Mejuah Juah Kila ras permilisi kerina Adi waktu dedanak denga aku ras pe tading i kuta denga asum si e, mekatep entahpe hampir setiap bulan banci kita ngidah kai sinikataken Bentiha enda ndai. Selama kurang lebih 10 tahun aku enggo tading i Medan, rikut ras selama waktu 10 tahun enda ndai, sekalipe labo denga pernah aku teringet ngidah bentiha i kota nomor sada terbesar i luar pulau jawa enda (entah aku si kurang mediate makana la pernah kuidah e mungkin saja).
Andina soal kerehen Bentiha ras pe kalak si memperdatekensa, maka sikuperdateken nai asum ngidah bentiha denga rusur ikuta, maka buen kangenda si reninsa danak-danak asangken orang tua. Asal lit teridah bentiha i langit, maka banci sada kuta danak-danak rata-rata kerinana memperdateken entah pe renin bentiha enda ndai. Enda kam lebe kerna pengalamenku kerna Bentiha, mbera-mbera lit gunana ikut ngerameken milis, si ibas akhir-akhir enda enggo muat lungenna. Salam Mejuah Juah Karo Cyber Community --- On Sun, 10/11/09, pa_canggah <[email protected]> wrote: From: pa_canggah <[email protected]> Subject: [tanahkaro] Bentiha…… To: [email protected] Date: Sunday, October 11, 2009, 11:40 AM Bentiha, tahpe pelangi nina pe e kang, sada kejadin alam si mekatep menggep. Permenggepna biasana sanga udan gembura rikutken sinalsal matawari erkandihawa denga. Lit terjadi pembiasan warna, nina kalak simeteh surat. Emaka rupana si teridah erbage-bage, lit simegara, megersing, meratah ras sidebanna. Ngerana kerna bentiha, kalak simperdiatekensa kepeken seh kel teremna, gia kalak si la diatena pe la ka bo min kurang. Buktina, bas kalak tertentu, sair ras pantunna dem alu singet2 kerna bentiha, bas kalak sideban ka, sada kel pe sair laguna tah pe puisina la pernah ningetkensa. Tah uga maka bage me? Banci jadi erkiteken bas kalak tertentu, rupa bentiha iakapna mejile man tatapen, sada dampar simenarik jelma encakapkensa. Mejile man tatapen lah gia, bas jelma tertentu penting ka kin. Bas kalak sideban, natap bentiha bagi si lit bagi silang, nanamna nge penanam-nanam nina ka. Mungkin erkiteken bentiha simenggep ngikutken udan gembura-gembura ngenca, rintik-rintik pe lang, jadi lalit gunana man kegeluhen perjuma. Adi lo erguna, man kai kan kin tuhu iperdiateken arih? Saja bagi biasana, kesemalen jelma kepeken silangket-langketen ku kawes kemuhen. Man tatap-tatapen lah gia mberru mejile, rikut ka cakap lah gia mehuli, enggo ka erlangket-langket, ngelangketi kalak pantas. Bentiha tuhu arih? Man tatapen enggo me merandal, sora udan gembura singarakken ia enggo me mehuli, de deheri, reh deherna reh malapna rupana, piah lanai teridah pe dungna. Salam bentiha….
