In 2019-11-16 11:24, MacLeod Dave scrit: > li tipation de Helvetia quel continua poc a poc
Yo ja conosset, per li ligament RSS del web loc, vor nov projecte de tipation. To va esser un grand e util labor. Li textualisation del contenetes va permisser leer les facilmen. Pos li experiente marcante li textus de Cosmoglotta, un tant grand e long tache, yo pensa, que un basic marcation durante li tipation vell adjunter presc null labor additional, durante que it vell far li futur reusation e librification del textus plu facil e rapid. Noi posse parlar pri optiones in un nov missagiere de ti-ci gruppe. > Pos har informat un amico programmator pri vor activitás il dit me que > il ha in recent témpores comensat su propri edition del grammatica > Haas (ma pos quande vu hat comensat it). Il petit me informar vos li > ligamentes https://occidental-lang.com/grammatica/#/ e > https://github.com/occidental-lang/grammatica por que vu du mey esser > conectet e por que il mey in futur saver pri tal activitás. Tre bon. Il usa li marcation MarkDown, quel es tre direct por publication in li web. Yo usa li marcation Asciidoctor, nam mi prim scope es crear un libre digital. It ne es un problema, que du editiones digital del sam libre va hayar. Yo va adjunter li information e ligament pri ti edition in li mi. Ma ultra to it es ínfelici, que noi essent tant poc laboratores, labora duplicmen, durante que hay tant a far por Interlingue. Semblantmen li rason es que ne omnis partiprende omni medies de contacte (liste retpostal, Twitter, Reddit, Facebook, Discord...). Yo suggeste pensar, qualmen ameliorar li coordination e colaboration inter li laboratores por li lingue. > https://www.youtube.com/watch?v=5_1kNaVtD2Q It es un bonissim idea. Yo comprendet omno tre bon. It posse esser li prim passu du un serie de micri videos. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#7): https://groups.io/g/interlingue/message/7 Mute This Topic: https://groups.io/mt/59394037/21656 Group Owner: [email protected] Unsubscribe: https://groups.io/g/interlingue/leave/5161842/2010256328/xyzzy [[email protected]] -=-=-=-=-=-=-=-=-=-=-=-
