SON’VARACHIM SUNGTTAM: - Jose Salvador Fernandes
‘Hanv Konn?’ “Hanga polle…hi Sonia Gandhi, ani ho hanv.” Ixtta vangdda tachea mavoddea gelolom tednam,gozali-gozalimni ixttachea mevnnean mhojea mukhar aplo fottvancho ‘album’ ugtokorun motteponnan sanglem. “Hakavollkhotai? Ho Manmohan Singh, Indiecho adlo ‘Prime Minister.’ Pokxan amkamDelhi apoun vhelole tednam tachea vangdda hanvem ho fottu kaddlolo.” Ixttacheamevnnean hordem anikui fuloun sanglem. Nanvostea rajki mon’xam vangdda apnnemkaddlole fottu mhaka dakoun, to mhojea koddchean kitem anvddeta tem kollunkmhaka vell lagunk nam. Hanv voilea voir hanslom. Apunn dakoytalo te fottu mhakaavoddle mhonn tannem chukicho somoz kaddlo, ani apnnacheach bhitor khuxal zalo. “Ho amchoIndiecho adlo ani 11vo ‘president A. P. J. Abdul Kalam. Dil’lint Sonia Gandhikmellunk gelolom tednam chans poddlo mhonn tachi-i bhett ghetloli. To mhojekodde uloytanam kaddlolo ho fottu…” Ixttacho mevnno eke veglliech umedinsangtalo. Oxem korun tannem mhaka apnnem Sushil Kumar Shinde, Rahul Gandhi,Digvijay Singh, oxea kitleach rajki fuddariam vangdda ubo ravun kaddlole fottumhaka ‘commentary’ diit dakoyle. Mhaka mon nastanam-i hanvem te moneamnipollele. Ixttachem kam’zatoch ami ghorantlean bhair sorleanv. Mottor amchem fuddli vatt katrit vetalemtednam, ixttan mhaka vicharlem – “Kitem sangtalo mevnno?” “Indiechofuddlo Prodhan Montri apunnuch zauncho aslolea porim uloytalo.” “Pulitikachitaka kosli avodd mhonn konn zannam. Kongres to… ” Ixttan mhollem. “To dakoytalotea fottvamvelean somzunk mhaka vell lagunk nam. Punn tannem mhaka, rajkimon’xam vangdda kaddlole itle fottu sumara bhailie umedin dakoytoch, mhojeamonant ek prosn ubo zalo.” “Koslo?” Ixttankoslich umollxik dakoynastanam vicharlem. “To uloytalotachevelean taka apli svotachi vollok nam mhonn kollun yetalem.” Hanvem mhojembhitorlem mon ugtem kelem. “Karonn kitem?”Ixttan adlie itliech thonddsannin vicharlem. “Jitlea-izonnam vangdda tannem fottu kaddleat, tea fottvantlea mon’xamvelean to aplivollok ani motteponn dakovpacho yotn kortalo mhonn mhaka thavem zalem. Monisoso kednam korta zannam?” “Sang tumfuddem, aikotam.” Ixttan fuddlie zapechi vatt pollet mhollem. “Mon’xak jednamaplea svotachi vollok asonam, taka aplie tankichi khobor asonam tednam to aplemmotteponn dusreamvelean tharayta. Dusreanchea, nanvosteanchea nanvamvelean toapli vollok ani motteponn dakoyta ani dusreank zanniv korta. Monis aplisvotachi vollok aplie svotachie tankin ghoddoyta tednam ti apo-ap soglleanchienodrent bhorta. Tachi tankui dusreank kollun yeta. To oxea panvddear pavtatednam, apunn konn to dakounk taka dusreanchea nanvanchi ani motteponnachigoroz poddonam oxem mhojem chintop asa. Dusreanchea motteponnavelean aplivollok tharaunchie bodlek mon’xan apunn konn ani kitem tem zannam zavpachigoroz asa.” Hanvem mhojim chintnam utranchea rupan ixtta mukhar manddlim. “Mhonnchemhojea mevnneak tachi svotachi vollok nam oxem mhonntai tum?” “Hanv mhonntammhonnun taka ti nam oxem nhoy, punn ti nam mhonnun hanv mhonntam oso tachoorth. Tannem, Sonia Gandhi, Manmohan Singh, Sushil Kumar Shinde, Rahul Gandhi,Digvijay Singh hancheavelean apli vollok dakounchie bodlek, apnnavelean tanchivollok dakoyloli zalear, gozalicho orth vegllo zatolo aslo oxem tuka disonam?”Mhojem mon hanvem anik ek pavtt, punn prosnachea rupan ugtaylem. “Umm… Aplisvotachi vollok ghoddounk mon’xank vell tori khoim asa?” Ixttan gozal anikuifuddem vheli. “Dekunuch‘ready made’ ani aiti vollok mellta tacho monis upyog korta. Ani tosli ‘readymade’ vollok chodd kall tigonam ani ticho vapor kortolo monisui jivitantkhoinch pavonam. ” Ixttak mhojemulovnnem mandoulem mhonn mhaka tachea mukhamollavelean koll’lem. Tannem vixoybodol’lo. Ami dusrio gozali korpant gul’l zale. Son’var Febrer 27, 2016 | | | www.goa-world. com | | | | | GULF-GOANS e-NEWSLETTER (since 1994)http://www.yahoogroups.com/group/gulf-goans/ www.colaco.net http://www.live365.com/index.live Tumcam Maie-mogacho ieukar. Stay tuned to Gulf Goans e-Newsletter - everyday someone, somewhere learns a little..... ________________________________________________________________________________ THOUGHT FOR THE DAY: Every individual has a place to fill in the world, and is important in some respect, whether he chooses to be so or not.
