Sandiwara buaya cikcak tempa-tempa nandangi sai, sada-sadai juak-juak buaya mulih ku karang, cikcak-cikcak la rikor ersikap-sikap mulih ku asar, rengit-rengit cingem-cingem nimai gendang pendungi, pais ras tempulak permayan nangkih ku panggung.
Simbisa buaya pembisa-bisa bana, ndedah janah ersuri, petunggung-tunggung daging, ngarap permayan ertipak bana, janah ndarami si kambing mbiring, man panganen pais tempulak permayan. Cirem-cirem si mbisa buaya, natap jurus jalok pandikar nayan, tempa nipak, kepe ersembah, ersembah mindo pulungen tawar, tawar buaya bangke tinangko. Ngelanggam tanda la ngue rayat sirulo, natap kulah-kulah pandikar nayan, kulah-kulah parang persuri, sindube iarap pejore geluh sirulo , kepe indong sinasa indong buaya pengatah bangke. Eak palu gendang ena le . California, wari pengataken bujur 2009
