[Goanet]ADIM ani ATAM - MANDO-DULPOD-DEKHNI, GOEMCHI SONSKRUTAI!

[domnic fernandes]

Adim festa-porbek, sottie rati, baltimank ani kazarank Mando-Dulpod-Dekhni 
gavun porbo soboitalet.  Atamchi amchi sonsot Mando-Dulpodam kantar korunk 
bhouch pattim.  Punn, maka upott khuxealkai bhogli vachun guelea satollean 
ki "Mando Fest" jem Ponnje xaran ghoddlem tantun nhoich amchea tornatteanim 
bhag guetlo punn vhodd umedui tannim dakoili dekun.  Tossoch aum khuxeal 
vachun ki amchea serkaran fuddarak osleam kariavollink duddvancho adhar 
bassaila dekun.

Sogott ami tozvit korumea amche Goemchi sonskrutai, ji vortouta amchi 
guirestkai, tika ami sareporim jivi dovrunk.

Amchem mannkulem Goeam mhull'lear
Git songitachem banddar
Anga maddea-dulpodanchea nadar
Soglem soimbuch nachta.
Tor heach nadar, chol ami ek bhou famad Mando mhunnoea zo zaun assa hea 
porim:

ANGOUNN

Angounn ami keloli re dogaimnim
Gopan dhorun roddleum ami dukanim
Kallzam amchim ganttailelim chintnanim
Duspott amchi keli moga amchea ghorcheanim
Kallzam amchim ganttailelim chintnanim
Duspott amchi keli moga amchea ghorcheanim
        Khoxi kazarachi
        Niddukai ghorcheamchi
        Moga birmot futtoum amchea dukamchi
        Khoxi kazarachi
        Niddukai ghorcheamchi
        Moga birmot futtoum amchea dukamchi
Amchim chintnam varear ublinam
Rogtachim dukam golloun konnem puslinam
Eka-mekak segred amcho gomlonam
Devan amche churchure matui kelenam
Eka-mekak segred amcho gomlonam
Devan amche churchure matui kelenam
        Khoxi kazarachi
        Niddukai ghorcheamchi
        Moga birmot futtoum amchea dukamchi
        Khoxi kazarachi
        Niddukai ghorcheamchi
        Moga birmot futtoum amchea dukamchi
Siole Santa Antonimchea mazar
Bhas ami diloli zaumcheak kazar
Soumsarak korun ami nomoskar
Xirap ghalun doriachea lharar soddtam suskar
Soumsarak korun ami nomoskar
Xirap ghalun doriachea lharar soddtam suskar
        Soumsaran mog amcho
        Xevott churchureamcho
        Moga xivor keloi amcheam dukamcho
        Soumsaran mog amcho
        Xevott churchureamcho
        Moga xivor keloi amcheam dukamcho
Amchim moddim dorian ubtelim
Almam amchim sonstik tanche buztelim
Dogaim ami zottek ubim rautelim
Devak borem dislem zalear hem vinchartelim
Dogaim ami zottek ubim rautelim
Devak borem dislem zalear hem vinchartelim
        Soumsar ho ghatkeamcho
        Toddoki ghorcheamcho
        Moga sorgar punn voir ekvott zaum amcho
        Soumsar ho ghatkeamcho
        Toddoki ghorcheamcho
        Moga sorgar punn voir ekvott zaum amcho
Domnic Fernandes
Dhahran, KSA
_________________________________________________________________
MSN 8 with e-mail virus protection service: 2 months FREE* 
http://join.msn.com/?page=features/virus

##########################################################################
# Send submissions for Goanet to [EMAIL PROTECTED]                       #   
# PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/              #  
# Please keep your discussion/tone polite, to reflect respect to others  #
##########################################################################