|
|
|
|
Eka disa sokallchea vellar iskolak vetanam, voir rostear aslelea bebkan putt?t korun fondkulant udki ghetli. Hanvem vell piddear korinastana paim marun udka soit bebkak voir xevtilelem tem vochun mhojea mhukar cholltelea cholliechea kopddeamcher xevtolem.
?Oh no! Hem tuvem kitem kelem? Hanv mhoje class-teacher-ik sangtelim?, tinnem xiddkavnnim diun mhonnlem.
?I am sorry,? sorry mhunnit tichea kopddeamcher poddlelem mellem udok pustana tinnem zap ghatli.
?Puro, puro. Puspache niban sondh (chance) ghenaka?.
Hanv nnovea vorgant zalear ti cholli atthvea vorgant xiktali. Urleli vatt bebkamchea fattik lagonastana moneaponnan hanv tichea sangata chollunk laglolom. Cholltam, cholltam mhojem mon mhaka sotovpak laglem. Fondkulantlea udkantcher paim marun bebkak voir marlelem. Tea vattevelo zago, ugto; mhonnchem koslinch zhaddam-jilkutam thoim lagim naslim. Zalear, bebuk gelem khoim?
Iskolache angdan pavunk anik ek dha minutamchi vatt urleli. Mollbar khallim khupam aslim tim odik khallim zait vhetalim. Varo suttlo. Bharik pavsachi xirxiri suru zali. Igorjicho tollea bandh par (cross) korunk zai aslo. Tea tollea lagsor ek sankov aslo. Ratchea vellar thoimsor ek bhutt dista mhonn zantte-vhoddil uloitana hanvem aikololem. Lagim ek ghor nhoi mhonn kumptti porian thoim nasli. Disa uzvaddan itli bhirankull svat distali tor ratchea vellar kitli
disteli? Sankva sorbhovtim zhaddam-jilkutam lambtalim. Pavsan nett dilolo. Mhoje thaim sotri nasli. Iskolak bhair sorlolo tedna pavsan koslich khunna divnk naslim.
Pavs motto zait vetalo. Hanv pavsan biztta to pollevn ti cholli mhoje morean ievn aplea sotrecho adhos dilo tedna hanvem tika mhonnlem.
?Naka, naka. Mhaka lagun tuvem bizouchem nhoi?
?Tuvem mhaka bizoulelench asa,? ani tinnem apli sotri mhojea lagim dili. Hanvem ti uzvea hatant dorli ani dhavo hat mhojea pustokachem bag samballunk dhorlo.
Tolleche sankvar ami pavot ailelim. Chollien okosmat chollpachi xoilli (style) boddol?li. Fashion show-ak models cat-walk kortat te toren ti chollunk laglelean hanvem tika moskorean vicharlem
?Tum vhodd zatoch modeling kortelem kitem??
?Kiteak vicharta tum??
?Je toren tum atam chollunk laglam tea ispan dislam mhaka.?
?Lino, tujem bondd kor. Please stop it!?
?Kitem bondd kor mhonntai??
?Kaskutleo korpachem bondd kor.?
?Tum kitem uloitai? Mhojo uzvo hat sotri samballta ani dhavo hat pustokachem bag?.. Oh shit!!?
?Kitem zalem?? Tinnem vicharlem
Ami dogaim sankov par kortalim. Tea vellar mhaka sankva velea bhuttachi iad aili. Ponn bhuttam disachim sottainant mhonn hanvem aikolelem. Ponn he choliek khoimchem bhutt sotaita kai? Mhojem nir-opradhiponn (innocent) ugttem korpak hich sondhi dorun hanvem mhonnlem
?Tuka kovlem nhoi hanv tuka hat laina mhonn??
?Toxem zalear mhojea pattir thanv potta dixen veta tem kitem?? Tinnem bhirantin vichar kelo.
Tichea vicharan mhoji tube light pettli. Jedna hanvem khontt marun udka soit bebkak voir marlelem tedna tem bebuk ticher uslon tichea polkeachea (blouse) bhitor ghelelem astelem ani tench bebuk tika sotaitalem.
?Tujea polkea bhitor bebuk asa,? hanvem tika sanglem
?M-u-m-m-y!!? tinnem akhantachi kil?loch marli
?Tum bebkank bhieta?? tichea bhielelea sobhavak pollevn hanvem vicharlem
?Oi,? tinnem man halloili
?Toxench ubem rav. Hallum naka. Bebkak bhair kaddunk hanv tuka adar kortam?
Sotri ani mhojem pustokachem bag tichea lagim dilem. Tichea blousachea bhitor aslelea bebkak davea hatant dorlem ani uzvea hatant tichea blousache buttavn soddovpak laglom.. Teach rostevelean ievn-vochpi teacher Philoo pavon sorli. Tinnem apli saikoll tamboili ani sakollicheruch bosun vichar kelo.
?What is going on here? What are you doing Lino??
?Just helping her to catch a small frog.?
?What frog? Green treefrog, Gray treefrog, Pine woodsfrog, Squirrel treefrog??
Teacher-in kitlinch bebkamchim nanvam sanglim punn thamddea matichea udkant astelea bebkachem nanv mat sangunk nam, ani kitem mhonntat tenvum-i mhaka khobor naslelean hanvem mhonnttlem, ?red-red water frog?
Teacher soglli ragabhorit zaun saikolli velean dhenvun nitt mhojea sorxim ievn mhonnttlem ?What did you say? You stupid dirty boy. Remove your hand from her blouse,? ani THO-O korun kutt marun mhoji tokli vazoili. Teach vellar mhojea uzvea hatak bebuk sampodlem ani hanvem vell piddear korinastana teacher-ichea tidken bebkacher nibrant ?shot? ghatli ani bebuk vochun lagxile tollen poddlem.
Teacher Philoo, saikolicher bosunk vetali ti thambli ani mhojea sorxim ievn mhonnlem,
?Oh!! This is what happened here. I am sorry Lino. I misunderstood,? ani tinnem mhoji tokli poxeli.
This first of its kind Gulf-Goans e-newsletter is dedicated to Goans around the Globe. http://www.goa-world.com/ Team and founders are always the first to get you in the limelight - in the field of sports, politics, social, cultural, educational, other actitivity(ies) or to the benefit of Goans and Goa via its news services from professional journalists and supporters based in Gulf countries and worldwide. It is moderated by AlmeidaGaspar since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature. Thanks for the support to Goa and Goans. View this short film:
http://www.JourneyOfAttraction.com
Thought for the Day: Good communication is as stimulating as black coffee, and just as hard to sleep after.
Yahoo! Sports
Rekindle the Rivalries. Sign up for Fantasy Football
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
Yahoo! Groups Links
- To visit your group on the web, go to:
http://groups.yahoo.com/group/gulf-goans/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
