Bharat desacho Svotontr bhes Ani Sanathan sonvsthecher kes
Bharot desak svotontrtay zoddun gheunk Bharotachea mhan nagrikamni aplo jiv ogddailo vo orponn korunk raji zale. Brittix, Purtugez ani Fransez desam koddlean svotontrtay zoddunk vhodd nett ani tyag kelo. Brittix, Purtugez ani Fransez loka poilim nagrikamni veg-vegllea rajyanchea gulamponnacher zoit vhorunk zhuz manddlem. Mon'xachea jivitant svotontrtayecho nett asa. Dusreachea gulamponnant jiyeunk to fattim sorta. Bharot desache svotontrtaye uprant Bharotachea nagrikank gulam' korpi unne zale mhonnlear ek vhodd onit zatoli. Nagrikank nove toreche gulam' korpi uprasle. Akantvad korpi ani sadea mon'xanchea monancher vaitt probhav ghalpi Bharotachea Ghottnnecher nixedh marpi ube zaleat. Bharot desachi itli doyallai ki oslea pongddank vo sonvsthank khorayen bond korunk sovkas panvlam marta. Oxem dista ki panvlam marunk osle zome sorkarak domaitat. Svotontrtay mhonnlear zai toxem korop oxem nhoi. Punn bore toren mon'xanchea ani somazachea faideak poddta toslem xikxonn ani jivit. Punn osle xikovnnen svarthi ani apleponn bhitor sortoch dhormik zomeam ani akantvadi zomeam modem forok korunk bhov kottin zata. G?ycho sorkar oslea proxnank sampoddla. Sanathan Sonvsthecher bondi ghalchi vo he sonvsthechi koddok ritin chovkoxi korun tancheo karyavolli topascheo. Svotontrtayecho tallo G?yant aikunk ailo. Zaitea zomeamni Sanathan sonvsthecher nixedh marlo zalear, dusreamni tanchi khor chovkoxi korunk sorkara lagim maglam. Xant ani susegad G?ykar eke toren akantvad korpache xikovnnek ani hinvsa (violence) porgottpachea monak koxe porim fuddo korcho tem polleupacho vell aila. Dhormachea ani vaitt umttun kaddpachea nanvan modd-fodd ani bomb-sfott korunk khoinchoch dhorm' xikoina. Soglle dhorm' non-violence, ohimsa porgott'tat. Mahatma Gandhijin ohimsa vorvim Bharot desacher zoit vhorunk ek dekh dili. Ak'khea sonvsarant ohimsa sarki pod'dot vakhanntat. Punn thoddeo sonvstha hinvsa chalu dovrunuch choltat ani svotontrtayechem nisonnton kortat. Hindu Raj yeuzonn dusrea khoinchea dhormak zago asa tachi zobor khobor korina. Dursrea dhormanche svotontrtayechi khobor aikona. Osleo sonvstha jeo somazant hinvsa vaddoytat ani duspott kortat tancher bondi ghalop mhonnlear Bharotachi svotontrtayecher ek khas zoit. Oxem ghoddona zalear, Bharot svotontr des fokot nanvam purtoch urtolo ani akantvadi sonvsthecho gulam' zatolo. History often repeats itself. Gulamponn soddun svotontr zalo, atam Bharot des portun gulam' zaunk toyar asa? Oxem zaunchem nhoi. http://www.v-ixtt.com/client/ogrlekh.asp
