Tuka add nanv koxem favlem? Tanchea ghora samkara toranzachem (grapefruit) zhadd aslem mhunn tea ghorabeak toranzkarager mhonnlear vollkotalim. Pondra vorsam meren dona bhitorlem, kalsanv vo cheddi porian ghalinaslo mhonn taka, nagddo Juze hea add nanv dilem. Mazra porim ratcho gupttim hoklek bhettunk vhetalo mhunn taka bukul nanv dovorlelem, ani aiz meren taka bukul Anton mhollear vollkotat. Ti choltanam, uloitanam bhouxik suatancher aple kulle korpitali.. Tichea ghorabeak korpitagher mhonntat. Oxe toren add nanvanim, amchea Goeant, khubxe ghorabe ani ganvche monis asat. Tankam tim nanvam, tanchea kornneanim zalear thoddeank tanchea vevsaik (profession) pormonnem favleant. Mhojo sorgest bapui sorkari nokrecho nivrutt (retired) zatoch Utodddde Lourdes Saibiniche igorjek 30 vorsam mestri-ponnachim xeva keli. Amchea ghorabeak mestri-gher mhonntat. Kaim mhoje lagxile ixtt-mitr mhaka, Lapitt hea add nanvan vollkotat. Mhoje chemistry tticheri koddlean, hem nanv mhaka favlam. Ani tem koxem? Ek dis Chemistry-cho vorg vo class choltana tinnem mhaka vicharlelem What are nitrates? Tticherin mhaka vichar kelolo punn kosli rates magtali tem mat sarkem kannar bosonk naslem. Mhojea samkara bosker boson asleli choli, amchea vaddeantli asli. Mhoji nodor tichea islean geli. Class-int dilele notes kopi korunk zai, hea nimitan, sanjechea tinsanichea vellar tichea ghora vhetalom. Khub pavtti amche obhias (studies) xime bhair vhetale Tika Inglish film-am khub avoddtalim. Film-achi kanni ani cinema poddear bhumika kortele kolakarancheo gozali, tonddar atvoch bhavnacho sobhav haddun mhaka sangtali. Kolakaram vonttank vontt lavn kiss ditana, jiblecho koxe toren vapor kortat, hem tinnem, lingi (sexuality) rong divn, mhaka samkem lagim ievn sangchem aslem. Teddna mhoje kuddicho kanto fanketalo. Odik Inglez film-acheo khota aikunk zai zalear hanvem tika cadbury chocolates lip-choriam divncheo poddtaleo. Hench mhaka marog lagtalem. Punn kitem-i zaum Poilo, lips to lips kiss tichea koddlean xiklom. Mhoje ixttinn-ichem nialltam astana, vicharlelea prosnank zap di na mhonn, tticher tapli. Tichea tapsanin hanv bhannar vo sintindar ailom, ani soroll zap dili Night-rates are costlier than day. Tticher hansta vo taplea hem mhaka kollllem na. Tinnem, mhaka apnnaxim apoilo. Tichea lagsor pavtoch mhojea kannank nibran chimptto kaddun mhonnlem You naughty boy LAPITT Ani tea disa thavn tem aiz meren mhaka LAPITT hea apurbaechea nanvan vollkotat. Lino B. Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________ Do not post admin requests to the list. Goanet mailing list (Goanet@goanet.org)