Bhurgim Fotti Uloinant. Tea disak donparchea vellar mhojea lagxilea ixttan fon kelo.Tanchea ghora veginuch ieopak tannem poratlem. Orxim thoddeach vellan thoimsoruch vochunk, hanv nhestalom. Tachea dhuvecho poilo vad dis (birthday) aslo. Lhan bhurgeank games korchelo monis aslo to okosmat duent zalo khoim. Boroch vell zal�lo. Koslich games suru korunk naslelean bhurgim ekdom bezar zavn ubgeleant khoim. Hanvem taka sanglem hanv mhojea ghora sakhunuch games chalu kortam. Fonacho avaz mat speakeracher sadounk ani sogttea bhurgeank fona lagsor ekttaim korpak suchoilem.
�Hello children� hanvem mhottlem �Hello� bhurgeani zap dili �How are you all� hanvem vicharlem. �Fine� bhurgeani umedin sanglem �Are you ready��..� fuddem ulounk dilench na �Yes� bhurgeani barrabor zap dili. �My name is Uncle Lion. Booo� Mhaka dislem bhurgim mhojem nanv ani avaz aikun bhietelim kai mhonnn ponn na, tannim-i zap dili �Booo� Hanv uncle Lion kiteak mhonnttam? Kiteak mhojem nanv Lino. L-I-O-N oxem boroit tor �lion� zata. Teach katir hanv bhurgeam somor bhov famad. Uncle Lion hea nanvan mhaka khup dhaktti poram ollkhotat. Tea uprant hanvem bhurgeank sanglem. �Dear children, listen carefully. I will ask you some simple question and whoever gives the correct answer will get a beautiful prize. Ok children?� �Ok� bhurgeanim boball kelo. �Are you ready� tankam matxe urber haddpak vicharlem. �Yes� �One more time. I am asking. Are you ready children� �Yes� mhonnon sogttim bhurgim karandai khorun zap ditalim ponn tanchea moddlem ekttem �hoi� mhonntalem. �Excuse me. Who is that little girl who�s saying hoi?� �Hanv tem� ek moddur tallean zap aikunk aili. �What is your name darling?� Taka prons kelo �Amanda� tinnem soroll sanglem. �What a lovely name you have� �Thank you� upkar attoun fuddem uloilem. �Hanvem tujo talo ollkholo� Mhojea talleachea avazaruch bhurgim mhaka ollkhunk laglim mhonn tea vellar mhaka borich urbha borli. Goddie hem lhan por dusre kodden party-k meulelem astelem ani mukhar tea porak vichar kelo. �Tum mhaka koxem ollkhotai?� ani tachi zap aikupak mhoje kan fulloile. Party-k xezarim-soirim ani tea poracho mummy-daddy ajir aslim. Thoimsor sarkench monneponnachem vathoron upraslem ani Amandan zap ghalun mhottlem �Hanvem tuka sarkoch ollkhilo uncle lion. Boro asa tum mhattaro kombo. Tujo avaz daily mhojea kannar bosta. Mhojo daddy kamank vetokoch mhojea mummy-k fon korun tichea thaim horamchim horam uloita to tunch nhoim re bar-gea? Lin B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? Yahoo! SiteBuilder - Free web site building tool. Try it! http://webhosting.yahoo.com/ps/sb/ ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
