Mejuah Juah Permilis Bagepe Bengkila Ginting Mergana Sila erbosan-bosan
nuangken pemikirenna ku bas milista enda.
"Gia Melawen Jumpa Denga" Enda sada tulisen si pernah teroge aku ibas kaca
mobil bus Po. Sebayang trayek Kabanjahe - Lau Perimbon, janah tulisen enda ndai
lit ka kuakap perserina ras tulisen si enggo isuratken Kila Ginting mergana
iteruh enda.
Memang kerna tulisenku si judulna "Saya Takut Menulis" ku bas milis enda enggo
tergolong cukup ndekah kel ku postingken, janah ibas waktu enda denga kang
makana enggo lit balasen kerna tulisen enda ndai ibas kila ginting mergana nari.
Amin bage gia aku cukup berbahagia ndatken balasen ibas kila nari, ija kuidah
ibas balasen si ikirimkendu cukup mereken motivasi man kami, khususna anak-anak
muda karo, si maun-maun merasa tidak berkompeten guna nulisken segala sesuatu
hal si nianggap perlu guna itulisken.
Mbera-mbera arah motivasi si niberekenndu enda kila, kupudi wari si reh enda,
kami selaku Generasi Muda, lanai cangung-canggung mengutarakan
pengalamen-pengelamen, bagepe pendapat-pendapat kubas tulisen-tulisen si
tentuna ermanafaat man banta kerina.
Bagem sitik kel ibas aku nari, janah sekali nari ibas motivasi si ni berekendu,
mbue ikataken kami Bujur Ras Mejuah juah.
MU Ginting <[EMAIL PROTECTED]> wrote: Uga nulis
Mejuah-juah anak-anak muda Karo "kelompok penakut". " Saya ingin menuliskan
sesuatu tentang hal yang saya lihat sendiri, dan sebenarnya perlu diberitahukan
ke khalayak umum seperti halnya ke milis ini. Namun semakin kuat perasaan ingin
menulis, maka semakin susah pula jari-jari ini untuk mengetikkan huruf, demi
huruf di keyboard PC saya. . . . apakah kita adalah bagian dari "kelompok
penakut" untuk menulis, tentang hal-hal yang memang pantas untuk di beritahu
kepada orang lain?" (Alexander Firdaust) - milis tanahkaro Message no 22256 Mon
Aug 20, 2007 8:35 am
Piga-piga bulan silewat kuoge posting Alexander enda i milista soal uga
nulis. Pemindonna sharing pengalamen sesama kita kerina permilis sirulo. Enca
ku oge sekali nari postingna adah ndai, mis ka turah ukur, kujawab kari enda
ntah lahang, lit nge sitik pengalamenku buen ibandingken anak-anak muda adah,
maka adi la kujawab pura-pura tak tau saja . . .labo kapken lit si mettehsa,
labo aku salah. Tapi rukur rukur, tah kai deba bas ukur. Adi la kujawab bagi si
erdosa ka kuakap bangku. Engkai maka lahang, kalak nguda sinungkun soal si
enggo leben kutteh sitik lah gia, tapi sinik saja. La pernah terdungi bas ukur.
Kai kin enda ertina maka bage. Perban aku kalak Karo? Kultur Karo si
shame-based culture. Ibas guilt-based culture, tertangkap basah baru datang
malunya, itupun kalau datang. Ibas shame-based society lenga tertangkap pe
enggo merasa salah (sense of guilt). Atau karena saya sudah kebarat-baratan
dengan guilt-basedculture. Tapi piah enggo erdalan waktu 3 bulan,
sense of guilt ndai lenga ka bo bene.
Eak, labo aku kalak Barat ndai teku. Endam kap reh ka gundari rasa salah man
anakmuda Karo enda ndai, rasa salah lenga bene atau mungkin kin bene bage saja?
Ku angkat pena enda (keyboard computer), kutulis, jari-jari erdalan bagi si la
terkontrol, ertina kata-kata reh saja bagi lau maler. Bagenda kin kalak nulis
adah ndai? La iukurken pe reh saja kata-katana. Engkai maka banci bage adi aku
labo penulis, labo kalak si beluh nulis? Bagenda kin kelompok penakut adah
ndai? "Kelompok penakut" ndai kin aku? Labo tersangkal, aku kalak Karo, dari
shame-based culture society, ertina kelompok penakut nulis.
Melala etnis bagepe bangsa si termasuk ku golongan enda. Umumna kalak Timur,
gia i Timur pe melala kang etnis si guilt-based culture. Eak, bagi si nimpang
kari adi kuterusken ka soal enda. Tapi enda penting kuakap ndai kukataken,
gelah ula kitik ukurta adi kita asalna shame-based culture alias kelompok
penakut. Sebab melala jumlah pengarang besar si asal basis enda. Enda ndai
maksudku. Labo mungkin kita nulis atau ngarang alu basis sideban selain basista
sendiri kang modalta. Lit suku bangsa adi ittehna 5 tapi lancang ia ngatakensa
kutteh 10 nina. Tapi kalak Karo terbalik, adi ittehna 10 nina 5 ngenca tehsa.
Bagendam kira-kira ibas praktek perbedaan 2 basis kultur enda ndai. Enda melala
rusur sijumpai ibas kegeluhen. Ugakin enda perbedaanna, sama-sama lit kelebihen
ras kelemahenna. Arah enda nari kita berangkat nulis, kelebihenta si
kembangken, kekurangenta si tingkatken jadi lebih positif. Si erlajar ras si
rukur tetap nge jadi pemenang. Enda pasti! Kalak Karo senang
erlajar, senang rukur.
Perlu kang pepayo bagi si kataken Bang KT, "Kuncinya adalah menguasai
masalah.", nina. Enda payo, terutama adi menulis masalah sada persoalen
tertentu, kai denga ka si mungkin jadi bahan perdebatan. Adi menguasai
masalahna secara teori pe seh kang buena artina. Teori enda kapken kesimpulan
praktek, itulis kalak si enggo leben asang kita. Teori enda enggo melala ka
siteruji ibas praktek, bagepe banci kang si cocokken sendiri uga gundari, masih
berlaku atau tidak dengan keadaan aktuel sekarang.
Si cukup praktis bagi si kataken Shodan Purba, "one word at a time".....nina.
Enda pe mbue kang ertina.
Ku oge-oge bas Wikipedia soal penulis terkenal kalak Inggris Rudyard Kipling,
nina bagenda pedomanna:
"I keep six honest serving men They taught me all I knew I call them What and
Where and When And How and Why and Who" (Joseph Rudyard Kipling)
Mulai dengan what , tentu bisa dituliskan . . . .
Kemudian where, tentu bisa juga dituliskan . . . dst
Tambahenku ka sitik, adi bas milis enda kai kin si man 'kebiaren'
jenda kapken inganta erlajar ras siajar-ajaren bagi janjinta ndube
Bagenda ka lebe sitik Alexander
Bagenda me lebe anak-anak muda "kelompok penakut" nulis, hehehe . . .
Bujur ras mejuah-juah
MUG
--
---------------------------------
Går det långsamt? Skaffa dig en snabbare bredbandsuppkoppling.
Sök och jämför hos Yahoo! Shopping.
Best Regarts
www.dausmedia.cjb.net
---------------------------------
Be a better friend, newshound, and know-it-all with Yahoo! Mobile. Try it now.
