www.goa-world.com
http://www.goa-world.com
http://www.live365.com/stations/61664 Live Konkani Music
http://www.youtube.com/uly334 Konkani Video's Online
http://www.mahableshwar.com/ http://www.goa-world.com/expressions/
Gulf-Goans e-Newsletter
http://www.yahoogroups.com/group/gulf-goans/ (since 1994)
Tiatrantlim Bhurgim, Bhurgeanche Tiatr
- Jose Salvador Fernandes
Moddganvcho Gomantak Vidya Niketan vosro. Sanjechim 3.30 vazleant. Tiatr suru
zala. Tea vosreant bosun hanv tiatr polletam. Tiatrachem nanv XXX. Tiatrant
char-panch zann bhurgeancho aspav asa mhunn vosro chikar bhorla. Don pordeam
uprant, tiatrantli Garden Scene. Bapui ani tacho 8 vorsancho put distat.
Put: Daddy, tum oso kitlo temp mhunn mummy-chea ugddasan roddot ravtolo?
Bapui: Baba, hanv mummy-chea ugddasan roddonam, punn hanv astanam ti dusrea
dadlea sangata jiyeta tem polleun mhojem kalliz dukhta.
Put: Punn daddy, he porim tuka soddun dusrea dadlea vangdda vochunk tujea
mogant tika kitem unnem aslem?
Bapui: Khobor nam baba mhaka!
Put: Az tumi dogaim tor Leila-Majnu, Romeo-Juliet hanche porim niz mogan
jiyelolim zalear, az sonvsarachem chitruch bodolpachem!
To tiatr polleun ghorche vatter astanam, tea tiatracher niyall korpak mhojea
monachem chokr ghunvpak laglem. Ek 8 vorsanche pirayecho bhurgo. Tiatrant
bhumika kortana Leila-Majnu, Romeo-Juliet-achea niz mogacho ul'lekh korta. Punn
babddeak Leila-Majnu, Romeo-Juliet him konn, khoinchim, tanche modem kitem-kat
ghoddlem, tancho mog koslo aslo, adi. hachi taka khobor asa kai? Niz mog
mhollear kitem tachi sari-puri kolpona hea inosent monachea bhurgeak asa kai?
Oso niyall korit astanam monant khoim tori dislem, tiatr boroupean hea bhurgea
kolakarachea tonddant apli philosophy ghalea.
Az amchea tiatramni noveponn koxem ailam - tiatramni bhurgeank ghevop. Hea
bhurgeanchea tonddant tiatr boroupean apli philosophy lottop ani machier ti
vhoddlean uloupak lavop. "Mhoji avoy dusrea dadlea sangata mouza marta",
"mummy, tuka kitem vhoddlem? Mhojea papacho mog vo tea tujea kumparicho bhog?",
"Daddy, tujem kortub tea Himaloy dongra itlem vhodd asa, punn mhoje thaim tuzo
sombond tea dongra itlo thondd zauncho nhoi", adi. oslim utram tiatrache
machievelean lhan bhurgeanchea tonddantlean aikunk melltat.
Eka 8 vo 9 vorsanche pirayechea bhurgeak, "avoyn dusrea dadlea vangdda mouza
marop" mhollear kitem hachi taka somzonni asa kai? "Papacho vo kumparicho mog"
mhonnta tednam 'kumpar' hea utracho mullavo ani uprant tea utrak labhlolo slang
orth taka khobor asa zait? To Himaloy dongra kodde sor korun uloyta tednam,
Himaloy dongor kitlo vhoddlo ani to kitlo legit thondd asa hacho taka onnbhov
na hi gozal sodduch, punn te pirayer tachean ti kolpona tori korum yeta?
Oxea gozalincher niyall kortoch, tiatr boroun machier dakoupeamni
bhurgeancho kelolo ho goir-vapor oxench mhonnchem poddta.
Tiatr polleupeank tiatramni, cholchitramni bhurgeank polleunk khub avoddta.
Bhurgeancho tiatr mhonntanch tiatracho vosro goch'ch bhorta. Kiteak, tiatr
pollennarank ek tor bhurgeanchi bhumika polleupachi asta. Atam, bhurgeanchi
bhumika mhonntana, ti bhumika bhurgeanche pirayek, monak, chalik, poristhitik
sobta toslich zaunchi poddli.
Machier dakoylolea eka ghorabeant ghov soro piyeun yeta, aple potinik dot
haddunk na mhunn kenddta. Tednam, machievelea tanchea lhan bhurgean tor, "pai,
dot mhollear mon'xache hat-paim..." oxem uloylem zalear, voir ul'lekh kelolea
nodrantlean tem koxem distelem?
Az khubxea tiatramni, kolakar mhunn bhurgeancho aspav korun tankam machier
ubim kelolim distat. Tancheo heo bhumika choddxe pavtti tea-tea tiatrache
kotha-vostuchi (plot) goroz mhunn haddleli disona. Te bodlek addechim patram
koxim distat ani toxim astat-ui. Tiatrancho prochar zaupak, tiatr
polleupeanchim monam jikhpak, apunn heram poros vegllem kitem dakoyta mhunn
sid'dh korpak bhurgeank tiatrant ghaltat.
Porinnam': Oslea tiatrancho sondex vo ugddas tiatr pollennaram aplea ghoracho
umbro hupche poilinch visortat. Poristhiti pormannem eka bhurgeak tiatrant
haddop, te-te poristhiti dhorun bhurgeak tacheach mona pormannem vagunk lavop,
vo avoy-bapaychea borea vo vankddea som'bondancho porinnam' tea bhurgeancher
koso zavop heo gozali hanvem onnbhovlolea tiatristam modem sorgest Rosario
Rodrigues-ak boreo somzotaleo.
Bhurgeank machier haddop hantum kainch vankddem na. Punn tim machier yetat
tednam poristhitek lagun yetat oxem dispachi goroz asa. Ani tech poristhiti
pormannem bhurgeank tanche pirayek, mon'xastrak (psychology) sobtat tosleoch
bhumika diupacho thokos ghevop hi dor eka borea tiatr boroupeachi ani
dakoupeachi zababdari.
Bhurgeamni machier yeun vaddloleanchi philosophy uloun hajir asloleank
chokasur ani ojap korop, ani bhurgeamni tiatrantlean bhurgeank kormonnuk
(entertainment) divop heo don veglleo gozali. Poili gozal, right man in the
wrong coffin mhonnlolea porim, ani dusri gozal mudier sobtolea thika sarki.
Aichea kallar hem mudier thik anik-ui zata titlem sobun vochpak zai. Mhonnche,
bhurgeamni bhurgeam khatir kelele tiatr machier yeupachi goroz asa.
Tea khatir, hea vixoyacher eke veglle toren niyall, bhasabhas korchi
poddteli. Tea khatir veglli yevzonn ankchi poddteli. Ani ti follak aili zalear,
bhurgeanchea tonddantlean vaddloleanchi philosophy sangpi tiatram poros
bhurgeankuch gheun bhurgeam khatir kelole tiatr rongpachi ani gazpachi
lamb-rund ani soroll vatt ugti asa.
Kiteak, bhurgeanchea tiatrantlean bhurgeank dilolo sondex bhurgeam xivay
avoy-bapayk-ui mhotvacho ani jivitant pallpa sarko thartolo.
Bhurgeancher bore sonvskar korpi tiatr machier ubo kortana, tea tiatrantlea
bhurgeacher-ui bore sonvskar zatele, bhumikechea rupan apunn kitem uloyta vo
korta tem-ui tankam borem pott'telem. Ho proyog korunk konn-ui fuddem sorot
kai?
(c) Jose Salvador Fernandes
www.goa-world.com/
Pick-of-the-day:
http://www.daijiworld.com/news/news_disp.asp?n_id=44620&n_tit=First%20Catholic%20Church%20Opens%20in%20Qatar
UPCOMING EVENTS IN KUWAIT & DUBAI: Roseferns to perform in Kuwait on 4th
April 2008 and Dubai on 10th April 2008
IN KUWAIT at the Hawally A.C. Auditorium
Date: 4th April 2008 Venue: Hawalli A.C. Auditorium
Time: 3:30 p.m. Presented by: Jolly Boys of Benaulim-Kuwait
For details, email [EMAIL PROTECTED]
or Telephone Aseno Ferns 9420352 or Benny Vaz 6533229
or visit our blog http://maimtuzoupkarihanv.blogspot.com/
Goa's Pride - http://www.goa-world.com
http://www.youtube.com/watch?v=MuCMjzYA3_U
Gulf-Goans e-Newsletter (Since 1994) archived at
http://www.yahoogroups.com/group/gulf-goans/
Moderated by Gaspar Almeida & presented by Ulysses Menezes
http://www.youtube.com/watch?v=X-6J1ObYUUg - SOBIT AMCHEM GOEM !
---------------------------------
Never miss a thing. Make Yahoo your homepage.
