Inam Konn Jikhlo? Tum Sangxi? LAPIT-an piknik tharaili. Tageli ixttin Vimal ani tigelo ghov Vishall. Dalmina ani tigelo ghov Romeo. Suresh ani tageli ghorkarn Jyoti ani Lapitachi bail Consu. Oxem dorun chear jodio , mhonnchem atth lok ektaim zavn Keserval zhorir gelim. Bori savlli melltta to rukh sodhlo ani tachea mullan vostu ghatleo. Thoddim sokoil zhorir navunk gelim.
Udik natam-natam donpar vazlo. Dadle bier, whiskey glass ghevn bosle zalear bailani soft drink ghetlem, fokt Dalmina bier ghontt�talem. Gorom-gorom kel�leo nisteacheo katlexi, chetney sandwich, lonnchem pottan dukholtana koslich mouzmojea (merriment) na tem pollevn Lapitan mhottlem. �Ixttano ami piknikek aileat ani nhoi dukhache mhellaveak� �Hoi,hoi. Soglim monim khoxim? Koslo tori khell khellumea.� Lapita-k tenko divn Vimal uloilem. �Music ghalea ani nachunk lagea� Dalmina, zaka borem nachpi mhonn gelea karnavalachea eka dansak inam� gavlelem, tannem pod ghatlem. �Na, na, atanch nhoi. Suru kortat thoinch asat. Thoddem bhov ghetlolem choddum di� Dalminacho ghorkar Romeo don peg zalea xivai mood-ant ievpi nhoi. Tannem, aple bailechea suchnnecher virodh dakhoilo. �Mandde-dulpodd gailear koxem?� Sureshan bieracho ghont soknolli (windpipe) sokoil ghaltana mhottlem. �Ami Lapitachea kazarak ievnk nant mandde-dulpoddam gavpak� Joytin hansonuch tondd ugoddlem. �Kaich na tumchea lagim korchelem� Lapitachi bail Consu challvolem ani mukhar boddboddlem. �Atam aikat. Ami ghov-bailam korun chear jodi asat. Logna adim amchea modem koslo na tor kosleo hanskutleo (jokes) zaleat astele. Chintat, ani ami hogi bosul�le bogor amkam hasunk ieta te toren sangun diat. �Ekdom bori bud�d.� Romeo-an zap ghatli. �Hi evzonn bori asa. �Jokes� mat moulik (original) ani khore ghoddnecher asunk zai, ani dogaini, mhonnchem ghov-bail hea khellan samil asunk chodd gorjechem. Ami atth zanam asat mhonntoch odik gombhir aspak xembor rupea kaddumea ani konn boro hanskutleo korun sogtank bhorpur hansoita taka inam� dilear koso?�. Lapitan sodam porim lapitponnachi chall suru keli tedna sogot ekach avazan razi zalim. Sort ghalun poili hanskutli sangunk Dalmina ani tigelo ghov Romeo. �Zannant?� Dalmina-n ek batli bierachi pottan jiroileli, tannem chalu kelem. �Romeo-ak dislem apunn khoroch �Romeo-Juliet� cholchitranlo �hero� mhonnon. Amchea ghorcheank khobor nasli ami mogan asat mhonn. Eke amas (new moon) ratik amche ponosachea (jackfruit) zhaddar choddun mhoje nidhche khuddin ievnk tozviz kori tedna tacho hat nisrun gopp korun sokoil poddlo. Mhojea avoik dislem pikun ponos zhoddlo� �Mhaka boroch mar boslolo ani hanv amas ratik poddlolo to punov (full moon) ratikoden boro zalom.� Romeo-an hanskutlek xevotachea panvddear haddun mhottlem ponn konnuch hansunk nant. Dusri palli Vishall ani Vimalachi asli �Mageli Aii duent axil�li. Tea disa mhaka ek �lecture� chukil�lem hea khartir hanv Vimalegher ticho �note book� haddpak gel�lom. Vimal tea velar tigelea porsant full zhaddam vomptalem. Tiche donui hat matien mhelle axill�le. Vimalan tea disa polko (blouse) nhesil�lo, tacho ghollo bhouch rundd axill�lo. Irloxo vhoddov ghalit, ubi khadd (strait) tachea hodd�ddea velean distali. Porsant astana ek toll (locust) tiche xatier bosun chorot bhitor votalo ten�na Vimalan boball korun bhitor votlea toll-ak bhair khaddpak mhaje kodden upkar maglo. Toll, tika vaitt khorchea adim hanvem loz bida soddun mhajo hat tichea polkan bhitor lotlo ani tollak bhair kadlo. Poileach pavtti eke ostorache kasgi sandeak mhajo hat lagil�lo�. Vishall-an lojun sanglem. � Ani tech disa thavn Vishalak ghomlem �chollie ke piche kya hai� Vimalan irloso masalo tea gozalik lailo ani sogleani mottean hansun tallio petovleo. �Hanv mhoje dhakte bhoinink ghevn Ponnje karnavalacho chitr-roth (floats) pollevpak ghel�lom.� Suresh-an aplea vixim ghoddlele gozalik oromb ghatlo. � Mhaji bhoin nov vorgant xiktali tori astam tem lhan por koxem tichea hatak dorun lokan boril�lea zomean fattim-fuddem chitr-roth pollevpak gullmetalom. King momo asull�le gaddier mhajea vangdda tisre voros �Science� kortelem Delfina muzgachea surar nachtalem. Tika hat hallovpak, mhaje bhoinicho hat sodhlo, ponn tinnem mhaka polleloch na. Porot mhaje bhoiniche hatak dorlo koro, ponn ordea hora uprant mhaka ghomun ailem to hat bhoinicho nhoi mhonn.� �Sureshachi bhoin Sumitra, mhoji ixttin axil�li� Joytin, Suresh thamblo thoimsor chalu kelem. �Sumitrak zai axil�lem hanvem Suresha thaim logn bandlelem. Tinnech mhojo hat Sureshachea hatant ghatil�lo. Aikat kan ugddun. Sureshan magelo hatuch dorlolo, hoi, ham!! Vishalla bhoxen polkean hat galum na.� Joytin hanskutlek boroch rong dilo ani sogot hansunk laglim ani inam� hangasoruch thartholo kai diso. Nimnni palli Lapitachi asli. Sanjer nokrecho suntlea upran Lapit �part-time� photography kori. Goenche famad �fashion designer� bab Wendell Rodricks hanchea modeling kortelea cheddvanche fotu to ghetalo. Vimal, Dalmina ani Lapit ekach offisant kam� kori. Mhonntoch Lapit-ache vaitt-bore gunn, konna thaim sombondh asat te, tim bhes borim zannant aslim. Ponn ek, konnakuch Lapitacheo khobro-chaddio sangum naslim. Kiteak Lapit kallzan udar, dusreachem borem chintpi. Tache poitth (habits) xime bhair nasle Lapitan dolle mollbacher firait mhottlem �Mhaka photography kortana voir-sokoil, haddvo-tiddvo, bosun-ubem ani kaim pavtti models hanche mhorean nidchem poddtta�..� Fuddlem aikonastana modinch Lapitachi bailen tondd ghatlem. �Ani zannant tumi, to mhojea mhorean sust nidhta dusream barrabor ghoddie zagrut ravta astolo� �Ago Consu, zagrut ravtolo monis kitem tori korunk xektolo nhi gho?� Vimal ani Dalminan barraboruch mhottlem ani ku-ku-ku korun kakad ghalun hansunk laglim. Tim hanstana tanchea potantlo poskotto ani antkoddi pasun halltaleo. Tancho tabonastana hansnean Vishall, Suresh, Romeo hankaim hansoile. Tancho hans-kollkoll aikun xezareak zhadda mullan bosul�li ek zhantti, kuntit-kuntit aili ani tinnem bi hansunuch vicharlem �Baba itkem hanspak zalam kitem?� Hea gozalik zaito khall zalo, ponn aiz dekhun ek prons mhaka sottaita. Vimal ani Dalcina dhaktule gozalik itko motto hanso kiteak dilo? Tuka kitem somzolam. Hoi? Hanv chukun doddlo tor muzrot mhaka kolit korat ham? Na tor 9489---***!!? Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? SBC Yahoo! - Internet access at a great low price. http://promo.yahoo.com/sbc/ ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
