Besimi në Zot ndihmon tejkalimin e problemeve sociale
Mitrovicë, 25 shtator
Dinamika e madhe e jetës dhe vrapi pas pasurisë ka sjellur një çrregullim të
jetës shpirtërore të njeriut, për çka nevojitet një shtyllë e fortë për
tejkalimin e kësaj gjendjeje. Kështu u tha të enjten në një tribunë të
organizuar nga Këshilli i Bashkësisë Islame në Mitrovicë në bashkëpunim me
OJQ-në “Vesa”, ku ligjëruan doktori i psikologjisë, Ferid Agani dhe hoxhallarët
Enis Rama e Ekrem Avdiu.
Në tribunën që kishte si temë bosht “Islami si zgjidhje absolute-trajtim
shkencor i problemeve sociale”, Agani u fokusua në rëndësinë e Muajit të
Ramazanit për shëndetin psikologjik.
Ai tha se në këtë trend kur njerëzit më të madhe janë duke vrapuar pas pasurisë
duke u ballafaquar si rrjedhojë me stres dhe depresion, besimi dhe agjërimi
janë korrigjuesit më të mirë të deformiteteve të mënyrës së jetesës.
“Me besim dhe agjërim i eliminojmë mbeturinat në trup dhe në shpirt dhe kthejmë
ekuilibrin normal. Ushtrojmë vetëkontroll në të menduar, në ngrënie, në sjellje
etj”.
Ndërsa hoxha Enis Rama, i cili u fokusua në aspektin fetar sa i përket
përballimit të problemeve sociale, tha se njeriu besimtar lirohet nga ndjenja e
të qenit rob i mallit, i pasurisë dhe gjërave që e rëndojnë në jetë.
“Besimtari e shfrytëzon besimin si ilaçin më të mirë për luftimin e sëmundjeve
dhe problemeve të tjera. Ai ndjehet vetëm rob i Zotit dhe askujt tjetër,
prandaj edhe ndjehet i lumtur”. http://www.mitrovica-komuna.org/ Web-faqja e
Kuvendit të Komunës së Mitrovicës
--~--~---------~--~----~------------~-------~--~----~
Ju merrni këtë mesazh sepse jeni të anëtarësuar në grupin "Fjala e Bukur" në
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në [EMAIL PROTECTED]
Për më shumë mundësi, vizito këtë grup në
http://groups.google.com/group/fjalaebukur
-~----------~----~----~----~------~----~------~--~---