|
EK MULAKHAT | ||
|
�Hanga Tiatristanchem Chukta!� Konknni palkacho Double Century King Menino de Bandar Febrerache 17ver 1957 vorsa Bannavlechea ganvant zolmolo. Survatek zomnicher �fell� nachoun 1979 vorsa to machier ailo. �Succorina� ho tacho chodd lovkik zal�lo show. Tache kolek vankann diun taka Cine Times, Coca Cola, Bahrain Goan Heritage ani Gulab he puroskar favo zaleat. Tiatram xivai tacho khasgi dhondo cholta. GULAB-a khatir tannem dil�li apli khas mulakhat vachpeam somor dovorpak amkam anond bhogta - Sompadpi Konknni machier tuzo proves koso zalo? n Mhozo proves survatek machier zaunk na bogor zomnir zalo. 1973 vorsa hanv zomnicher khell vo fell nachoitalom. Ganvchea bhurgeank gheun hanv tin khellacheo parti dakhoitalom. Survateche mhoje khell mhollear MHAKA GUNEANV BHOGOS, XIMITERINTLO KHURIS ani BHIKECHO ROSTO. khub kall hanvem osle fell nachoile ani lovkik zalom. Machier ailea uprant legit hanvem Karnavalak ani Paskank zomnivele he fell chalu dovorle. 1980 vorsa hanvem don orthacheo (double meaning) osleo tin parti kel�leo : LAITANA DHORLO, UBHAN DILEM ani DI GO TAKA jeo lokank khub avoddleo ani xevottak lok ojeap zaun gelo apunn chintalim toslem heam partimni kainch na bogor teo ekdom boreo parti mhunnon. � Tor tumcho machier proves ken�na zalo? n Survatek machier eka dig-dorspeachi ek ani dusrea digdors-peachi ek part ghalun spordha zatali. Ten�na hanv osleam spordheamni vantto ghevpak mhoje fell gheun ma-chier ailom ani osleam spordheamnim zaitim inamam melloilim. Tea uprant 3 vorancho akho ek khell-tiatr machier suru zale ten�na hanvem 1979 vorsa mhozo BHOGNNAR ho khell-tiatr machier haddlo. � Zomni velea Fellam modhem ani machie velea khell-tiatram modhem aslolo forok ani tuzo onnbhov amkam sangxi? n Zomniveleam fellank �script� asonalsi, fokot kantaram mat boroitale. Him kantaram vo gitam zaun asli ek �guideline� te partiche kanniek. Tea vorvim khellgoddiank tonddim partichi kanni sangtale ani tannim omkech sonvad ucharunk zai te xikoitale (hem fokot tonddan sangtale, boroun kainch dinasle). He sonvad justuch kantaram pormonnem asonk zai asle. Ani khellgoddi vo kolakar aple kopxen te sonvad uchartalo ani ghott monant dovortalo. � Mhonnje? n Mhonnje eka fellache partint mhotvache mhollear kant astale ani kantarant vo kantant astat tich utram sonvadant ucharunk zai aslim, ani onnbhovi khellgoddi hem justuch zanno astale. � Somzolom! Mhonnje sonvadant uchartat tinch utram novean gitant gaitale. Hakach lagon tankam lokam-khell mhonnon pachartale zaum ie. Mhunnttoch fellam modhem ani machier zatoleam khell-tiatram modhem khub forok asa. n Oi, khub forok asa. Aichea khell-tiatrachi borpavoll (script) toxim kantaram vo kant boroil�le astat. He show machier dekhaveamnim dakhoitat. Songitacho sad divpak khub songit vadeam vapuddtat, adlea fellam porim don tin nhoi. Itlench nhoi adlea ani atanchea zomniveleam fellam modhem legit khub forok asa. Adim manddar sogott khellgoddi vo kolakar mandd ghalun sorv-bhonvtim ube vo boson astale ani ap-apli part kortale. Punn atam dor ek kolakar maika xim ieun aplo sonvad ucharta ani fattlean veta. � Tor tujea onnbhova pormonnem khoinchem odhik vortem? n Omkench vortem ani omkench unnem molachem mhonnpak zaina. Tempa pormonnem matheak kurponnem mhonnttat toxem tem! � Khell-tiatr mollar adim ani atam mhonnosor sudharop kitlem ani koxem kat zalam? n Ek mat khatren sangum ieta ki zomnivelea fellam savn machie velea khell-tiatr meren ek bhov udhorgoticho poinn zalam. Ani hi sogott progoti sorgest Rosario Rod hachea okhondd vavrak lagon amkam favo zalea. Tannench khell-tiatr vo Non-Stop kolechem rup boldun he kolek ek novi dixa diun manachea thronar bosoilea je vorvim hea prokaran khub lovkik zal�lea tiatr prokarak legit fattim kaddla. Hea iesacho mukhutt fokot Rosario Rodrigues-ak favo zata. Ho poinn panvddeam panvddeamni vaddot ani choddot gela - zomnir savn machier ek-ek part ghlaun spordha. Tea uprant ekeach digdorspeacheo don part ghalun khell-tiatr. Thoim savn fokot ekuch tin voranchi part korun Non-Stop Show, bore-bore dekhave, revolving stage, girest sonvad hem soglem sorgest Rosario Rod-an kelem ani tea uprant atam ami hea Non-Stop Show-ant char vo sov kantaram ghalun hea prokarak Non-Stop Tiatr mhonn choloila. Sudharopa vatten khub-khub zalam - adle porim pirluk martali ti atam aikona, kant suru korpak songitkarancher torch martale tem bondh zalam. Prompting astalem tem kaddun uddoilam. Machi nettovop, boro boro bizle-cho vapor, background songit adi. hem sogott sudharop sogttanche nodrek dista. � Konknni kolaka-ranchem Konknni bha-xek iogdan kitlem ani koslem? n Konknni kolakaran-chem Konknni bhaxek iogdan mhollear Konknni palkar tiatr vo khell-tiatr dakhovopachem ani aplo obhinoi lokam somor dovrop. Zaite pavtti mhonnttat tiatristamni ani padrimni Konknni bhas jivi dovorlea mhonn. Punn hanv mhonnttam tiatristamni Konknni bhas jivi dovorlea ti fokot padrink lagon. Zori padri ganvam-ganvamni tiatr ghalche nalse zalear tiatr zanvche nasle ani tiatristui asche nasle. Aiz kal sorkar tor tiatram khatir kainch korina, kontradorui nant, ten�na padri nhoi zalear tiatr anik konn ghalpache? � Konknni palkacho tuzo onnbhov sangxi? Ani Konknni machier tuji komai? n Mhaka machier boro onnbhov mell�la ani mhojea kolakarancho mhaka boro sohokarui labhla. Tiatr mhoji hobby mhunnttoch palkar komavpache vatten hanvem lokx diunk na. Mhaka hurba asa mhunnonuch hanv palkar asam. Zaite pavtti mhaka kainch nofa mellona zalear sud�dam hanv mhoje tiatr ditam. Mhoje sangati kolakar asat tankam kitem tori mellom di mhonn hanv show kortam. Tiatrancher ken�nai bhorunk melltta zalear ken�na vharonvche poddtta. � Tunvem kitle khell-tiatr boroileat? Tujea khell-tiatranchi �century� ani �double century� zaleat... n Hanvem soglle mellon 30 tiatr/khell-tiatr boroileat. Succorina hea mhojea khell-tiatrache eka vorsa modhem 215 proiog zaleat. Ho tiatr hanvem khore ghoddnnencher boroil�lo. Hea tiatrak lagon mhojer kes ghatleli ti hanv don vorsam loddlon ani ti kes hanv jikhlom, te khatir ho tiatr odik famad zalo. Hea tiatracho �Opening Chorus� akho oparimni vinnlolo aslo ani aiz pasun lok tachi iad kaddtat. FLORIAN VAZ POILO MARTIR hea mhojea show-ant hanvem Mum-boicheam tiatristank zoxe porim sorgest C. Alvares, Alfred Rose, Bab Peter ani Titta, Ophelia, Rita Rose hankam ghatlelim. Hea show-ache 55 proiog zal�le. Tech porim SONVSARANT ASTANA DIAT hea mhojea show-ant hanvem M. Boyer-ak ghatlolo. GHARA IA hea mhojea show-ache 125 proiog zaleat ani ho show hanvem don vorsam fattim Mumboint dakhoila. Sod�deak choltolo DHA LAKH ho mhozo show ek tiatr ani to boroch pro-sidh�dh zala. Atam hanv novo show bhair ghalpa-cho asam to mhollear JIVIT OSTOREANCHEM. � Tuje show dakhounk tunvem pordexant bhonvddeo keleat... n Hanvem sov pavtti pordexi bhonvddeo keleat. Hanv zaun asa poiloch direkttor akho 15 zonnancho pongodd ghevn Gulfachi bhonvddi korpak. DUDDU ANI GINEAN, SUCCORINA, FLORIAN VAZ POILO MARTIR, DHA LAKH adi. he show hanvem pordesant dakhoun namna zoddlea. � Tiatrist Konknni porgottnneank soddun Inglix porgottnneak jairati ditat te vixim vhodd ttika zata. Tujem mhonn�nnem kitem? n Hanga amchea tiatristanchem chukta. Konknni porgottnneank ami jairati dinant zalear ani konn ditole? Hench chintun hanvem V-Ixtt-ak jairati divpak survat kel�li ani zaite tiatrist magir ditale, punn atam novean jairati divpache bond zale. Mhojea hispan zalear mhoineak ek jairat divop vhodd nhoi. GULAB-ak dor mhoineak mhoji ek jairat asteli... � Jairatik ani mulakhatik kainch sombond na. Tiatristancheo jairati mellom vo na mellom, GULAB-ak khoxi te meren kolakarancheo mulakhati ani puroskar chalu astele. Jairati mellonk zai mhonn hem ami nikalus korinant. Jairati dinvcheo kai na to nirnnoi digorspeancho! Meninobab, tum atam machier savn rajkoronnant uddi marta mhonn aikolam... n Ieteo pott-venchnnuko ek opokx umedvar koso loddonk hanvem ievjilelem. Punn ho nirnnoi hanvem fattim ghetla, karann aichim eleisanvam duddvancher tthorlolim asat. Duddvam vorvinch eleisanvant zhoit melloum ieta. Ani he babtint duddu moddpak mhoje kodden nam mhunnttoch hanvem jerul har khanvchi poddtteli. Sod�deak hanv amche Panchaiaticho ponch asam. Hanga vo tiatr mollar hanvem ken�nach har gheunk na mhunnttoch hea eleisanvant bhitor soron mhojea jivitant har ghevunk hanv sodina te khatir eleisanv loddpachem mhojem hanvem pavl fattim ghetlam. � GULAB-achea vachpeank tuzo nirop kitem? n Fr. Freddyn kirlavn voir kaddlelem hem GULAB-achem zhadd aiz tumi ximptat dekhun hanv chodd khoxi. GULAB Goenkaranchea opurbaiecho, to Goenkarancho obhiman. Ho GULAB fulot ravonk zai, to bhavonk divunk favona ani he khatir sogott Goenkaramni mozot korunk zai. GULAB sonvsar sompo porian jivo uronk zai. | ||
Upkarant: http://www.gulabonline.com/
Gulf-Goans e-Newsletter is moderated by AlmeidaG(ji) since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature. This first of its kind Gulf-Goans e-newsletter is dedicated to Goans around the Globe. http://www.goa-world.com/ Team and founders are always the first to get you in the limelight - in the field of sports, politics, social, cultural, educational, other actitivity(ies) or to the benefit of Goans and Goa via its news services from professional journalists and supporters based in Gulf countries and as far as the Americas. Thanks for the support to Goa and Goans.
MAY BALL 2005 (Kuwait) in pictures
http://groups.yahoo.com/group/gulf-goans/message/5843
EXPRESSIONS - The Flower Shop (Goa)
Greet your Loved ones in Goa on all Occasions.
http://www.goa-world.com/goa/expressions/
Do You Yahoo!?
Yahoo! Small Business - Try our new Resources site!
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
Yahoo! Groups Links
- To visit your group on the web, go to:
http://groups.yahoo.com/group/gulf-goans/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
