batera) eta horregaittik nere mezu lakonikua apur bat azaltzia
mereziko dau, (ondo) ulertze aldera.
Hasteko, ez dakat ezer Maialenen aurka, kontrara: berakin izan doten
harreman apurrian -profesional nahiz pertsonalian- neska baliotsua
begittandu jata. Gaiñera, ez dot ezelako atxekirik ipintzen telebista
saio baten partehartzian aurrian (zeiñek eta nik, ETB-n nabillen honek);
bakotxak ahal daben modura irabazi bihar dau ogixa, eta profesional
garanok ez dogu normalian gure bezeruen katadura morala epaitzen.
Oiñ: gauza bat hau da, eta bestia nik Operacion Pufo moroko reality
showak defenditzen hastia. Espektakulu mota horren kontra asko egin da
berba, eta uste dot onezkero dana esanda dagola.
Neretako, berez, TB programetan parte hartzia "pallasokerixia" da; neuk
egitten dotena barne. Hori bai: pallasuak asko estimatzen dittudaz. Nik
neuk askotan egitten doten papela da hori. Esate baterako, zapatu
honetan Garan argitaratuko doten artikuluak "Dopatze librearen alde"
izenburua daka. Oso interesgarrixa da bufoian papela. Frank Zappa be
bufoi xamarra zan, artista haundixa izatiaz aparte. Eta konszienteki
egitten zittuan egitten zittuan "tontokerixak". Horregaittik esan zetsan
semiari haxe: "Sekulan ez egizu tontuana egiñ... diru asko asko asko ez
badetsue ordaintzen behintzat", edo halako zeozer.
Hau izan da nere komentarixo "detonante" hartan esandakuan azpiko
esanahixa, ez gehixago eta ez gitxiago. Ez dakitt ezer konpondu doten,
ala igual ondiok gehixago estropiau: kontua da hauxe dala nik pentsatzen
dotena, zer egingo detsat ba.
O.
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
