Manest pad-Ivo,
Goanettar tumche lekh soddanch bhou mollache, tatunt aichea khallachea prosna voir tumi zaiti sozmonni dillea. Mojem Svopon, hea lekham-tuim toddem bhou sott assam. Pun mhojea monant ek vhodd khont upraslea ani maka dislam tem dukh tumche mukhar dovorchem. Tumkam ugdas astolo, jedna jedna Goycher ani Goykaramcher mottem orixt upraslem, tedna tedna, adlea toxemch attamchea Goychea Gonvlli Bapain, Goyche Christi Sobhek, ullo marun zagoili, opinion poll-achea vhellar, Konkanni baxechea cholvolle somoyear toxemch noxti RP 2011 cholvolli somoyear, Christi porjeak, amchea Goy-Matte toxich amche Miam Baxe thaim amchi zababdari amchea Gonvlli Bapain amchea mukhar dhovorli ani thea cholvollinim ami zoitivont zale, maka dissonam, amchea Gonvilli Bapaiche ullea viret heao cholovolli sufoll zait asleo mhunn. Hanv somzotam hacher tumchem-i hench mott astolem mhunn. Tumi tumchea lekhant broxtachara voir zaitem boroilam tem soglem sott mhonn ami toxemch amche Dharmik Fuddari pasun dubav viret zannat, zalear amcho Gonvlli Bapui Congress serkaracher nixet kityeak marinam ? Tumcho toxoch amcho-i anvddo hea fuddem hea boxtachari monxeank nivdun haddchem nhuim mhunn, punn ho amcho anvddo xarti pavunk tumi toxem ami zannau, amchea Gonvlli Bapaicho amkam adhar zayoch, tachea ullea bhogor rojkaronant kosloch boddol zaucho nam. Kaim dis addim Fr. Concesaum-an Goychea sorv broxtachar montreak aplo tenkko dilo, hacho orth kitem ? Amche Padri ani Dharmik fuddari amkam sangtat ami sottan cholchem ani noxtacher nixet marcho mhunn zalear hi amkam kosli dekh ? Hench nhuim, amchea zaitea Virgozamnni, khuimchea-i utsovak ani amdhar montreank mukelli paunnem mhunn amontrit khortaum, zalear oxem kityeak ? Amechea Padri-Madrink dusre bore monis mellonant kitem ? Zaite lok mhunntat ki amche montri votam bodoll Virgozanni ani Christi iskolanni denggi (donations) ditat mhunn, porjek chorun, denggi ditat te bore zatat, tankam mafi melta ? Heo vait sumvoim poile swater anchea Dharmik fuddareani bond korunk zai, (we should not entertain, nor accept money or goods from corrupt politicians) Amchea fuddareani porjek bori dekh zavunk zai ani bhou mollachem mhullear, dharmik bhed-bhau-amcheruch nhuim pun broxtacharacherui vhodd nixet marunk zai, oxem kellearuch Goyant boddol yetlo, nam tor tumi ani hanv broxtacharacher borounkch urtole. Moji khalti maghnnim tumche thaim, tumi kosloi tori upai kaddun amchea dharmik fuddareank hi amchi axa kolloumchi. Tumcho khalti Christaum Freddy Agnelo Fernandes -------------------------------------------------------- The content of this electronic communication is intended solely for the use of the individual or entity to whom it is addressed and any others who are specifically authorized to receive it. It may contain confidential or legally privileged information. If you are not the intended recipient you are hereby notified that any disclosure, copying, distribution or otherwise placing reliance on the contents of this information is prohibited and may be unlawful in certain legal jurisdictions. If you have received this communication in error please notify the sender immediately by responding to this email and then delete it from your system. -------------------------------------------------------- ______________________________________________________________________ This email has been scanned by the MessageLabs Email Security System. For more information please visit http://www.messagelabs.com/email ______________________________________________________________________
