[Goanet]Aitaracheo Kaskuleo: Bhorele Monis Fotting Zaleat.

[lino dourado]

 

                                     Borele Monis Fotting Zaleat

 Poir tedus hanv Kuwait City-n, Maliya pavun sorlom. Rosto par (cross) kortana rosteachea dusrea bazun mhojo ixtt Lapit ubo aslo. Mhaka pollevn to thoinch tarlo. Khup disani to mhaka mevlolo mhonntoch ekamekachi humxeken khobor ghetana tacho mobile fone vazlo. Kannank tenkoun to mottean aroddlo. � Ago Perpetin (Perpetin tachi bail) hanv Salmiya City Center-ant asam. Tujea shopping kelam. Anik kitem zai?  Ok ok stay free mugo? Borem, borem ghetam. aiz week end mugo. Rati koden upaxim kitem ?�

Oxem mhonnon Lapitan mobile bond kelo.

 �Mhojea samkara Maliya ubo asai ani tuvem tujea bailek Salmiya City Center-ant asa mhonn kiteak fott marli?� Taka vicharlem kiteak mobile fone aslele bore monis fotting zaleat dekhun.

�Zaite dis zale hanv tuka fone korun soddi. Tum konknileant vhoddlem boroita. Inglish Konknin onn�kar korta. Ek mhaka sang hea mobile fonank konknileant kitem munom?�   Mhojea  vicharlole prosnacher visor ghalun Lapitan aple lapitponachea chali pormonnem vichirt vichar ghatlo. Haka Lapit nanv hanvenuch dovorlolem. Kazar zavn eka bhurgeacho pai  tori astana bhurgeaponnam mat vochunk nant. Tannem vicharlolea pronsnank kosli tori zap divn zai asli. Mhojem mhattem korpolem. Ek iad aili ani hanvem tachea tonddak polloit vicharlem  �Tum Fr. Antonio Perera s.j. haka ollkhotai?�

�Hoi hoi. To ek vhoddlo dhormik konkni pustokam borovpi. Tachim borpavoll hanvem vachleat� Lapitan sanglem.

�Tannem typewriter-ak konkninleant �boddboddem� mhonn nanv dilelem kiteak tem iontr (machine) �type� kortanam mottean boddboddta dekhun�

�Tem hanvem tedna vachlelem ponn atam hanv kitem vicharta tem iontr dusrem� Lapitan mhottlem.

�Nigtoch mhojea mhorean tuvem Salmiya City Center-ant shopping korta mhonn tujea bhailek fott sanglea. Ek vost, eke svater thavn dusrea svater sompeaponim vorunk zata zoxe porim tujo mobile fone ghevn, tum Maliya heddtta. Mhonntoch hea mobile fonank konknileant tujea bhaxen �heddgo� fone mhollear khoimchean vaitt?�

�Are vha! Ekdom huxear mure tum. Dukh dinastana chimtto kaddtai?� Mhoje khatir dhap�pp korun hat marlo ani fuddem vicharlem. � Tujo mobile fon  with or without antenna?�

�Mhojo mobile without antenna� oxem taka sagun hanvem mhojo hat kallsanvamchea bollsant ghatlo fon bhair kaddpak

�Ho ho, without antenna?� Lapitan tondd ambot kelem ani mhojea bendda sokoll polloit mhonttlem� Inzddo kitem tum?� oxem mhonnon  rosto par korun Lapit chollot ravlo.

 Lino B. Dourado.

 

 

 

 

 

 

http://www.goa-world.net/poems

http://www.goa-world.net/poems/lino

---

Do you Yahoo!?
Yahoo! SiteBuilder - Free web site building tool. Try it!