Nitidar Goychea darar, Aiz minanchi chovkoxi, Ani faleam...
Goyant nit bhett korunk aili. Khorench minanchi nit zatoli mhunn mandun gheunkuch kotthin lagta. Suprim Nitisobhecho bospogari Nitidar M.B. Shah, sabar rajyamni bekaidean kaddtolea minanchi chovkoxi kortolea Komisanvcho mukheli; Goyantui bekaidean kaddtolea minanchi choukoxi korunk ail'lo. ( who heads a commission probing illegal mining in several states, illegal iron ore mining).
Bekaidean (illegal) minam kaddunk suru zavpachem kherit karonn mhonnllear, bhailea desank dhaddpache minanchem mol 20 ttok'keamni vhaddlam. Nitidar Shah kaidea add minancho dhondo cholta tanchi chovkoxi korunk ail'lo. Kaidea add minancho dhondo cholon sorkarak luskonn zalam, zalear te duddu sorkarachean porot gheunk zata mhunn Nitidar Shah-an sanglem.
Goyant minam kaddtat te sumar 90 zage asat. Eka vorsak sumar 54 milhanv metrik tton min kaddtat. Tantuntle sumar 20 ttok'ke bekaidean min kaddtat mhonn halinch Xri Monohar Parrikaran kolloilam.
Sumar 45 disam bhitor Nitidar M. B. Shah Kendr Sorkarak aplo vako vo report ditolo. Gُyant bekaidean kaddtolea minanchi chovkoxi korunk aila mhunn Goykar khuxal zal'le. Punn aplea riporta pormannem Goychea sorkaran vevharant haddunkuch zay mhonn na, oxem-i tannem mhonnlea uprant amche Gُykar niraxi zaunk lagle. Donui sorkar Goychea toxench Kendr Sorkarak khuxi aslear bekaidean kaddtolim minam bond korunk xokta mhunn Nitidar Shah-an khatri dili.
Bekaidean minam kaddun kitlem luskonn zalam tachi khollayen tannem chovkoxi korunk na mhunn thoddeo NGO songhottnnam niraxi zaleat. Tanche pormannem, Nitidar Shah-an minanchea proxnachi odik khollayen chovkoxi korunk zay asli. Koxe porim minanchea dhondeak lagun Goyant poryavoronnak mar bosla ani Goychea sorkarak luskonn zalam hacher Nitidar Shah-an lokx ghalunk naslolean lok tiddkovla. Thoddeanchea mhonn'nnea pormannem hi chovkoxi fokot dakhounk ani fottounk kelea. Ho kaidea add minancho proxn suttavo korunk titlem sompem nhoi. Zaitea lokak ho proxn azun somzonam. Minache proxna vixim zomati zatat, tea vellar min Goykarank goroz asa mhunn bob martolo lok chodd asta. Hem vichitr dista. Punn minam add uloitoleancho tallo bond korunk oxem manddun haddtat. Nitidar Shah lokak bhettlo tednam oxem zalem. Ho motto proxn azun suttavo zaunk na.
Nitidar Goychea darar ailo. Aiz kaidea add choltolea minanchi chovkoxi korunk. Ani faleam, kaidea add viklea ani ghetlea te xetki zominichi chovkoxi korunk nitidar porot yetolo. Hi asa nit amchi. Punn nitidar ailo, toch Goykarank ek vhodd okman.
http://www.v-ixtt.com/client/ogrlekh.asp
