*Në fenë e plakut të Muharremçes* *Hamdi Nuhiju*
*28-30 qershor 2010/Tetovë* Prej me 28 qershor e deri me 30 qershor qëndrova në Tetovë për disa punë. Gjithmonë kur iki për Tetovë, në kujtimet e mia sillen vitet e studimeve, miqtë e mi të idealit dhe mikpritja e myslimanëve të atij vendi. Është e pamundur të jem në Tetovë dhe të mos vizitoj Xhaminë Muharremçe të mbushur me erë miqësie, dashurie e sinqeriteti. Rrëfimi i kësaj radhe nis para namazit të jacisë, në ditën e hënë, ditë agjërimi ndërmjet plakut të urtë dhe nevojës e dëshirës sonë për këshillat. Fjalët e plakut janë fjalë të thjeshta, por kuptimi i brendshëm i tyre është shumë me rëndësi. U diktuam në nurin e tij se jemi muhaxhir. Porse nuk reflektonte ai element tek mikpritja e xhematit. Ai mu drejtua si Llukman Hekimi birit të tij. Më tha: Biri im ka kohë për namazin e jacisë, mos e fal para kohe. Kur kuptoi se po fali namazin e akshamit dhe jo të jacisë ngaqë atë ditë isha agjërueshëm, fytyra iu hap, buzëqeshi në shenjë miratimi të këtij akti dhe më tha: Në Islam ka katër medhhebe( mezebe në gjuhën e tij). Po ndjeke njërin prej medhhebeve nuk do të jesh në rrugë të gabuar. Janë shtuar shumë përçarjet o bir, po shoh në xhami shumë të rinj falen ndryshe nga ne. Ata nuk ndjekin ndonjë medhheb të caktuar, por dëgjojnë disa hoxhallarë që kanë ardhur prej Arabije. Ne qe 40 vite falim përgjithmonë namazin në kohën e vet në xhami. Përpara në Bitolë, pastaj e thirrja ezanin në Beligrad( Beograd) dhe tash në Tetovë. Bitola përpara ka qenë më e madhe se Shkupi. Shkupi ka qenë fshat. Kur të vish në xhami duhesh të vendosh kapelën, ngaqë sipas medhhebit tonë-hanefi është sunnet. Fjalët e plakut me mjekër të bardhë më prekën thellë në nëndijen time. Ato ishin leksione të dobishme për mua dhe shumë të rinj tjerë që po jetojnë në kohën kur akuzohen hoxhallarët për pedofili padrejtësisht, në kohën kur rrihen hoxhallarët në xhami për interesa partiake para interesave Islame, përçahen të rinjtë ndërmjet veti, bëhet padrejtësi ndaj aktivistëve islam etj. Më vonë kuptova se plaku i Muharremçes ishte mbi 80 vjet dhe 40 vite rend nuk kishte lënë asnjë namaz pa falur në xhami. Ai fliste shqip dhe turqisht. Karakteristik e Xhamisë Muharremçe dhe Gam Gam në Tetovë është se xhemati është i ndarë ndërmjet shqiptarëve, turqve dhe romëve. Edhe pse mund të gjesh një ndarje të këtillë edhe në xhamitë tjera të Tetovës, por më e theksuar është ndarja në këto dy xhami. Kjo gjë është edhe një argument plus se Islami është mbi nacional dhe nuk i bën padrejtësi asnjë populli. Islami nuk është fe e zgjedhur për popullin e zgjedhur, por është fe e zgjedhur prej Allahut, për popujt e gjithë njerëzimit. Njerëzit mund të pretendojnë se Islami është opium i popujve, ashtu si pretenduan më parë. Por, e vërteta është se ateizmi është opium dhe padrejtësi ndaj popujve. Thashethemet për hoxhën e Reçicës ishin të dhimbshme dhe të mëdha. Por, deshi Allahu xh.sh. dhe rasti u zbardh në të vërtetën dhe kundër shpifësve ndaj Islamit dhe myslimanëve. Si mund të jetojmë në një botë të padrejtë dhe të mendojmë se Tetova është burim i amoralit, kur në të gjenden ende gjurmët ose yjet e ndritshme të moralit të bartur me xhelozi shekull pas shekulli? Armiqtë mundohen që me mish e me shpirt ti shkulin prej rrënjëve të gjitha gjurmët e moralit në Tetovë dhe në të gjitha vendet islame, por derisa të ekzistojnë pleq të këtillë si plaku i Muharremçes nuk do të kenë asnjëherë sukses. Për në fund o miq, unë dëshmoj se vërtet jam në fenë e plakut, Islamin dhe në medhhebin që ndjek edhe ai:hanefi... -- Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [email protected] Për më shumë mundësi, vizito këtë grup në http://groups.google.com/group/fjalaebukur
