Kryeministri i Maqedonisë, Nikolla Gruevski gjatë vizitës në Bruksel ku u prit
të enjten nga kryetari i Komisionit për Zgjerim të Bashkimit Evropian, Stefan
Fule, është pranuar në një zyrë ku ka qenë e vendosur një pikturë ku shkruhej
në
arabisht emri i profetit të myslimanëve, Muhamedi a.s. Fule pasi kishte bërë
fotografimin e rëndomtë para gazetarëve me Gruevskin, është drejtuar së bashku
me atë në zyrat e tij të dialogut, ku gjendej edhe piktura e shkruar në
arabisht.
Askush nuk ka dhënë sqarim si ka ndodhur që një pikturë e tillë të gjendet në
zyrën e Fules. Megjithatë, burime të ndryshme sqarojnë se jorastësisht Gruevski
është futur në këtë zyrë ku piktura islame ishte përballë tij. Me këtë akt,
ndërkombëtarët kanë dashur t’i tregojnë Gruevskit që duhet të jetë më tolerant
ndaj të gjithë feve dhe të heqë dorë nga mbështetja e vetëm një religjioni.
Gruevski në Bruksel kërkoi që të fitojë datë për bisedime me Bashkimin
Evropian,
por ndërkombëtarët i bënë të qartë se pa ndryshuar politikën e tij në çështje
me
emrin e shtetit Evropa për të do të jetë larg. Shoqata qytetare “Klubi ELITA”
gjithashtu ka përshëndetur tolerancën fetare të shprehur nga ana e kabinetit të
Komisionarit për zgjerim të Bashkimit Evropian, Stefan File. “Pikërisht derisa
disa e djegin Kur’anin Famëlartë, e ofendojnë Islamin, të tjerët e ofendojnë
personalitetin e profetit islam, Stefan Fule , e respekton atë duke e vendosur
emrin e Profetit Muhamed (Paqja e Zotit qoftë mbi te) në kabinetin e tij
zyrtar”, thuhet në kumtesën e “Klubit ELITA”.
"Veprat shpërblehen sipas qëllimit. Hadith"
--
Ju merrni këtë mesazh sepse jeni të anëtarësuar në grupin "Fjala e Bukur" në
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në
[email protected]
Për më shumë mundësi, vizito këtë grup në
http://groups.google.com/group/fjalaebukur
