---------------------------------------------------------------------------
Sign the Petition requesting The Honble Minister of State for Environment
and Forests (I/C) to maintain the moratorium on issuing further
environmental clearances for mining activities in Goa
http://goanvoice.org.uk/miningpetition.php
---------------------------------------------------------------------------
Amche self-styled sompadpi! – Kaim prosn
Ixttamno,
Sungttanchea vantteant, zaitea tempan, ek dekhdinno, eka xikovpeak sobta toslo,
lekh vachunk mell'llo mhunn sontostam ani Salvadorbabak dhin'vastam. Konknni
borounk xiktoleank tacho bhorpur adav zatolo mhunn dubhav na. Hanv khoincheach
iskolant vo kolejint Konknni xikunk na. Punn Salvadorbab ti bhas iskolant savn
MA panvddear legun xikla. Dekhun tachi zannvay kitlea uncha molachi tem
somzum-ieta.
Ami chuk kortat ani amkam ti chuk mhunn kolltta tedna ami xiktat ani tosli chuk
porthun ghoddchi nhoi mhunn sadur ravtat. Dusreachi chuk amche nodrek yeta
tednam-i ami xiktat. Dusreachi chuk tisro amche nodrek haddtta tednam-i ami
xiktat. Xikpacheo heo sogleo tora iskolachea / kolejichea vorgant sorras
mellttat. Xikovpi amcheo ani amchea vorgmitrancheo chuki dakhoita ani ami teo
amche motint nond korun dovortat. Kedna kednam-i xikovpich chuk korta (thodde
pavttim mud'dom' zaun) ani xikpi ti tache nodrek haddttat; tedna ek boro
xikovpi te chuki vixim foddnnixi dita, tosli chuk kiteak ghoddtta ani ami tiche
pasun koxem sadur ravonk favo tenvui sangta. Xikovpeak prosn vicharop ani tachi
zap somzun ghevop hivui ek xikpachi tora.
Hech nodren Salvadorbabakodden mhoje kaim prosn asat. Tanchi zap mellttoli
mhunn ast ballgitam.
1. Tannem kaim chuk utranchi volleri dilea. Tantuntlea kaim utram vixim
chuk khoim asa tem somzunk mhaka kustar zalam. Dekhun khulaso korunk magtam.
Tim utram oxim: ami…… kaddinant, sonstha, xhanneponnachem, hatunt, votten.
2. "Som'padpi" hem utor lekhant zaitea pavttim ailam. Zalear, hem utor
boroitana tatunt 'apostrophe' ghalunkuch zai? Hoi zalear kiteak?
3. "…... thodde som'padi apunn apnnakuch 'shabishanv' mhunn mandtat ...…"
hacho orth mhaka somzunk na, khas korun "som'padi" ani "shabishanv" hea
utrancho. Isplikasanv magtam.
4. "Chuk" hea utrachim zaitim vibhoktirupam zhollkotat: "tuka kitem
chukichem mell'llam", "ogrlekhantlea chukinchea utranchi", "ti chukichi
borpavoll", "xud'dhlekhonacheo chuki astat", "ogrlekhant zaiteoch chuki
asleo", "adle chukichem bhogsonnem". Hem soglem mhaka somzolam. Punn "atam
zatelea chukam khatir" hem veakoronnachea khoinchea nemant bosta kai? Khulaso
korunk vinoitam.
5. "….. Konknniche Romi lipientlean porgottnneo uzvadda yetat…." Hanga
ek dubhav ailo? Konknnichi mhonnloli ek veglli Romi lipi ostitvant asa? Kai
Salvador babak "…..Romi lipientlean jeo Konknni porgottnneo uzvadda yetat …."
oxem borounchem aslem? Ho prokar sabar pavttim addolltta. Viskuttaun sanglear
upkar zait.
6. "Konknniche khuinche porgottnnent" oxem mhonnop sarkem, kai "Khuinche
Konknni porgottnent" hem sarkem? Ani kiteak?
7. "thokos" hea utrant H ghalunkuch zai? Hoi zalear kiteak?
8. "…. her madheomancher vachunk mellta toxem ghoddot bhunn bhirant asa."
Hea vakyantlea "bhunn" hea utracho orth mhaka sodunui mellonk na. Upkar korun
to diuncho mhunn magtam.
9. Kitlem-i sanglem mhunn kaim xikpi xikoch nant. Punn proyog korun
dakhoilear tankam rokhddench somzota ani tanche motintui tem urta. Ho mhozo
onnbhov. Aiche Konknni sompadpi Konknni bhas, iskolant zaum kolejint, xikunk
nant. Te khatirui ghoddie zait, Salvadorbabachem mhonn'nnem tanchea
matheavelean voita. Tor jem heramni korchem mhunn Salvadorbab sangta tem tannem
apunn zaun korun tankam dekh ghalun dilear chodd borem zaunchem naslem? Konknni
sahityak faidoch zauncho naslo? Hacher Salvadorbabachi protikriya kitem kai?
Mhojea voir dil'lea prosnank apleo zannvayecheo zapo diun, Salvadorbab mhaka
odik xhanno kortolo mhunn dolleant tel ghalun vat polloitam. Ani adim fuddench
tache upkar man'tam.
Mog asum.
Sebastian Borges.
Message: 10 GD 370 Dt. 10 Apr 2010
Amche 'self-styled' Som?padpi !
Bor. Jose Salvador Fernandes
Kiteak mhonnta tum? Konknniche khuinche porgottnnent tuka kitem chukichem
mell?llam?? Hanv.
Marsachea mhoineant uzvadda ailoleo thoddeo uzvaddavnneo hanvem vachleat.
Thoddea porgottnneanchea ogrlekhantlea chukinchea utranchi hanvem volleri korun
tuka ?e-mail? korun dhaddlea.
Punn Konknni xikteleak ti chukichi borpavoll kiteak vachunk diunchi oxem
mhonnit, khub dis hanvem taka Konknnintlea porgottnneamni jeo veakoronnik ani
xud?dhlekhonacheo chuki astat te vixim kainch sangunk na.
Jevlom, ani soroll eke cyber-caf?-int gelom, ani mhojea xikpean dhadddlolea
utrancho printout kaddun ghetlo. Tantum mhaka torii, zaitivont, ami??
kaddinant, mollavnni, sonstha, xhanneponnachem, fuddareannchim, nirmaan, lokank
uskavop kiteak zatale?, kaim zanna lagim, khottor, proytn, dor mhoineank,
hatunt, bobattt, votten, adi? utram vachunk mell?llim.
Konknniche Romi lipientlea thoddea porgottnneanche som?padpi,
Konknniche Romi lipientlea porgottnneamni khorench Konknni bhas samballun
dovorpacho motto vavr kela hem sot,
Aiz uzvadda yeupi Konknniche Romi lipintleo thoddeo porgottnneo vachunk
boslear, tea porgottnneamni ekuch utor sabar pavtti veg-veglle ani chukiche
ritin boroilelem vachunk mellta. Som?padpeanchea ogrlekhamni tor panttembhor
veakoronnacheo chuki, tea bhair xud?dhlekhonacheo chuki astat teo sodduch.
Dusrea utramni, thokos gheun Konknni bhas eke ritin boroupachim ani tichi
bhaxik nodrentlean udorgot korpachim panvlam porgottnneanchea som?padpeamni
ubarlelim matui disonant.
Amchea Konknni porgottnneanche thodde som?padi apunn apnnakuch ?shabishanv?
mhunn mandtat ani toxe vagtat-ui.
Tachea ogrlekhant zaiteoch chuki asleo
Fokot nibond boroupacheo spordha ghoddun haddleo mhunn bhaxechi udorgot zaina
ani konn bhas xikona. Tankam ti xikounchi poddta? porgottnneanchea
madheomantlean?.tea khatir poile-voile suvater porgottnneanchea som?padpeank
bhas sarki yeunk zai? bhaxecher tankam probhutv ?(mastery) aslear tea von borem.
Na zalear?.aiz amkam khobram-potrancher ani her madheomancher vachunk mellta
toxem ghoddot bhunn bhirant asa. Padrim thaim ghoddlele khub vorsam adle
chukichem bhogsonnem atam Bhagevont Bap magunk lagla khoim. Konknni bhaxentlean
atam zatelea chukam khatir fuddarache pillgen mafi magpachi palli yeunchi nhoi
mhunn, amchea som?padeamni apleo porgottnneo bhaxeche nodrentlean atanch
nittayer ghalear, Konknni maye vangdda Konknni mon?xancho-i jiv suu zatolo.
Sebastian Borges
Your Mail works best with the New Yahoo Optimized IE8. Get it NOW!
http://downloads.yahoo.com/in/internetexplorer/
