Piga-piga wari terakhir enda lit kesempatenku guna mulih ku kutanta i taneh
pinem dairi, janah ibas kesempaten mulih ku kuta enda ndai, lit piga-piga
berita si perlu kang kuakap kuperbetehken man banta kerina permilis sirulo si
ijape tading kerina labo erkendobahen.
Informasi pertama emekapken kerna keadaan rumah-rumah adat si lit ibas Tahura
ija selama enda ndai rumah-rumah adat e enggo terulang janah teridah rapuh,
tapi ibas aku mulih kukuta enda ndai keadaanna enggo berubah ija enggo lit
teridah pemugaren ija dinding rumah adat e enggo i cet mejile,rikut ras tarumna
pe teridah enggo i sambari.
Peduaken emekapken informasi mengenai jalan penghubung antara kabanjahe,
tigabinanga, seh ku kuta buluh kabupaten dairi kondisina tetap denga bagi
tahun-tahun sebelumna, ija labo lit teridah denga perbaiken nangdangi kondisi
dalan si enggo seh kel sontarna enda ndai, emaka untuk menempuh perjalanen
antara kabanjahe ku kutabuluh iperluken waktu kurang lebih 3 jam makana seh.
Informasi peteluken emekapken ija muat mulih rebih ibas kuta nari, untuk
menempuh perjalanen ibas tahura nari seh i sembahe butuh waktu kurang lebih 3
jam perbahan macet total ibas dalin enda ndai, janah adi menurut informasi
teman-teman si biasa erdalan ibas jalur enda, maka nina hampir setiap hari
libur dalan enda senantiasa la terlepas ibas kemacetan nari, makana man bandu
kam siapai pe adina mentasi dalin enda, gelah ula kena macet hindarilah
wari-wari libur.
Endam informasi i kuta nari si banci kuperbetehken man banta kerina,
mbera-mbera informasi enda banci lit gunana man banta kerina.
Salam Mejuah Juah
Karo Cyber Community
