� ��������Sorry! Non Re-chargeable Batteries �� �Senhor Domingo ani Senhora Dalcina hanche vhoddle natichem kazar. Vokol-novrea poilea nacha barrabor, tivuim waltz nachtalim. Muzgachea surar senhor Domingo ani senhora Dalcina aple kumpas nigut borim kortalim tem soireanchea (guest) dolleant vetalem. Nachtanam tanchea modem oxi gozal��
�DALCINA: Zannai Domingo, amchem kazar petromax divea uzvaddan zal�lem, ani aiz polle, loklokit bizle uzvaddan ek mui passun chollta ti dixtta. �DOMINGO: Amchea tempar kazaram ghora samkara mattov ghalun ani jazz band rat bor vaztalem. Atam ratchim dha zatat mhollear mandri kovllun ghora vochpachem. Kiteak? Goencho serkar vegim nidhunk veta. Dusrea disak porjeche duddu koxe luttche tem chintunk zai nhoim? Hech katir 'noise pollution' tankam naka. �DALCINA: Tedna eka vaddeant kazar aslear akhoch ganv zagrut astalo. Kazarak vochonant to lok mattva matxem lagsor ravun konn, konam lagim nachtat tem kuruzdadin zhadda khuxik ravun polletalo. �DOMINGO: Atam kitem kai mhollear ghora koddsun pois-pois dongracher nach-holam bandleant ani somzona konnachem kazar kedna zalem ani koxem gelem tem. �DALCINA: Novreagher kazaracho nach zalea uprant dusrea disa vo ratikodden voklegher mattov ghalun nach zatalo. Novreagher zaleli chedde-cheddvachi ixttagot voklegher dhatt zatali �DOMINGO: Oxich amchi ixttagot zal�li nhoim? Fantear kazaracho nach somplea uprant tum veta astana, tuvem mhojea hatant ek foli kuddko lotlo ani tacher boroilolem �Voklegher mellchim. Vatt pollevn ravtam. Mhaka roddoi naka. Hanv khup roddtelim� Amche vhoddil asle te ximer xim kortana fenni rokhoitale ani tum mhaka pollevn dukham gholoitalem. �DALCINA: Dusre ratik novreacho �torna-boda� barrabor� tuka voklegher ailolo �pollevn mhojo bhitorlo svas bond poddlo. Kitloch vell bhan (sintid) udlem. Khuxechim dukham roddlim. Tea ratik tujea gopant sukhachea somdirant ufetalim tea aiz meren tujea mogachea uben kallzak chitkun asam. �DOMINGO: Tea tempavelle petromax dive boreak poddtale. Fantodd zatam-zatam petromax jemetalle. Hacho adav (faido) ghevn kallok asa te vatten ami gott tekun nachtalim. �DALCINA: Amchea ganvanim tea khallar bizli nasli. Ratchea vellar kazarak ietlo thoddo lok �torch� haddtale na tor narlachea kottean vatticho kuddko ghalun tichea uzvaddan cholltalim. Tea ratik, ami voklegher chitkun nachtana tujea kalsanvanchea bolsant kitem tori mhojea zhangddank addkutalem. Vichartoch, tuvem mhaka sanglem, don battricher cholltolo �pen torch� mhonnon. Atam to khoim asa re? �DOMINGO: Zannaim vokleche grandma, tacheo donui battrio kosmellun poddleat. Urlele sonvsarantle dis sust nidhun kaddtta ge to. Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? Protect your identity with Yahoo! Mail AddressGuard http://antispam.yahoo.com/whatsnewfree ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
