E vrarë nga Izraelitët, e ngrënë nga qentë "Kemi parë pamje tronditëse gjatë këtyre 18 ditëve. Kemi mbledhur trupat e fëmijëve tanë të djegur apo të shqyer, por asgjë si kjo."thotë doktori i emergjencës. E enjte, 15 Janar 2009 19:11 "O Zot! Kurrë nuk kam parë pamje kaq trishtuese," thotë Kayed Ebu Avkal duke qarë Doktori i emergjencës nuk mund ti besonte syve të tij kur pa pjesët e mbetura të vajzës që para disa ditëve quhej Shehd, Palestinezja 4 vjeçare me trupin e saj të plotë. Ajo vdiq kur një bombë Izraelite kishte rënë në oborrin e shtëpisë së saj në Xhabalia në veri të Gazës, ku ajo ishte duke luajtur. Kur prindërit e saj u ngutën për ta shpëtuar fëmijën e tyre, e cila kishte rënë në tokën e mbushur me gjak, një rrebesh plumbash Izraelit i ndaluan ata ti afrohen. Për pesë ditë trupi i Shehdës kishte mbetur shtrirë jashtë që qentë ta shqyenin atë. "Qentë nuk kishin lënë asnjë pjesë të trupit të saj pa e prekur," thotë me sy të mbushur me lot Ebu Evkal. "Kemi parë pamje tronditëse gjatë këtyre 18 ditëve. Kemi mbledhur trupat e fëmijëve tanë të djegur apo të shqyer, por asgjë si kjo."thotë doktori i emergjencës. Për pesë ditë vëllai i Shehdës, Matari dhe kushëriri Muhamedi, ishin munduar ta merrnin atë por kot. Ata sulmoheshin nga trupat Izraelite gjatë gjithë kohës. Duke parë trupin e engjëllit të vogël të llomitur nga qentë endacakë, ata provuan për herën e fundit, dhe ishte kjo e fundit. Ata ishin goditur nga plumbat Izraelit pa e arrirë trupin e saj, duke iu bashkangjitur numrit prej 920 viktimave të vrara prej 27 Dhjetorit nga Izraelitët. Qëllimisht Omran Zejda, një i ri nga fqinjët, thotë se Izraelitët e dinin çka po bënin. "Ata e ndoqën familjen e saj si dhe nuk i lejuan ta arrijnë atë, duke e ditur se qentë do ta hanin," thotë ai. "Ata jo veç se po na vrasin fëmijët, Ata qëllimisht po e bëjnë atë në mënyrën më të neveritshme dhe jo njerëzore." Zejda thotë se fjalët e tij e as kamerat nuk mund ta përshkruajnë atë pamje të tmerrshme. "Nuk mundeni të imagjinoni se çka i kanë bërë trupit të saj të pafajshëm qentë," thotë ai, duke u munduar ti ndalë lotët. Shumë Palestinezë thonë se Shehda nuk është rasti i parë i këtij lloji. Në Xhabalia, kur familja e Abd Rabuas dëshironte ti varroste tre prej të vdekurve nga familja e tyre, ushtarët Izraelitë filluan të shtënë në ta, thonë dëshmitarët. Dhe pastaj ata lëshuan qentë në trupat e pajetë, të cilët ishin mbetur vetëm për shkak se xhemati ishin larguar të shpëtonin nga sulmet, thonë ata. "Çka ndodhi është e tmerrshme dhe e paimagjinueshme," thotë daja i një të vdekuri. "Fëmijët tanë vdesin para syve tanë dhe ne nuk lejohemi ti varrosim ata." "Izraelitët i lëshuan qentë e tyre në trupat e viktimave thua se s'kanë bërë mjaft." Marr nga: http://www.mesazhi.com/news_detail.php?id=9048
See all the ways you can stay connected to friends and family _________________________________________________________________ Imagine a life without walls. See the possibilities http://clk.atdmt.com/UKM/go/122465943/direct/01/ --~--~---------~--~----~------------~-------~--~----~ Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [email protected] Për më shumë mundësi, vizito këtë grup në http://groups.google.com/group/fjalaebukur -~----------~----~----~----~------~----~------~--~---
