Letër drejtuar presidentit të ri Amerikan Barak Obama
Shkëlqesia juaj President i Shteteve të Bashkuara të Amerikës, Barak Obama! Pas 
përshëndetjes:
E premte, 02 Janar 2009 11:31

Nga: Dr. Aid El-Karni Unë jam një ndër 1 miliard e 500 miljon muslimanë që ka 
sot bota njerëzore. Kemi përqafuar një fe e cila na mëson që të mos sulmojmë, 
të mos bëjmë padrejtësi, të mos bëjmë zullum, të mos tradhtojmë, të mos 
mashtrojmë dhe të mos gënjejmë. Një fe e cila na ndalon kategorikisht 
armiqësinë dhe mbytjen e njerëzve të pafajshëm, na ndalon që të dëmtojmë apo 
lëndojmë njerëzit në përgjithësi. Kjo fe e pastër, na thërret që të gjithë 
njerëzit t'i trajtojmë në mënyrën më të bukur, na fton të ruajmë personalitetin 
dhe dinjitetin njerëzor dhe kërkon prej nesh të mbrojmë të drejtat e njeriut. 
Na thërret që të keqën ta kthejmë me të mirë, të pajisemi me moral të bukur, të 
mposhtim zemërimin dhe t'i themi stop të ligës dhe asaj që është në dëm të 
njerëzimit. Ajo na inkurajon që të ndërtojmë dhe rregullojmë tokën që Allahu e 
bëri vendqëndrim për ne, na nxitë të përhapim në mes njerëzve shpirtin e 
harmonisë, vëllazërisë dhe tolerancës. Kërkon prej nesh që të jemi të 
kujdesshëm dhe të mos bëjmë çrregullime në tokë, të mos shkatërrojmë të korrat 
(mbjelljet) dhe gjallesat, të mos ndotim ambientin, të mos prejmë pemët dhe të 
mos mundojmë kafshët. Jemi një bashkësi (ummet) i qetësisë, sigurisë dhe 
besimit të vërtetë. Bashkësi e cila është ndërtuar mbi baza të drejtësisë dhe 
objektivitetit, dashurisë dhe paqës, ndërtimit dhe konstruimit. Përpiqemi që 
nëpërmjet parimeve të shëndosha islame të arrijmë kënaqësinë dhe lumturinë e 
mbarë njerëzimit, të ngrisim një civilizim të mirëfilltë me anë të të cilit do 
jetë i kënaqur Krijuesi ynë. Ne nuk i bëjmë padrejtësi askujt, e as nuk 
pajtohemi që të tjerët t'na bëjnë padrejtësi. Jemi të drejtë me të afërmin, të 
largëtin, mikun dhe armikun. Më i ndershmi në mesin tonë është ai që më së 
shumti ruhet nga të këqijat. Tek ne nuk ka dallim në mes arabit dhe jo arabit, 
të bardhit dhe të ziut. Misioni i Profetit tonë është për mbarë njerëzimin dhe 
thirrja jonë është hyjnore. Ne jemi ummet mesatar, jo i tepruar dhe i 
papërmbajtur. Nuk jemi ummet i shkujdesur, ekstravagant dhe i padobishëm. Falja 
për ne është më e dashur se ndëshkimi, ndërsa toleranca dhe zemërgjërësia më 
fisnike se hakmarrja. Ne dhe popujt e botës jemi sikur në një anije të vetme, 
siguria e tyre është edhe siguria jonë, shpëtimi i tyre është edhe shpëtimi 
ynë. Mos të harrojmë se të gjithë së bashku kemi hipur në anijen e Profetit 
Nuh, atë ditë kur Zoti na shpëtojë nga përmbysja e madhe. Gjithashtu të 
kujtojmë se të gjithë kemi prejardhjen nga një babë dhe një nënë, e këta janë 
Ademi (Adami) dhe Hava (Eva). O President! Amerika nuk do të jetë e madhe 
derisa Allahu të mos vendosë për këtë. Nuk do të jetë e famshme dhe e 
suksesshme nëse nuk respekton dhe mbron vlerat dhe të drejtat njerëzore. Nuk do 
të jetë vend i sigurt nëse nuk vendosë themelet e drejtësisë, nuk ndërton paqë 
dhe nuk përkrahë të ndershmën. Nuk do të jetë funksionale po nuk ndërtoi 
kulturë të njohurive të përgjithshme, dialogjeve dhe komunikimeve të ndërsjella 
pa bërë dallime dhe diskriminime në mes nacionalitetve të ndryshme. Atë ditë 
kur Amerika përpiqet të mbrojë vlerat e drejtësisë dhe barazisë, atë ditë kur 
do interesohet të mbrojë njerëzit e pafuqishëm nëpër botë dhe të jetë në ndihmë 
të të gjithë të përsekutuarve nga regjime të ndryshme, do të bëj shumë aleat e 
miq nga njerëzit më të ndritur të botës që kanë ndërgjegje të pastër. O 
President i SHBA-ve! Familja jote emigoi nga Kenia për në Amerikë vetëm për të 
kërkuar liri, barazi dhe drejtësi, mirëpo shumë vite para se të ekzistoi 
Amerika, Bilal ibn Rabbah el-Habeshiu nga Etiopia, kishte emigruar për në 
Medinën e Ndritshme, në vendin e më të dashurit të Allahut, Muhammedit (paqja 
dhe shpëtimi i Allahut qofshin mbi të), për të gjetur liri dhe drejtësi. Ky 
njeri i zi, dikur skllav i parisë Mekase, u bë simbol prej simboleve të 
Islamit, u bë një ndër njerëzit më të mëdhenj në historinë islame, u bë një 
hero i mesazhit të përhershëm hyjnor. Feja jonë ka tejkaluar të gjitha kulturat 
dhe konventat ndërkombëtare në respektimin dhe mbrojtjen e të drejtave të 
njeriut. Atëherë në emër të 1 miliard e 500 milion muslimanëve, ju bëjmë apel 
që të mbroni të drejtat e muslimanëve të përsekutuar dhe të pambrojtur në Gaza. 
Vallë, a thua ç'faj kanë bërë fëmijët, gratë e veja, jetimët, pleqtë dhe të 
varfërit që të mos kenë mundësi të marrin frymë lirshëm si gjithë popujt e 
botës? Atyre u është pushtuar toka, u janë shkatërruar shtëpitë, u është 
ndaluar e drejta për të jetuar, u janë konfiskuar pasuritë e tyre dhe u janë 
ndërprerë ndihmat e tyre. Ata ndodhen në një situatë tejet të vështirë, të 
uritur, të burgosur, të maltretuar, të vrarë e të masakruar... Shumë prej tyre 
janë pa ushqime, pa rroba, pa ilaçe dhe pa ujë... Shkëlqësia juaj! Na tregoni, 
ku është vetëdija ndërkombëtare para kësaj masakre që po ndodhë në Gaza para 
veshëve dhe syve të botës? Ku është ndërgjegjia ndërkombëtare para sulmeve dhe 
bombardimeve barbare të Izraelit kundër popullit të pambrojtur palestinez? Në 
mesin e tyre ka shumë të vrarë e të plagosur... Çifutët rrënuan të gjitha 
vlerat e personalitetit njerëzorë, shkelën marrëveshjet paqësore dhe nuk 
respektuan konventat ndërkombëtare. Shkëlqësia juaj! Kërkojmë nga ana juaj, që 
të shfrytëzoni autoritetin tuaj dhe të ndërhyni në ndaljen e menjëhershme të 
sulmeve agresive ndaj popullatës së pambrojtur palestineze, nën moton: "Ndihma 
e njeriut nga vëllai njeri". Ndoshta zgjedhja e juaj për President të Shteteve 
të Bashkuara nga populli Amerikan ka ardhur si pasojë e politikës së gabuar të 
paraardhësit tuaj mendjelehtë, politikë e cila shkatërrojë të mbjellurat dhe 
gjallesat, i rrënoi urat e pajtimeve dhe marrëveshjeve më të tjerët, i prishi 
projektet e paqës globale, bashkëjetesës së përbashkët dhe tolerancës 
ndërnjerëzore. Me këtë qeverisje, Amerika është njollosur dhe turpëruar para 
botës, ka dëmtuar interesat e veta dhe ka mbjellur urrejtje në zemrat e shumë 
njerëzve anekënd botës. Nga: Dr. Aid El-Karni, Mbretëria e Arabisë Saudite 
30.12.2008 Përktheu dhe përshtati nga gjuha arabe: Enes KOSHI

www.mesazhi.com
_________________________________________________________________
Show them the way! Add maps and directions to your party invites. 
http://www.microsoft.com/windows/windowslive/events.aspx
--~--~---------~--~----~------------~-------~--~----~
Ju merrni këtë mesazh sepse jeni të anëtarësuar në grupin "Fjala e Bukur" në 
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në 
[email protected]
Për më shumë mundësi, vizito këtë grup në 
http://groups.google.com/group/fjalaebukur
-~----------~----~----~----~------~----~------~--~---

Antwoord per e-mail aan