Në Tripoli të Libanit doktoroi haditholugu i njohur kosovar Sulejman Osmani
 
Të martën, më 2 dhjetor 2008 (4 dhul-hixhe 1429h.), në Universitetin 
“El-Xhinan” të Tripolit në Liban, studiuesi
ynë i mirënjohur i shkencës së hadithit, Mr. Sulejman Osmani - (ligjërues i 
lëndës së Hadithit në FSI të Prishtinës),
para komisionit vlerësues në përbërje: Prof. Dr. Mahmud Ismail - kryetar; Prof. 
Dr. Jusuf el Merashli
- mentor; Prof. Dr. Muhamed Durnejkah - anëtar; Prof. Dr. Ali Laga - anëtar 
(Dekan i studimeve të larta pasuniversitare);
Prof. Dr. Husam Subat - anëtar (Kryetar vakëfi i rrethit- Libani Verior), 
mbrojti temën e doktoratës me titull:
”Personaliteti i Muhamedit a.s. tek dijetarët shqiptarë”.
Komisioni punën e kandidatit e vlerësoi me notë të shkëlqyeshme (Imtijaz) duke 
i dhënë 90 pikë nga gjithsej 100
të mundshme, dhe kandidatit i dhanë titullin DOKTOR I SHKENCAVE ISLAMI NË LËMIN 
E SUNETIT DHE SHKENCAVE TË HADITHIT
Punimi i kandidatit është përmbledhur në një vëllim 515 faqesh, i ndarë në 
katër kapituj.
Në katër kapitujt e disertacionit janë përfshirë tematika të ndryshme
Studimi:
Në kapitullin e parë përfshihet “sireja”, jetëpërshkrimi
i Muhamedit a.s. dhe ngjarjet më
të rëndësishme në jetën e tij, derisa vdiq.
Kapitulli i dytë ka ofruar studime mbi paraqitjen
e Pejgamberit a.s. tek autorët e mevludeve
në gjuhën shqipe, ku bëhet një vlerësim
shkencor i shumë çështjeve.
Në kapitullin e tretë ofrohen të dhëna mbi
dijetarët kryesorë shqiptarë dhe kontributin
që ata kanë dhënë në shërbim të personalitetit
të Pejgamberit a.s. dhe mënyrën se si
ata e paraqitën atë.
Kapitulli i katërt hulumton kontributin që
poetët dhe letrarët dhanë në shërbim të Pejgamberit
a.s., duke kaluar në tema të tjera, si
paraqitja e tij në planprogramet shkollore në
nivele të ndryshme arsimi, duke filluar nga
periudhat e hershme.
Disertacioni përfundon me studimin mbi karikaturat fyese dhe ndikimin e tyre 
tek shqiptarët myslimanë.
Biografi
Sulejman (Sherif) Osmani, ka lindur më 20 korrik 1965 në fshatin Lisockë, 
komuna e
Kamenicës; tani banon në qytetin e Gjilanit.
Shkollën fillore e ka kryer në vendlindje , ndërsa medresenë e mesme “Alauddin” 
të
Prishtinës në vitin 1984/1985.
Ka mbaruar Fakultetin e Hadithit, në Universitetin Islamik të Medinës- Arabia 
Saudite.
Ka marrë pjesë në aktivitetet e lira që organizoheshin nga Universiteti. Këtë e 
vërtetojnë
dëshmitë e lëshuara nga organet përgjegjëse.
Në vitin 1992 ka përfunduar studimet dhe menjëherë është kthyer në vendlindje, 
ku në
muajin dhjetor të po atij viti, nga Kryesia e Bashkësisë Islame të Kosovës, qe 
emëruar imam
në Xhaminë e Madhe të Gjilanit, e cila është nga xhamitë më të mëdha në Kosovë 
dhe ka një pozitë të veçantë.
Sulejman Osmani për nëntë vjet ka qenë anëtar i Kryesisë së Bashkësisë Islame të
Kosovës, dhe anëtar i Këshillit të Bashkësisë Islame të Gjilanit.
Në një periudhë, pas luftës, nga Bashkësia Islame e Kosovës është caktuar 
kryetar i shoqatës humanitare “Bereqeti”.
Sulejman Osmani nga viti 1992 është ligjërues i lëndës së Hadithit (I dhe II, 
në fillim në të katër vitet) në Fakultetin
e Studimeve Islame të Prishtinës, si dhe mësimdhënës i lëndës së Hadithit në 
medresenë e mesme “Alauddin”, paralelja në Gjilan.
Ka botuar librin “Suneti bazë e sheriatit”, si dhe është bashkpërkthyes i 
librit “ Dilema rreth Islamit” nga autori
Muhamed Kutub, i cili është botuar (pjesërisht) në përmbledhjen “Tituj të 
zgjedhur mbi familjen myslimane” (Prishtinë, 2001).
Sulejman Osmani, që nga viti 1990, është bashkëpunëtor profesional i revistës 
“Dituria Islame”, ku ka dhënë një kontribut të çmuar në fushën e Hadithit.
Ka magjistruar në Universitetin Islamik të Bejrutit (Darul fetva) më 23 maj 
2005, ku mbrojti temën e magjistraturës
“Kontributi i shqiptarëve në fushën e sunetit”.
 
 Marrë nga D I T U R I A I S L A M E
Revistë mujore, fetare, kulturore e shkencore
_________________________________________________________________
Show them the way! Add maps and directions to your party invites. 
http://www.microsoft.com/windows/windowslive/products/events.aspx
--~--~---------~--~----~------------~-------~--~----~
Ju merrni këtë mesazh sepse jeni të anëtarësuar në grupin "Fjala e Bukur" në 
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në 
[email protected]
Për më shumë mundësi, vizito këtë grup në 
http://groups.google.com/group/fjalaebukur
-~----------~----~----~----~------~----~------~--~---

Antwoord per e-mail aan