Asat ami Gõykar razzi ?
Konknni baxen ek mhunni asa "xennantlo kiddo xennantuch uronam" punn hanv
mhunntam kiddo xennantlo bair soron koslo faido ? Kiteak khuimchai suknnean
thaka poilo zalear, chonch marun khatlem nam tor tachea pilank khavoitolem. Tor
kiddeacho babdeacho bhes kitem ? Thannem xennamtuch rauchem vo suknneank khann
zauchem ? Tumi zaitim zannam mhunntolim ho anik kitem ulloita ? Amechea
addleanni heo mhunneo ani opareo bhes borem chinttun amchea mukar dovorloleo
asat.
Sarkem tumchem, amchea soglea mhunneamni ani oparini khubuch zanvai ani sott
assam, punn jem thea xennantlea kiddea sovem ghoddlam themch amchea Gõykaram
thaim ghoddlam, nam tor chintun polloiat. Ami sadde char xenkdde Purtugezachea
gulamponnat jiyele ani jednam sutka mellchi asli tednam Bharat sorkaran
suttkechea nanvan apli hukumat amcher thappli, zalear ami Purtugezachea
gulamponnatle suttun koslo faido zalo ? Kiddo xennantlo bhair jerul sorlo punn
guvonnin chonch marun khailo !
Jednam Bharat Inglezamchea gulamponnantlo mukt zalo tednam Bharatachea gyani
monxamnni ektaim yeun Bhratachem Samvidhann (The Constitution of India) toyar
kel'lem, tedna Gõychem boreponn thea Samvidhannant manddunk naslem kityeak tea
vellar Gõy Purtugezichea tabbeant aslem. Punn jednam Gõy Bharatant mel'loilem
ani Gõykar Bharat desache nagrik zale tedna amchea vhoddilamcho kaido aslo
Gõychem boreponn Bharatachea Samvidhannar galunk gheunk tem mat amche
vhoddilamni korunk nam, the khoreponni chukle ani hea chukicho ami somest
Gõykar aiz dukh ani dogd ami bogtat.
Bharatache poile Prodhan Montri Chacha Nerhu bhes borem zannam aslo ki
Gõykaramchi jivitachi chal-ritint ani dusrea Bharat nagrikamchea jivitachea
chal-ritint zaitoch veglochar aslo mhunn ani hea daktulea Gõychem Gõykarponn,
asmitai ani sanskruti sambalpachi ghoroz asli mhunn ani theach karanak lagun
thannem Gõykarank asvasan dil'lem ki Gõykaramchem Gõykarponn, asmithai ani
sanskruti rakunk tho Gõyank ek "Kherit Pradeshxik dorzo" (Special Status) vo ek
vhegllo kaido amkam labu kortolo mhunnon. Thea bair jednam Gõy Bharatant
mel'loilem tednam, Bharatachea poile panch vorsamche yeuznukent (1st five year
plan) Gõy bagidar naslem, Gõykarank thea yeuznukecho labb mellunk nam mhunnon
thannem amkam hem asvasan dil'lem. Punn aiz ponnas vorsam zalim ani aiz meren
asvasan, asvasanuch urlam. Zalear aiz Bharat sorkarakan Pandit Nerhun dil'lem
uttor ani Gõykaramchi aas azun puri kityeak korunk nam ?
Dhor eka Gõykarak hache baptim kherit baxen chintunk zai, kityeak aiz purai
sonvsaracho lok Gõyant ghussonk chinta hakach lagon Gõyant zomnnicho, ghorancho
ani flattamcho bhav sorgak tenkla ani amkam Gõykarank gheuk putvonam ani oxench
chollot zalear ani Gõyank "Kherit Pradeshxik dorzo" mellonam zalear ami Gõyant
Gõykar urche nam, amchem Gõykarponn, amchi asmithai ani amchi sanskruti nanch
zatli. Oxem zaunk nozo taka lagon soggot Gõykarank ullo martam, Gõykaramnno
amchem Gõykarponn, amchi asmithai, amchi sanskruti ani amchem Gõy samballpachem
zalear Bharatachea sorkaran Gõyank "Kherit Pradeshxik dorzo" diumchoch poddtolo
ani Bharat sorkar diunk toyar nam zalear ami zuzhun gheumcho podtolo, kityeak
hajeruch amcho Gõycho ani Gõykaramcho fudar tarailolo asa.
Amchea ani Gõychea bhoreponnam pasot vavurunk anik zuzhunk amchea nhivdun
hadlolea Aamdhar Montreamcho kaido zaun aslo punn ami soggot Gõykar bhes borem
zannat thankam Gõychem vo Gõykaramchem kainch poddonk nam ani amchem
chinttunkui thankam vell nam, thankam duvens laglam bhroxtacharachem, kitemi
korun girestkai ektaupachem, thaka lagon amich amchem zuzhuz mandchem
poddtolem, asat ami Gõykar razzi ?
Freddy Agnelo Fernandes
#####################################################################################
The content of this electronic communication is intended solely for the use of
the
individual or entity to whom it is addressed and any others who are
specifically
authorized to receive it. It may contain confidential or legally privileged
information.
If you are not the intended recipient you are hereby notified that any
disclosure,
copying, distribution or otherwise placing reliance on the contents of this
information
is prohibited and may be unlawful in certain legal jurisdictions. If you have
received
this communication in error please notify the sender immediately by responding
to this
email and then delete it from your system.
#####################################################################################
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
