AITARACHEO KATKUTLEO: Politik Filmacho 'review' http://groups.yahoo.com/group/gulf-goans/message/36354 Politik Filmacho ‘review’ Hea filman, tumche avddiche kalakar asat. Panch vorsam fattim tumchea hatant, painchim tem hozar rupianchem nott divn ghel’le kalakar te. Atam porot ekdam tumchea ghorant, vaddean ani ganvan yevn, tumi magtat titlem divnk toyar zaleat. Bori sondi nhi? Punn ghelea khepek dilelea rupianchi ani her bokxis aiz meren tiglea? Kosi togtoli? Xirapanchi? Oxem dislam tumkam? Velean… Tumche hokam khatir gorjebhair tumkam rostear yenvche poddlem. Be-kaidexir minancho dhondo ubo korun kaideaxir aslolea Mining-achea lokacher pottar khont. Malaria kamkagarancho proxn ani upas. Gõycho sobit soimb ani lokanchi ghoram, bhatt-xetam natak korchelo Reginonl Plant 2021. Xarantlea kochreachi ghann ganvamni pavli. Saibachea Fest Disa, dom naslolo IFFI xevttacho xomarop suvallo. MOI (Medium of Instructions) kizillak Hindu-Kristanv modim xikxonnacho ghonddoll ani her sabar Gõychea dotorer odrustacheo ghoddnneo goddunk pavcheo nasleo. Zeddna… Gelea eleisanvam vogtar dileli duddvanchi dhengi tunvem svikar korunk nasli zalear. Gõychi udorgott ani boreponn chintoleak, nivddun haddchea bodla tunvem dolldiracher xiko marun tujeach hatamni darun kuradin tuje paim katorle. Koxe? Tea vellar gupit asleli yevzonn RP 2021 pormonnem, tujea ghora samkaravelean vhodd rundayecho rosto pasar zata. Tugelea durig ani borobor tunvem koxtt ani gam’ varoun ghor ubem kelelem tem, moddunk veta. Tuje dolle ugte aslole tor, panchxim rupianche axek lagon aiz edem vhodd tujem ghor luksonn zavncho naslo. Xetki zagear vorixtt mega project yenvche nasle. Anikui… Udkacheo tankeo, motor-saikolli, frig, air-condition yontr, saddio tannim fukott vantleo. Saddi nhessun tuji bail ghorantli bhair sorleli. Vatter lok tonddar marunk laglo. Baddeachem kapod vatter nagddem zalem. Petrolachi dor vhoir tenkxer pavlolean fukot diloli motor-saikoll kosmeta. Frig ani air condition choloyler bizlechem bil gollo fugar korta tea khatir gormi bori dista. Hem sogllem dilolea vostuncho sorkar tujeaxim porot yetolo. Fattli yad kortolo. Tea vellar tum kitem sangtolo papia? Ghoddie tuka, tanchea gunddanchi dhomki bhi mellot. Dhor ek Amdar-Motreanchi bhumika hangasor ugtaylear hea filmachi sobai dhenvteli. Dekun, 2012 vorsan broxttachar fuddem vorunk atanchea broxtt kalakarank ‘repeat show’ Gõyche Vidhan Sobhachea povitr sobhaghorant obinoy korunk anekdam ‘chance’ dilo zalear Gõychem nisontton zalench oxem somzuchem. Ghele pavtti chuk keloli ti porot nam zaunk soglli kalji ghenvchi Lino B. Dourado Lapitt http://aitaracheokaskuleo.blogspot.com/ --------------------------------------------------------------------------- Protect Goa's natural beauty Support Goa's first Tiger Reserve Sign the petition at: http://www.goanet.org/petition/petition.php ---------------------------------------------------------------------------
