DIALOG I NJË PRIFTIME NJË MUSLIMANPrifti 22 pyetje ndërsa muslimani një pyetje Një musliman kishte një shok të krishterë, i cili kërkoi prej tij shume herë që ta shoqëronte një ditë në kishë ku do të ligjëronte një prift që të kishte një qëndrim 'real' për të krishterët. Muslimani pajtoi të shkonte dhe shkoi por prifti e njohu atë dhe tha: Në mesin tone është një muhammedan (musliman). Si e ditë këtë?-pyeti muslimani. Kanë shenjat (e namazit) në fytyrë- u përgjigj prifti. Buzëqeshi muslimani ndërsa prifti i tha: Dua t'ju bëj 22 pyetje! Çka është një që nuk e ka të dytën? Çka janë dy që nuk e kanë të tretën? Çka janë tri që nuk e kanë të katërtën? Çka janë katër që nuk e kanë të pestën? Çka janë pesë që nuk e kanë të gjashtën? Çka janë gjashtë që nuk e kanë të shtatën? Çka janë shtatë që nuk e kanë të tetën? Çka janë tetë që nuk e kanë të nëntën? Çka janë nëntë që nuk e kanë të dhjetën? Çka janë dhjetë që pranojnë të shtohen? Çka janë njëmbëdhjetë që nuk e kanë të dymbëdhjetën? Çka janë dymbëdhjetë që nuk e kanë të trembëdhjetën? Çka janë trembëdhjetë që nuk e kanë të katërmbëdhjetën? Çka është diç që merr frymë por nuk ka shpirt? Cili varr ecte me njeriun në të? Kush janë ata që gënjyen por hynë në Xhennet? Cila është ajo gjë që All-llahu e krijoi por e urren? Kush janë ata që All-llahu i krijoi pa baba dhe nënë? Cila krijesë është prej zjarri, kush u shkatërrua me zjarr dhe kush u mbrojt prej zjarrit? Kush u krijua prej gurit, kush u shkatërrua nga guri dhe kush u ruajt me guri? Cila është ajo gjë që All-llahu e krijoi dhe e stërmadhoi? Cila është pema që ka dymbëdhjetë degë, në çdo degë kanë tridhjetë gjethe dhe në çdo gjethe ka pesë fryte; tri në hije e dy në diell? Muslimani, i bindur në fenë e vet dhe shumë besnik në Allllahun, filloi me bismilah e tha: All-llahu është Një që nuk e ka të dytin. Dy që nuk e kanë të tretën janë: Dita dhe nata, siç thotë Allahu: 'Natën dhe ditën i kemi bërë dy argumente'. (el-Isra, 12) Tri që nuk e kanë të katërtën janë:Arsyet e Musait me Hidrin, alejhimu'sselam për prishjen e anijes, mbytjen e fëmijës dhe ngritjen e murit. Katra që nuk e kanë të pestën janë: Kur'ani,Teurati, Inxhili dhe Zeburi. Pesë që nuk e kanë të gjashtën janë: Pesë namazet farze. Gjashtë që nuk e kanë të shtatën janë: Gjashtë ditët në të cilat All-llahu e krijoi gjithësinë. Shtatë që nuk e kane të tetën janë: Shtatë palë qiej, siç thotë All-llahu: 'Ai është që krijoi shtatë qiej palë mbi palë. Në krijimin e Mëshiruesit nuk mund të shohësh ndonjë kontrast…'. (el- Mulk, 3) Tetë që nuk e kanë të nëntën janë: Tetë melaiket që bartin Arshin. Nëntë që nuk e kanë të dhjetën janë: Mrekullitë e Musait, alejhisselam: Shkopi, dora, tufani, thatësia, bretkosat, gjaku, morrat, karkalecat dhe çarja e detit. Dhjetë që pranojnë shtim janë të mirat që për një shtohen me dhjetë por që pranojnë edhe shumëfish më shumë se kjo. Njëmbëdhjetë që nuk pranojnë të dymbëdhjetën janë: Njëmbëdhjetë vëllezërit e Jusufit alejhisselam. Dymbëdhjetë që nuk kane të trembëdhjetën janë: 12 krojet e Musait alejhisselam. Trembëdhjetë që nuk kanë të katërmbëdhjetën janë: Jusufi me vëllezër dhe me babë e nënë. Ai që merr frymë e nuk ka shpirt është sabahu siç thotë Allahu: 'Pasha agimin kur ia shkrep! (merr fryme)'. (et- Tekvir, 18) Sa i përket varrit që ka ecur me njeriun brenda në të ai është peshku që kapërdiu Junusin alejhisselam. Ata që gënjyen dhe hynë në Xhennet janë vëllezërit e Jusufit, alejhi's selam. Gjënë që e ka krijuar All-llahu por që e urren është zëri i gomarit, siç thotë: '… se zëri më i egër është zëri i gomarit'. (Llukman, 19) Ata që i krijoi pa baba e nënë janë: Ademi alejhisselam, deveja e Salihut alejhisselam, dashi i Ismailit, alejhi's selam dhe melaiket. Ai që është krijuar prej zjarrit është iblisi, ai që u shkatërrua me zjarr është Ebu Xhehli ndërsa ai që u ruajt nga zjarri është Ibrahimi alejhisselam. Ajo që u krijua prej gurit është deveja e Salihut alejhisselam, ata që u shkatërruan me gurë janë pjesëmarrësit në luftë me elefant (as'habul fil) ndërsa ata që u ruajtën nga guri janë banorët e shpellës (as'habul kehf). Gjënë që e ka krijuar Allahu dhe që e ka stërmadhuar është kurtha e (mashtrimi)i grave. Pema është viti që ka 12 muaj (degë) me 30 gjethe (ditë për çdo muaj) dhe me pesë fruta për gjethe (me 5 namaze për çdo ditë); tri në hije (tri namaze natën: akshami, jacia dhe sabahu) e dy në diell (e dy namaze ditën: dreka dhe ikindia). Ja ashtu ishin përgjigjet e muslimanit mjaft mbresëlënëse për priftin dhe të pranishmit. Muslimani befasoi priftin kur i tha se unë kam vetëm një pyetje: Cili është çelësi i Xhennetit? Prifti nuk mundi t'i japë përgjigje por u detyrua pasi që të pranishmit kërkuan vazhdimisht prej tij përgjigjen. Ai më parë kërkoi siguri e më pas a e dini se çfarë tha? Çfarë ua merr mendja të ketë thënë ky prift? Ai me plot bindje tha: Esh'hedu en la ilahe il-lall-llah ve esh'hedu enne Muhammeden abduhu ve resuluhu (Dëshmoj se nuk adhurohet me të drejtë askush përveç All-llahut dhe se Muhammedi është rob dhe i dërguar i Tij) Prifti pranoi Islamin e së bashku me të edhe populli që ishin në kishë. A e shihni se sa madhështore është të kesh bindje të thellë në All-llahun xh.sh. _________________________________________________________________ News, entertainment and everything you care about at Live.com. Get it now! http://www.live.com/getstarted.aspx --~--~---------~--~----~------------~-------~--~----~ Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [EMAIL PROTECTED] Për më shumë mundësi, vizito këtë grup në http://groups.google.com/group/fjalaebukur -~----------~----~----~----~------~----~------~--~---
