---------------------------------------------------------------------------
**** http://www.GOANET.org ****
---------------------------------------------------------------------------
Happy New Year Twenty-Ten
---------------------------------------------------------------------------
Albert D'Souzan boroil'lea utrancher thoddo niall korun mhakai kitem tori
borovnk dislem. Survek mhonnllear Kolva ganvchea CD prokronn vo vixoi rajkornni
korun soddla. Jea disa Kolva bandh ghoddovn haddlo tea vellar hanv thoimsor
aslom ani hanven khud Kolva pulis stexnnar vochon mahiti kaddtoch tantunt
rajkornnacho kitlo legit hat asa to somzun ghetlo. Aiz zaite fuddari oxe asat
ki aplea faidea khatir lokank margar haddttat ani apunn fattlean asat tumim
bhienakat mhonn sangtat. Eka-eka vellar oxei vokil asat je apleak choddant
chodd kesi mellche khatir lokank uskaitat ani bazuk ravn lokanchi movz
polloitat. Ani jem kitem Kolva hanga ghoddlem to ek rajkornni khell mhonnom
ieta.
Atam CD babtint boroitolo mhonnllear ti CD hanven aikomk nam. Goyant astana ti
ghevchea khatir hea ani tea xhopar bhonvlom punn gel'lea zageancher mellonk
nam. Punn hanv mhonnttam zori tor konnacheim nanv he CD vorvim vibaddlam ten'na
tea monxan fuddem soron gavpeacher vo producer-acher kivam kesett toear
korpeacher defamation kes ghalpachi ani nhoi lokamni kaido aplea hatant
ghevpacho. Hachim tachim ghoram foddun tankam zoit mell'llem mhonnonk zainam,
hantunt amchem kristanvponn uronk nam. Eka padri virudh git gailem mhonn
ghoddie amim kristanv uchamboll zale astole punn kesett kaddpeanchim ghoram
foddchim oso sondex kristi porjek konnem dilo kai? Padrimni vo rajkornneamni?
Ek mhonn'nni asa "Eka hatan tallieo pettonant". Aiz dor eka Hindi sinemant
Kristi monxank bebddo, bolatkari, gunge okhdam ghevpi, chor vo khuni he toren
chitraitat ani Kristi lokancho man ubhoitat ten'na hea oslea vixoiancher avaz
utthovche vellar he kristi lok nhidentlean kiteak zagonant? Ek zanna zaiat, he
rajkornni monis aplea svartha khatir porjek uzar kortat ani hench hanga
ghoddllem.
Kaim tiatristui fuddem soron hea prokronnacher ap-aplem bhaxonn kelem ani kaim
zannamni guneanvant asloleank aplea tiatramni ghevchenant mhonn lokank axvason
dilem punn sogllem fokt apleak lokam koddchean xabaski mellovche khatir kelem.
Hea dog-teg zannanchem axvasonam vorvim tankam koslench lukxonn zavpachem nam
oxem amkam zalear dista.
Hem jem hanven boroilam tem konnachoi rag monant ghevn borovnk nam karonn
Goychea xantichea rajyant he torecheo kornneo matui sobhonant.
Aurelio Viegas
Mumboi
The INTERNET now has a personality. YOURS! See your Yahoo! Homepage.
http://in.yahoo.com/
