GHARA PAICHO ghoro XIRKOVLO TEDNA Senhor Saluzinho Gregory Palha aple dha vorsache nattvak ghevn nodhint ghorovpak vochunk bhair sorlo. Ghorovp ani pageran nistem marop, tacho ek chhond (hobby). Chodda tempan malgodi dhuv, zanvoim ani nattu kulara ail�lim. Mhonntkoch, tajem-tajem ghorovnnechem nistem dorpak, aiz senhor Saluzin motte umedin aslo. Cheddean dhaddleli lamb-mottvi korcheli foren latari (fishing rod) aiz poilech kepek bhair sorleli. Nattva sangatak nodhiche dixken cholltana, nattvan ulovpak suru kelem.
NATTU: Borem hains (baits) gorek asot tor borem nistem farovta nu ga gharapai? XAPAI: Hoi baba. Zoxe porim tuje lagim borech duddu aslear borim sundori cheddvank tujea pagerant farounk iettat. Tuje pagerak khottor vo burak asot tor nistem burakantlean pol khaddta. Hech toren tuje bolsak burak asot, cheddvam pois-pois zatat. NATTU: Ghorek ghatlelem hains, nistem kuttkuttaita vo ghans getat dhanvttat, ghans getat dhanvttat. Kiteak gharapai? XAPAI: Polle baba. Zedna tuje lagim motto bankacho 'passbook' asta tedna tuje sorbovtim khub zanam astat. Hains udkant poddona fuddem, nistem ievn poilim polleta ani luhan ghansaita vo kuttkuttaita. Sarkench bukhelelem nistem asta tem mat, gorek rokhddench farovta. Tuje tornne xirani rogot dhanvtana cheddum magta titlench viktem ghevn ditai. Xevottak hains (Vach: duddu) kobar zalem mhonntoch nistem povsoutta, tech toren thoddea cheddvachi zat asta. NATTU: Ghorapai, hanv tuje lagim nisteachi gozal kortam ani tum kitem kai mhollear cheddvanchi gozal sangtai? XAPAI: Nisteachea bhaxen cheddvachi kat. Thoddem nistem nigut tor thoddem khovllani (scales) ani kantteani bhorlelem. Heach katir tuka sangonk sodtalom tuven ghatlelem hains porot-porot nistem khait tor tuvem to zago sodun dusrea zagear tuji gori ghalchi. Tujea bolsak mar bosta to dislo ki na, tuvem rokhddich tuji xoili (style) boddlunk bhovch gorjechem. NATTU: Nistem gorek xirkovlem mhonntokoch, nettan zhottko dita, ani to zhottko tujea hatak lagtokoch kitem korunk zai gharapai? XAPAI: Polle baba. Tum kedov passun mhonntalo nhoim, nisteak ani cheddvak sor korta mhonn. Nistem udkant hinnem-tinnem khellta zalear cheddum hachea-tachea cheddea fattlean nach-udna marta. Zannai baba, mhaka ek zhottko oxo laglo. Mhoje te danddge piraier khub cheddvanchi amizad asli. Ponn tuje gharamaicho (granny) odik mog aslo. Ek dis tinnem matxem-matxem hains khailelem tem tichea soknollik xirkovlem. Ticho dollo mhojeruch aslelean, hi bori sond�dh pollevn matxem khailolem hains sarkench pottant jiroilem. Hi gozal dusre amizad aslelea cheddvank kolltokoch ek-eklem pois vochot ravlem. Gharamaichem ani mhojem kazar kellem. Tuji 'mummy' zolmoli ani uprant amchi kuttumb vhaddlo. NATTU: Gharapai, jem tum kitem sangtta, tem mhojea toklen vochona. XAPAI: Tuje mathea velean pavsall vochunk zai re baba. Atam ogi rav. Nodhixim pavot aile. Ghorovtana udkant toxem sukear (Vach: bed-ar) uloinant. NATTU: Ghorapai ekuch nimnno prons. Bailmonis goroitoli disna. Choddan chodd daddlech gorovpak kiteak votat? XAPAI: Devan ghorea bodi (fishing rod) fokot daddleankuch dilea re baba. Are..re..re..re kitem kortai tuji dakhtti gorea bodi bhair kaddun? NATTU: Shu-su kortam ga. Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? The New Yahoo! Shopping - with improved product search http://shopping.yahoo.com ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
