Montryak Tappot
Tiatr polloinarank ek chotrai, novo Tiatr, dailoganni borlolo, kubuch "action"
aslolo, vorixtt rajkarbaream sangata tumche mukar haddta, purai Bharantant
famad zal'lo Punjabcho Harvinder Singh, aplo niktoch boroilolo "action" Tiatr,
zanchem nanv "M o n t r y a k T a p p o t". Mhojo prochar koso laglo ? Tumi
sogleamni hea Tiatrak euchem.
"Tappot marun tuka tujea maimchea dudacho ugdas kortolom" hi dialog ami
zaiteach tiatramni aikolea astoli ani zaitea Hindi cinemant passun hi dailog
asa "thappad paddega tho maa ka dud ki yead ayegi" Punn amchea Xetki Khateachea
Kendr Montreak, aplea avoichea dudacho ugdas ailo gai ?
Amchea Xetki Khateachea Kendr Montreachea tonddar Havinder Singh-an sobemazar,
potrakaram mukar tappot marlem, sangchem mhunntlear maka Sharad Powarachi
avhodd nam, ani taka tappot marlem vo nam marlem zalear mhojer kosloch add
porinam zaumcho nam, punn taka tappot favo vo nam favo hem porjen sangchem,
kiteak taka porjen porje khathir nhivdun hadlalo ani porje thaim thanchi
zaitich zababdari asli, punn thanchea montri podda khala zaiteach jevonnacho
vibadd kel'lo asa, kitle gudanv borun gonv kusoun uddoile, ghoribank the gonv
dil'le zalear thanchea babdeamcho jevnnacho tori probond zatlo aslo. Sharad
Powar-an pojechea jevnnache proxn suttave korche bodle tho BCCI-yecho sorv
chettnis zavun bosla, kiteak crikettint ekdomuch chodd poixe asat nhuim, zalear
hea montryak tappot favo vo nam ?
Hea khallar zaiteach desamni rajkarbareamcher luti, moche, tantyam marlelim
asat, amche Bharatant pasun amchea zaiteach vorixtt netank oxem godlam. Thor
hea khallar hem oxem kiteak zata zait ? Hea prosnacher amchea sorkaran
ghombirtayen loxh galpachi goroz asa.
Broxttachar, margai ani bekari vhaddot asa, kaido-kanun ekdomuch bigoddla ani
lok ekdomuch chid-chido zala, thanchem pasyens kobar zalam ani the kitem-i
korunk toyar asat. Amchea rajkarbareamni porjeck fottoun khub kallem dhonn
ektailolem asa ani thankam porjechem vo ganvchem kainch poddunk nam, tankam
duvens laglam fokt girestkai ani dudu ektaupachem ani hakach lagon porza
thancher ekdomuch niraxi zal'li asa.
Ami bes-borem zannat, ami lokxayechim monxam mhunnon ani lokxayechea nhema
pormonnem ami cholchem mhunnon ani je kaideam virudh jiyetat tankak
niyaikhatyant voronk thanchi nitt korunk zai mhunn, thori mhojo proxn,
rajkarbareank ami amche ani amchea ganvchea udorgothi khathir nhivdun haddtat
thor the porjeck ani ganvank luttunk lagle thor tankam tappot favo vo nam ?
Hem fokt Kendr Sorkarakuch labu zainam amchea Goychea rajkarnnak passun ho voxo
vo kiddo keritt baxen lagla.
Goyant attam nhivoddnumkyo lagin pauleat ani sogle pox ap-aple toyarek lagleat,
Congress-ui apli toyari korta punn tankam matt ek sompeponn asam, tankam
Congress-achea hattachea chinnamche (symbol) toktte (posters) ghevun boumpachi
goroz nam, thannim fakot Sharad Powar-ak gheun boumpachem kiteak,
Congress-achem hattachem chinn thachea pollear (gallar/cheek) Harvindar
Singh-an xaplolem asa ! Tappot tiatrak passun toktte marpachi goroz nam,
takach gheun boumlear zata !
Kendr Montryak tappot marlolem them aiz sogleam heram Razkarbareank dukhlam ani
the sogle hea tapptachi nhindha kortat kiteak attam tancheo dhoti ani kolsamvam
sodul zaleant, the biyeleat ani chintat astole "abb mera number kab ayega ?
Thankam ami sorol vicharchem, "Kaunsa number neta-ji Kolaveri ya thappat ka"
!!!!!
Mog assum
Freddy Agnelo Fernandes
#####################################################################################
The content of this electronic communication is intended solely for the use of
the
individual or entity to whom it is addressed and any others who are
specifically
authorized to receive it. It may contain confidential or legally privileged
information.
If you are not the intended recipient you are hereby notified that any
disclosure,
copying, distribution or otherwise placing reliance on the contents of this
information
is prohibited and may be unlawful in certain legal jurisdictions. If you have
received
this communication in error please notify the sender immediately by responding
to this
email and then delete it from your system.
#####################################################################################
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
