-------------------------------------------------------------------------- | Add your name to the CLEAN GOA INITIATIVE | | | | by visiting this link and following the instructions therein | | | | http://shire.symonds.net/pipermail/goanet/2005-October/033926.html | -------------------------------------------------------------------------- TSKK KONKNNI BAG
Preeta Naik TSKK Thomas Stephens Konknni Kendrachi (TSKK) vollok az zaitea lokak asa. TSKK hem nanv aiklear kaim zonnank disum ieta va kaim zonnanchem mot asot Konknni Kendr mhonnje Konknnik sombond zal'li ek sonvstha. TSKK zoru-i Konknnicher sod vavr korpi sonvstha, punn az hem Kendr aplo vavr bhaxe purtoch korinastana Konknni bhas, kola, sonvskruti ani soimb samballpachem kam' korta. Pachvea vatavoronnant Konknni osmitayecho samball korunk Kendr vavurta. Pachvea soimbacho ani Konknnicho kitem sombond oso prosn konnaku-i poddum ieta. Hachi zap Kendrak bhett dilear zorur mellum-ieta. Konknni osmitayecho vavr pachvea soimbant korunk monak dhadoskai mellta ani vavru-i boro zata. Kendrachea pachvea soimbaku-i ek vegllem mohotv asa. Kendrachem pachvem soim mhollear Kendrachi bag. Adlea kallar ruxi muninchea motthamni osleo bago pollevpak melltaleo. Atam te motthu-i nant ani te ruxi-i nant. Udorgotichea nanvan tor bilddor, konttrekttor ruk zhaddam kapit asat. Goenchim khaxelim zhaddam na zait asat. Zollim mollim chalu aslolem nistonton pollevn Kendran aplea zagear ek bag toiar kelea. He bagent Goenchea khaxelea zhaddanche borechxe prokar hanga pollenvk melltat. Fulam, follam, vokhdi toxench moderak vaprunk ieta toslea-i zhaddancho aspav asa. Bhailea fulank lagun Goenchim mogrim, abolim, zaio, zuio, kunda, mogrim, karvam, gottlam hea sarkilim fulam pollenvk legit mellonant. Bhailea fulanchea rongam modem amchim khaxelim nazuk karvam sanddleant. Dhalanchea mattvant karvanchi fanti mall'lea xivai sovaxinnichea xenddeak sobai nasli. Atam karvamchim zhaddanch zor pollenvk mellonant tor fulam khoim pollenvk melltolim? Karavanchim zhaddam mud'dam konn aple bagent lainant. Punn gorvam ani her palo khavpi monzatim pasun zhaddanchim rakonn korunk karvam voink laitat. Oslea zhaddak Kendrache bagent ek manachem sthan asa. Mogrim mhonnam fuddem mathear char kens asloleo bailo legit mogrechi fanti mallpak eka pam- iar ubeo zatat. Mogreche hanga char prokar pollenvk melltat. Sadim mogrim, bott mogrim, kostur mogrim ani costa mogrim. Mogreanchea bharar tor mogreanche mattov hanga pollvpa sarke asat. Him charu-i prokarachim mogrim hanga ekach zagear pollenvk melltat. Kundache hanga tin prokar asat. Hea Kendrache bagechem khaxeleponn mhonnlear protek zhaddache mullant ek toktto laila. Tea tokttear zhaddachem Konknni nanv, Inglix nanv ani bottanikol (Botanical) nanv dilam. Te khatir zhaddam pollenvk ieteleank zhaddam vollkupak tras zainant. Chanfeache hanga 14 prokar asat. Rongit chanfe dhorun, konvtto chanfo, nag chanfo, hirvo chanfo Kendrant asat. Vonvol, sunrgi he sarkilim zhaddam ekach zagear pollenvk mellop bhov khotthinn. Hangasor kaim zhaddam oxim asat jim Goenchim thollavim nhoi, punn zaitea vorsam pasun tim Goeant asat dekhun tim atam Goenchinch zaleant. Oslea zhaddank tancho rong, fulam ani panam pollevn tankam Konknni nanvam dileant. Paklleank katre asololi ek dosonn zaite kodden pollenvk mellta. te dosnnik Inglexint "Japaneese lantern" oxem mhonntat. Hea fulak 'lambonn divo' oxem nanv dilam. Hem dosnnichem ful lambonn divea bhaxen zhaddar lambta. Petrolichim fulam tankam Inglixint 'Bougainvillae' mhonntat tache hanga 15 rong asat. Follanchim zhaddam ghetlim zalear, lhan follam, dekik asalle, churnnam, konneram, mhabllam, charam, zogma, pittkullam, bhennsam, zambllam, amboram, kann'nnam hea sarkilim ranvotti zhaddam Kendrant laileant. Oslim zhaddam konn aplea porsant lainant, punn Kendrache bagent oslea-i zhaddanchi bore toren zotnai ghetlea. Ambeache hanga 19 prokar asat. Razanvallo, sado anvallo, sogllo mosalo, tiki, lovongam, zaifoll, nirponnos, palponnos, mavlling, adanv, 'egg fruit' him-i zhaddam aspavtat. Porvore sarkea tollpar follanchim, fulanchim, ranvottim, allum, tonn hea sarkilim 330 toranchim zhaddam aslolo Kendracho ho votthar mhonnlear ek bhumi vainkutt (Garden of Eden) mhonnlear chuk zanvchi na. [This article is on the beautiful garden with trees and plants labelled and maintained at Thomas Stephens Konknni Centre, Porvorim, about a kilometre from the O Coquiero junction on the Porvorim-Torda road past the Defence Colony.] Viva Goa. Miguel
