KAVLLO RODDTTA TEDNA
Fantoddear ghorar roddot tor kavllo
Mhonntat, aiz jerul konn tori soiro et'lo
Sot zata, soiro pavta, lagsilo na tor poisilo
Xevttak, chitt tori gheun etlo 'postman' ghavantlo
Kavllean, eka Xen'varak ghorar ghatlo boval
Nhidonk dhivn na piddear suttiocho sokal
Kavllea, udon voch re korench tum mogal
Dusrea pavtt ailear xasvot (1) kortolom ghaieal
Juneacho mhoino, pavsa adoll-modd suntil'lem
Konn eklem poisil'lean pavsan bizon etlem pollelem
Langim pavtta-pavtta taka pollovn kalliz korkorlem
Xallent xiktana premi' pustokak matxea xirkovlelem
Tacho vistid pavsan bizon angar bosla chitkon
Zoglavnem marlem tedna dollea tiche ghele dipkon
Godgodachea avazan mhojea golleak veng marli bivon
Kavllea mhojea mama, oxoch sodanch ieo re roddon
Bizlolea kopddea boldi khorpak tika poratlem
Novem kalsanv-kumis addun tichea murean udoilem
Tinem dollea pitpittaun dolleanche pitkulean bodbodlem
Bhitorleo bi mustaiki bizloleo asat tanchem korchem
khitem?
Lino B. Dourado
(Utord'dekar-Kuwait)
(1) Permanent
__________________________________________________
Do You Yahoo!?
Yahoo! Tax Center - online filing with TurboTax
http://taxes.yahoo.com/
=-=-=-=-=-=-=-=-=-=-=-=-=-=-=-=-=-=-=-=-=-=-=-W-E-B---S-I-T-E-=-=-=
To Subscribe/Unsubscribe from GoaNet | http://www.goacom.com/goanet
===================================================================
For (un)subscribing or for help, Contact: [EMAIL PROTECTED]
Dont want so many e=mails? Join GoaNet-Digest instead !
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
Help support non-commercial projects in Goa by advertizing!!
* * * *
Your ad here !!
