[Gulf Goans] Konkani Machier: "CHUKLELIM PANVLAM"

[ULYSSES MENEZES www.goa-world.com]

KONKANI MACHIER
 
                 “CHUKLELIM  PANVLAM”
 
 
 
Sam Juanv Baptistache Porbe nimtan, June-ache 24ver, Sukraradis sanjechea 4 vorancher Hawally Kuwait hangasor aslolea A/C Vosreant (Hallant) Ferns Brothers Productions hachea asrea khal Bab Mario de Majorda hannem boroun digdorxit (directed) kel’lo “CHUKLELIM PANVLAM” hea mathallea khal machier haddlolo tiatr ami vosro – bhor loka sangatak pollelo. 

 
 Khup kallan, eka borea dorjeacho ani vell boro umedir ani moujen sarpa sarkho tiatr pollounk mell’lo oxem vosreant lok uloilolem aikhunk ietalem.  Khorench, Bab Mario de Majorda hankam porbim ani vakandd favo, karann tachea tiatrachi borpavoll (script) manddavoll (setting) ani venchun kaddlolea kolakarank tim ti  bhumika (role) dil’lean “eke mudier, diamanti tik” bosoilolea sarkem disun ailem.
 
 
 
Dor eklea kolakaran zorui jiv marun mhonttlolea porim ap-apli bhumika keli,  torui astana Bai Gracy Morais, Bab Donald Colaco, Bab Cajetan de Sanvordem, Bab Jonathan ani Bab Adrian Goes, Bab Ulhas Tari ani Bai Jessica hancho khas ulekh kelea xivai ravonk zainam. Tiatrachi kotha suri to xevott meren eksarki “suspense” aslolean ani dor eklo kolakar ap-aple vatten ani ap-aple bhumiken borinch porzolltolean, tiatrachea kothecho xevott kitem zata hem zanno zavpak tiatr polloupi lok kodelink xittkun urlolea porim astananch tiatr kednam suru zalo ani kedna somplo hachi zanniv lokak koll’lich na.
 




 

 Hansovpachea kamant Bai Querobina, Bab Selvy ani Bab Agostinho hannim aplea hanspachea pil’lamnim hajir zal’lea lokak pott-futtosor hansoilim. Bab Laurie Miranda and Bab Joseph Rodrigues ap-aplea lhanxea bhumi korun bore porzoll’le.
 
   Tiatrachi kotha (story) eka  somajik ghor-sonvsari jivitacher attaploli asun tachi borpavoll sonvad
 (dialogues) machiechi manddavoll ani bizlechi dakhoun bhes bori asli. Tiatr boro dorjedar ritin zaunk fokt Bab Mario de Majorda babanuch nhoi tor dor eka kolakaran ap-aple vatten bori uxarkai ani umed dakhoitolea tachea velean nivoll disun ietalem.
  
Bhazuchea gitam (songs) vatten Bab Jose Rod, Bab Ulhas Tari, Cajetan–Marcus–Mario, Jonathan – Clifford–Terrance, Bab Michael D'Silva, T-Britton, Bai Querobina Carvalho, Bai Gracy – Bab Francis de Verna,  adi., hanchim gitam vakhandd  divpa sarkim axil’lean ani hea khatir amchi xabaski ani probim ditanv. Songita vatten Bab Soccoro DeMelo ani tachea sangateanim songita vatten boro sangat diun hajir aslolea lokak bore umedir dovorle dekhun, tanchoi ulekh korun tankam xabaski dilea xivai ravonk zaina.
 




 

 
Hachea fuddarak, Bab Mario de Mojorda-n hachea von bore dekhi-ritiche tiatr boroun machier haddunk amchi tankam vinonti asa. Tech porim, dusrea tornattea borovpean – digdorspeanim jedna ap-aple tiatr machier haddtat tedna, Bab Mario-chi dekh gheun aple tiatr machier haddun amche Konknni Maim bhaxechi ani lokak boro divertiment( kormonnuk) diunk vavrunk fuddem sorche mhonn amchi tankam nomrutaiechi vinonti asa. Xevttak anil ek pautt Mario de Majorda babak ani tachea dor eka sangateank ununit porbim ditam ani fuddlea vavrant tankam bhorpur ies auvdetanv.
 
Anthony Correia Pienkar
Pilerne Goa / Kuwait
 
(Additional input by http://www.goa-world.com, photos by Rewon Gomes)
 
		Yahoo! Sports 
Rekindle the Rivalries. Sign up for Fantasy Football





http://www.goa-world.com
http://www.live365.com/stations/61664 Live Konkani Music
http://www.mahableshwar.com/


Addresses:
Post message: gulf-goans@yahoogroups.com 
Subscribe: [EMAIL PROTECTED]  
Unsubscribe: [EMAIL PROTECTED]  
List owner: [EMAIL PROTECTED] 
URL to this page: 
http://www.yahoogroups.com/group/gulf-goans 





  
  





  
  
  YAHOO! GROUPS LINKS



   Visit your group "gulf-goans" on the web. 
   To unsubscribe from this group, send an email to: [EMAIL PROTECTED] 
   Your use of Yahoo! Groups is subject to the Yahoo! Terms of Service.