Mathew Araujo � koslei bhumikek sobpi kolakar
Protek mon�xak Devan kosli na kosli kola dilea. Khubxea zannamni aple he kolecho faido kaddun tachem bhangar kelam. Vangddach apleak nanv zoddlam. Hantunt Kalapurcho Mathew Araujo hacho aspav asa.
![]()
Mathew kaim vorsam fattim jea nettan bhumika korunk Konknni machier choddlo, toch nett ani pott�tiddok aiz legit tacheant dista. Mathew aiz mogan ani urbhen John D�Silvachea khellamni kam� kortana dista. Hea mozbut kolakarachea angantli kola sobit fula porim pormolltta dekhun, Kala Akademiche tiatr spordhent taka boro svong korpi kolakar mhonn promannpotr favlam. Taka sabar tiatr-khellamni boro kolakar mhunn pacharla. Ho ul�lekh korun inam� puroskarui taka dileat. Machier
kortolem tachem khuinchem-i svong thoknnai korpa sarkem asta. Machier tachi urbevont kola polletoch aplea tonddar hanso golloit Sorgest Aristides Dias
tachi sabar pavtt tachi tust kortalo. Hea xivai John D�Silva-chea �Bovall� khellant bori bhumika kelolean, Mathewak GULAB puroskar favlo ani Dubai desant Ben Evangelisto-chea �Devak Zai zalear� hevui khellant �Boro nott� mhunn taka inam favlem. Halinchea prachit kallant, 200 mittor vhoddli machi bandhun haddli ani �Ecce Homo� he dhormik dakhovnnent sumar 150 kolakar amni vantto ghetlo. Hi dakhovnn Kalapur`a zali. Tantunt Jezuchi bhumika Mathew kortalo. Hi dakhovnn don dis chaluch urli. Goenche bisp, padri, madri ani don dis hixeobak dhorlear sumar dha hozar lok ho proiog polleun dukhamni roddlo. Soiteamni martana, khursar khillaitana Jezuk jem kitem bhoglem tem Mathewan toxea-toxem svong korun lokam koddlean xabaski zoddli. Padri-madrimni tache bhumikechi tust gait taka porbim dilim. Hea itlea borea proioga khatir bispan tanchea Kalapurchea pongddak xabaskechem potr dilem. Osli bhumika taka jivitant bhag favlolean, te bhumikechem apleak motteponn bhogta, oxem mathew khuxalkaien
sangta. Hache xivai, Menino de Bandar-chea �Lavleena� khellant tannem eka niz dotorachi, jivitbhor ugddas urpa sarki bhumika keleli, he`vui bhumikecho lok aiz meren iadi kaddtta. Hache bhair taka kantaram gavpacho-i gunn asa. �Ekamekak Adhar Diat� hem Mathewan khasa boroilelem ek anki-nattok. Borem nattkule ache nodrentlean, hea nattka khatir taka inam mell�llem. 1982 vorsa thavn Mathew Konknni machier dixtti poddlo. Xri Candido Araujo, Jack Ferry, Mark de Araujo, Pascoal Rodrigues, Komedian Sally, Peter de Costa, Milagres de Chandor, Prince Jacob, Menino de Bandar,Bernardo Fernandes, Anil pednekar, Socorro de Santa Cruz, Mariano Fern andes, Roseferns, Pal Soares, Zilmix Trio, Brazinho Soares, Patrick Dourado, Salvador Fernandes (Jolly Boy), Anthony San, Jose Rod itiadi. hanchea titatramni tannem huxarkaien bhag ghetlo. 1992 vorsa Bonaventure D�Pietro-chea �To Amger Ietolo� telefilmant Mathew-an bhumika keli ani Pietro-cheach adaran apunn durdorxonar pavlo mhonn Mathew sangta.
Toxench �Kantteantlem Ful� hea Konknni cholchitrant tannem obhinoi korun lokachim kallzam jikhleant. John D�Silvache to chodd upkar mandta.Takach lagun aple kolecho-i zaitoch vikas zala, oxem Mathew upkari kallzan sangta.Mathewbab Konknni Non-Stop tiatristanche sonsthent, kormonnuk Somiticho vangddi asa. He sonsthe khatir khubxem korchem taka dista. Iedo vhoddlo tiatrist zaunui soglleam sovem Mathew lhanvikaien vagta.Ives Tavares
(Upkarant: www.v-ixtt.com)
Do you Yahoo!?
Yahoo! Mail - 50x more storage than other providers!
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [EMAIL PROTECTED]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Yahoo! Groups Sponsor |
ADVERTISEMENT
![click here]() | |
![]() |
Yahoo! Groups Links
