Pas Bush-it
 
http://www.alb-drejtesia.com/al/news.php?readmore=633
 



 

Shkruan: Ali Bulaç

Ne do të kuptojmë më qartë dëmin e ish presidentit të SHBA-së, George W. Bush 
rreth shkatërrimit që i bëri botës gjatë qëndrimit të tij tetë-vjeçar si 
president në ditët që vijnë.

Nëse Barack Obama është në gjendje për të transformuar politikat e tij, të 
hartuara për të zbutur tensionin, në veprime dhe hapa konkrete, kjo mund të 
rris shpresat për një kohë me paqe. Dhe kjo gjithsesi se do jetë më mirë për të 
gjithë. Por në qoftë se neokonzervatorët që ishin me ndikim gjatë presidencës 
së Bushit do të ndikojnë edhe në strategjinë e Obamës, atherë përmirësimi i 
shumëpritur do të jetë i pamundur. 

Seymour Hersh me shumë qartësi artikuloi kërcënimin global dhe rrezikun që 
shkaktohej nga Bush-i në një fjalim të mbajtur në tetor të vitit 2007 për 
krizën Amerikano-Iraniane. Hereshi kujtoi se Bushi dhe ekipi i tij ishin të 
vendosur për të nisur një sulm ushtarak kundër Iranit, duke theksuar sidomos se 
Bush-i e shikonte veten si Mesihu i cili ishte në detyrë për të shpëtuar botën 
perëndimore. Sipas Hersh-it, qasja e Amerikës për Lindjen e Mesme ishte diçka 
përtej një plani apo një projektimi. Përderisa ky ishte shkaku, kaosi në 
Lindjen e Mesme ishte gjithmonë i pranueshëm për qarqet konservatore në 
Shtëpinë e Bardhë. Përveç kësaj, në qoftë se ne vëmë mënjanë intelektualët 
naivë që besojnë se marrëdhëniet ndërkombëtare nuk janë gjithmonë të lidhura me 
fenë dhe diplomatët të cilët mbajtën në dukje një nivel të lirshëm pragmatik, 
për neokonservatorët, kriza dhe kaosi janë instrumente
 shumë të dobishme për të nxitur Zotin drejtë shkatërrimit përfundimtar të 
botës. Për ata, kaosi është i nevojshëm për të paktën dy arsye: Së pari, pa një 
kaos të tillë dramatik, Zoti nuk do të ndërhyjë në këto zhvillime për të 
përmbushur planet e tij, së dyti, gjeografia e Lindjes së Mesme mund të 
ndryshohet vetëm përmes intervenimit të dhunshëm. 

Në fjalimin e tij të famshëm, Hereshi paralajmëroi edhe një çështje tjetër. 
Sipas asaj që ai shihte, SHBA-ja po planifikonte një përleshje të rëndësishme 
dhe mjaftë të gjërë midis Sunitëve dhe Shiitëvë. Në anën tjetër SHBA-ja dhe 
Izraeli po kërkojnë të marrin nën kontrollin e tyrw Arabinë Saudite dhe vendet 
Gjirit për të hapur një front kunder Iranit dhe Sirisë, dhe kështu duke 
provokuar një luftë të mbrendshme midis muslimanëve. Ky është një objektiv i 
gjatë në agjendën e tyre. Hersh poashtu thotë: "Ne po kalojmë nëpër një epoke 
shumë të rrezikshme: Njerëzit na urrejnë në Afganistan, Irak dhe Pakistan. Në 
momentin e sulmit të SHBA-ve ndaj Iranit, kjo do të kthehet në një luftë mes 
Perëndimit dhe Islamit." 

Duke shikuar prapa, vërejmë se Bushi nuk e ndërpreu impaktin nga vendimet e 
marra përgjatë këtij procesi. SHBA-ja, e cila është duke vepruar si një 
perandori botërore, tetë vitet e fundit u qeveris nga ish nën Presidenti Dick 
Cheney dhe një ekip i këshilltarëve. Këtë e konfirmojnë vëzhguesit të njohur me 
politikën amerikane. Ashtu si strategjitë e tyre të krizës dhe konfliktit ishin 
marrë në të gjithë botën në buzë të rënies, roli dhe qëndrimi i mediave ishte 
interesant. Hersh jep vërejtjet strikte në lidhje me këtë çështje: "Detyra e 
mediave do duhej të ishte detyrë që vë në pikëpyetje vendimet e qeverisë në 
vend se të miratoheshin ato, por megjithatë, shtypi amerikan qëllimisht 
mbështeti gjuhën e dhunshme. Përderisa Iraku ishte duke u pushtuar, aktorët e 
mediave në SHBA ofruan gënjeshtra për fakte (të heshtura). Kur u bë e qartë se 
nuk ishte Sadam Huseini ai që nxiti terrorizmim dhe
 posedimin e armëve të shkatërrimit në masë, disa aktorë të medias, të cilët 
kishin nxitur luftën, iu desh të kërkojnë ndjesë për veprimet dhe politikat e 
tyre në të kaluarën." 

Pse jam duke iu referuar Hersh-it? Unë jam duke e bërë këtë për shkak se ai 
është një gazetar i cili i di punët e Amerikës, politikën e brendshme dhe 
ambicjet e SHBA-ve në mbarë botën. Ai raportoi detajet e masakrës në My Lai të 
kryera nga trupat amerikane gjatë Luftës në Vietnam; raporti i tij shkaktoi 
demonstrata të cilat e detyruan SHBA-në që të tërhiqet nga zonat e pushtuara në 
Vietnam. Së fundi, Hersh-i ka përgatitur një raport mbi torturat të kryera nga 
trupat amerikane në burgun Abu Ghraib në Bagdad në vitin 2003.

Përktheu: 
Visar Korenica


___________________________________________________________________
And do not follow (blindly) any information of which you have no (direct) 
knowledge. (Using your faculties of perception and conception, you must verify 
it for yourself. (In the Court of your Lord,) you will be held accountable for 
your hearing, sight, and the faculty of reasoning."[17:36]


      __________________________________________________________________
Yahoo! Canada Toolbar: Search from anywhere on the web, and bookmark your 
favourite sites. Download it now at
http://ca.toolbar.yahoo.com.
--~--~---------~--~----~------------~-------~--~----~
Ju merrni këtë mesazh sepse jeni të anëtarësuar në grupin "Fjala e Bukur" në 
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në 
[email protected]
Për më shumë mundësi, vizito këtë grup në 
http://groups.google.com/group/fjalaebukur
-~----------~----~----~----~------~----~------~--~---

Antwoord per e-mail aan