Bhurgeam Samkara Zhogoddchem nhoi. �Sho..sho. Amgher kiteak ieta re tum? Timaim jevonn ghalina re tuka? Choi�.choi, hanv fator martelim tujer. Sanglear somzona re tuka? Tumgher kainch na kavpak? Mummy, choi ge timaichea kombeak�.�
Dakhttea poracho bovall aikun Filomena bhair aili. �Bai, kiteak bovall ani konnank uloita tum?� �Mummy, stupid timaicho kombo. To amchea kalucher ghoddo korta� �Bai, to toxem korta mhonn amche kalu kombiechim tantiam tuka breakfast-ak mellttat.� Dusrea disak dakhttem por �ba..ba� korun kombieank apoitana, timaicho kombo ieta ani he khepek pakamchea kombieacher ghoddo korta. �Mummy, aiz jerul timaichea kombeak martelim.� Oxem mhonnon, Filomenachi dhuv fator xevttipak lagta. �Bai, tum ragar kiteak zatai go? To timaicho kombo. Thoddi kavoll kailear kitem zalem? Kavum di taka� Filomenan aple dhuvek somzavn sanglem. Thoddea disam uprant Eke sanjer Filomen, aple ghova thaim zhogoddunk lagli. Te sanjer ticho ghov boroch husram (late) ghorant bhitor sorlelo. Ticho ghorkar bhitor sotana mogream fulancho pormoll tichea nakant bhol�lo. Logn zavnchem adim Filomenacho ghov-Fernandinho-eke hindu cholie thaim mogan aslo. Te choliek mogrim khub posondh lago. Itlo huxir zavpak kharan somzolem. Filomenank tiddok choddli ani fuddlo vichar korinastana kestanvank oromb dilo. �Tuka Vimalacho prem aslo tor tuvem tichech lagim logn kiteak bandunk nai? Amchea logna adim, tichea mogan tum aslo. Tigelea ghorcheani dhorm virudh kortokoch tuvem mukoden logn kelem. Tika ozun prem asa tujo ani hech katir ti dusre kodden logn thiravpak noikar dita. Tikach lagun tigelo Aii-Bap�pa morun gelim. Ti ghorant ektich ravta. Tuka offisant fon korta. Atam tum adle toren svotontr na. Konnacho tori ghov tum. Logn zal�lo dadlo ani eka poracho bapui. Ho prokar kitlo temp chalu astolo? Ho khell ken�na somptolo? Ticher visor ghalunk zai tuvem. Vimalacho mog visor. Tichea ghora vochpachem sodun divnchem. Tika , amcho sonvsar ibaddpacho odikar na��� Filomenachem zhogddem ghova thaim boddboddun chalu astana, dakhttea poran aple bapaiche hatantli telli asli ti ustili, ani mogreancho dom-dom akhea ghorak bhol�lo. Dubavachea patkan uloipi Filomenacho avaz matso thoddo zait vochunk laglo. Sasumai bori na mhonnon sado-bhollo Fernandinho, kama velo baile-bair tiche khobrek gel�lo. Filomenache dakhtti bhoin Flora-n, don mogreanche podd guttun, bachik( niece) pattoun dil�le. Bapui bhitor sortanch avoichem ferem-ferem xime bhair pavlam tem bonduch zaina tem pollevn dakhte poran zap ghatli. �Age mummy, tum itki ragar kiteak? Kitem zalem daddy Vimal auntigher gelear? Vochum di taka. Timaichea kombean amgher ievn meklleaponnan kombiencher ghoddo korun zata zalear mhojea daddy-n Vimal aunticho irloso mog korun zaina ge? �Tum chup rav daddychea pora.� Filomenan dhuvecher dhengso ghatlo ani paim dhortorer apttit chollpak lagli. Lino B. Dourado CHOTRAI: Vimal, kai mhoineam fattim Shri Vassuram Gopinath Gaumkar hachea thaim logn kelem mhonn Filomenank matui khobor na.Vach Novembrachi 9,2003 www.goanet.org/piper/goanet/2003-November/006927.html �Aitaracheo Kaskuleo� ALMACHEA NANVAN, thatun Vimalachi khobor melltta.-Lapit ===== http://www.goa-world.net/poems http://www.goa-world.net/poems/lino __________________________________ Do you Yahoo!? Free Pop-Up Blocker - Get it now http://companion.yahoo.com/ ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
